TV
టాలీవుడ్ నటులు వరుణ్ తేజ్, లావణ్య త్రిపాఠి వివాహం నవంబర్ 1న ఇటలీలో జరగనుంది. ఈ జంట టుస్కానీలోని ఒక రిసార్ట్‌లో ప్రైవేట్ వేడుకను జరుపుకుంటున్నారు, ఇప్పటికే ప్రీ-వెడ్డింగ్ వేడుకలు జరుగుతున్నాయి. ఈ వివాహానికి నటీమణులు సమంత, రష్మిక మందన్న, నాగ చైతన్య హాజరుకానున్నారు. వివాహ థీమ్ పాస్టెల్, రిసెప్షన్ థీమ్ గ్లామ్‌గా మెరుస్తున్నది. నిన్నటి కాక్‌టెయిల్ పార్టీతో ప్రీ వెడ్డింగ్ వేడుకలు ప్రారంభం కాగా, ఈరోజు హల్దీ, మెహందీ వేడుకలు జరగనున్నాయి. ఈ జంట ఈరోజు పూల్‌సైడ్ పార్టీని కూడా ఇవ్వనున్నారు.
(చదవండి: కార్తీ 'జపాన్‌' గుర్తుండేలా.. వాళ్లకు రూ 1.25 కోట్ల సాయం)
వరుణ్ తేజ్ పెళ్లిలో సమంత, రష్మిక మందన్న, నాగ చైతన్య సందడి చేయనున్నారు. వీరందరూ వేరువేరుగా నిన్న హైదరాబాద్ అంతర్జాతీయ విమానాశ్రయంలో కనిపించారు. వీరందరూ కూడా వరుణ్ పెళ్లి కోసం ఇటలీ వెళ్తున్నట్లుగా సమాచారం ఉన్నా.. ఆ విషయాన్ని ముందుగా వీరు ఎక్కడా ప్రకటించలేదు. కానీ పెళ్లి కోసం ఇటలీ వెళ్తున్నట్లు ప్రముఖ నేషనల్‌ మీడియాతో వీరు ధృవీకరించారు. ఆ మేరకు నేషనల్‌ మీడియాలో వార్తలు ప్రచురం అయ్యాయి.
ఈ వివాహా వేడుకలో నాగచైతన్య, సమంత ఎదురెదురు కానున్నారు.. ఆ వేడుకలో వీరిద్దరూ ఒకరినొకరు పలకరించుకుంటారా..? మాట్లాడుకుంటారా..? అని వారి అభిమాను‍ల్లో పలు ప్రశ్నలు రావడం సహజం. ఇటలీలోడెస్టినేషన్ వెడ్డింగ్ తర్వాత, ఈ జంట నవంబర్ 5న మరో రిసెప్షన్ పార్టీ కోసం హైదరాబాద్‌కు తిరిగి వస్తారు, మొత్తం టాలీవుడ్ సినీ, రాజకీయ పరిశ్రమల నుంచి ప్రముఖులు హాజరవుతారు.
