కొనుగోలు పరిమితి పెంచాలి

కొనుగోలు పరిమితి పెంచాలి

భైంసాటౌన్‌: ప్రభుత్వ కొనుగోలు కేంద్రాల్లో పత్తి, సోయా కొనుగోళ్ల పరిమితి పెంచాలని ముధోల్‌ ఎమ్మెల్యే పి.రామారావు పటేల్‌ కోరారు. ఈ మేరకు ఆదిలాబాద్‌ ఎమ్మెల్యే పాయల్‌ శంకర్‌తో కలిసి వ్యవసాయ శాఖ మంత్రి తుమ్మల నాగేశ్వరరావును హైదరాబాద్‌లో సోమవారం కలిసి విన్నవించారు. సోయా పంట ఎకరాకు 7.60 క్వింటాళ్లు, పత్తి ఎకరాకు 12 క్వింటాళ్లు కొనుగోలు చేయాలన్నారు. భారీ వర్షాలతో సోయా పంట దెబ్బతిందని, 20 శాతం డ్యామేజ్‌ ఉన్నా సోయా కొనుగోలు చేయాలని కోరారు. అసైన్డ్‌, ఎండోమెంట్‌, ఇనాం, వక్ఫ్‌ భూముల్లో సాగుచేసిన పంటలను కూడా కొనుగోలు చేసేలా చర్యలు చేపట్టాలన్నారు. కౌలు రైతులను గుర్తించి వారి పంటను కొనుగోలు కేంద్రాల్లో తీసుకునేలా చూడాలని పేర్కొన్నారు. ఇందుకు మంత్రి సానుకూలంగా స్పందించినట్లు ఎమ్మెల్యేలు తెలిపారు.