మా ఇంటి దగ్గర బస్సు ఆపవా..!

చిలకలపూడి (మచిలీపట్నం): కృష్ణా జిల్లా పామర్రు నియోజకవర్గం నిమ్మకూరు గ్రామంలోతన ఇంటి వద్ద బస్సు ఆపలేదని ఆర్టీసీ డ్రైవర్‌ను ఆ గ్రామానికి చెందిన టీడీపీ నేత, మాజీ స­ర్పంచ్‌ జంపాన వెంకటేశ్వరరావు దుర్భాషలాడాడు. అంతటి­తో ఆగకుండా డ్రైవర్‌ సీటు నుంచి అతడిని కిందకు లాగేందు­కు యతి్నంచాడు. బస్సు ఎక్కడ పడితే అక్కడ ఆపబోమని, రి­క్వెస్ట్‌ స్టాప్‌లు ఎక్కడ ఉంటే అక్కడే ఆపుతామని డ్రైవర్‌ ఆ నా­య­కుడికి చెబుతున్నా వినిపించుకోకుండా డ్రైవర్‌పై దాడి చేశా­డు. 

ఈ ఘటనను వీడియో తీస్తున్న కండక్టర్‌పై కూడా దాడి చేసేందుకు వెంకటేశ్వరరా­వు ప్రయత్నించాడు.టీడీపీ నేత దౌర్జన్యంపై ఆర్టీసీ ఉ­ద్యో­గులు ఆగ్ర­హం వ్యక్తం చేస్తున్నారు.  డ్రైవర్, కండక్టర్‌కు టీడీపీ నేత క్షమాపణ చె­ప్పాలని, లేకపోతే తమ సంఘాల తరఫున క్షమాపణ చెప్పేంత వరకు ఉద్యమిస్తామని ఆర్టీసీ ఉద్యోగుల సంఘ నాయకులు హెచ్చరించారు. ఈ ఘటనపై పామర్రు పోలీస్‌స్టేషన్‌లో కేసు నమోదు చేస్తారా, లేదా కూటమి నాయకుల సిఫార్సులకు తలొగ్గి రాజీ ప్రయత్నాలు చేస్తారా అనేది వేచి చూడాల్సిందే.