సెలబ్రిటీలు ప్లాస్టిక్‌ సర్జరీ చేయించుకున్నారని ఫిల్మీదునియాలో ఎప్పుడూ ఏదో ఒక వార్త వస్తూనే ఉంటుంది. హీరోయిన్లకే కాదు హీరోలకు కూడా ఈ రూమర్స్‌ తప్పవు. బాలీవుడ్‌ నటుడు రాజ్‌కుమార్‌ రావు కూడా తన దవడకు ప్లాస్టిక్‌ సర్జరీ చేయించుకున్నాడని ఈ మధ్య పుకార్లు షికార్లు చేస్తున్నాయి. దీంతో సదరు నటుడు స్పందిస్తూ.. తను ఎటువంటి సర్జరీ చేయించుకోలేదని ఊహాగానాలకు ముగింపు పలికాడు. మేకప్‌ లేకపోవడం వల్ల.. గతంలో తన వ్యక్తిగత వైద్యుడి సూచన మేరకు చిన్‌పై ఫిల్లర్స్‌ మాత్రమే వేయించుకున్నానన్నాడు. ఇంకా మాట్లాడుతూ.. 'ఆ ఫోటో అస్సలు బాలేదు. మేకప్‌ లేనందువల్ల మీకలా అనిపించిందంతే! నాక్కూడా ఆ లుక్‌ కాస్త వింతగానే అనిపించింది. దాన్ని కెమెరాల్లో బంధించి వైరల్‌ చేసేశారు. కాకపోతే ఎనిమిదేళ్ల క్రితం నా పర్సనల్‌ డాక్టర్‌ చెప్పినదాని ప్రకారం.. మరింత కాన్ఫిడెంట్‌గా కనిపించేందుకు ఫిల్లర్‌ ట్రై చేశాను. మేము కెమెరాముందు అందంగా కనిపించాలి. ప్లాస్టిక్‌ సర్జరీ చాలా కాస్ట్‌లీ కాబట్టి ఇది తప్పేం కాదు. మన ఆత్మస్థైరాన్ని మరింత పెంపొందిస్తుందనేవాటికి ఎందుకు నో చెప్పడం? నేను ఏదైనా ఓపెన్‌గా చెప్పేస్తుంటాను. ప్లాస్టిక్‌ సర్జరీ అనేది చాలా ఖరీదైన వైద్యం.. ఎంతో టైం పడుతుంది కూడా! నేను దాని జోలికి వెళ్లలేదు' అని క్లారిటీ ఇచ్చాడు. ప్రస్తుతం రాజ్‌కుమార్‌ రావు అంధుడు శ్రీకాంత్‌ బొల్ల బయోపిక్‌లో నటిస్తున్నాడు. ఈ మూవీ మే 10న విడుదల కానుంది. చదవండి: 'ఆ సినిమా చేసినందుకు బాధపడుతున్నా..' అక్కర్లేదంటూ సందీప్‌ కౌంటర్‌

ఫిలింఫేర్‌ అవార్డుల్లో గంగూబాయి కథియావాడి సత్తా చాటింది. ఏకంగా 10 విభాగాల్లో అవార్డులు ఎగరేసుకుపోయింది. ఆ తర్వాత బదాయి దో సినిమా ఆరు విభాగాల్లో అవార్డులు గెలుచుకుంది. భాషతో సంబంధం లేకుండా అందరినీ ఆకట్టుకున్న కేసరియా పాట రెండు అవార్డులు సాధించింది. ఉత్తమ నటిగా ఆలియా భట్‌, ఉత్తమ నటుడిగా రాజ్‌ కుమార్‌ రావు నిలిచారు.  అత్యధిక నామినేషన్లు దక్కించుకున్న ది కశ్మీర్‌ ఫైల్స్‌ చిత్రానికి ఒక్క అవార్డు కూడా రాకపోవడం గమనార్హం. ముంబైలో గురువారం రాత్రి జరిగిన 68వ ఫిలింఫేర్‌ అవార్డుల కార్యక్రమానికి సల్మాన్‌ ఖాన్‌, మనీశ్‌ పాల్‌ వ్యాఖ్యాతలుగా వ్యవహరించారు. ఈ వేడుకకు ఆలియా భట్‌, పూజా హెగ్డే, దియా మీర్జా, రకుల్‌ ప్రీత్‌ సింగ్‌, సన్నీ లియోన్‌, జాన్వీ కపూర్‌, కాజోల్‌.. తదితరులు సెలబ్రిటీలు హాజరయ్యారు. అవార్డులు అందుకుంది వీరే.. ► ఉత్తమ చిత్రం - గంగూబాయి కథియావాడి ► ఉత్తమ దర్శకుడు - సంజయ్‌ లీలా భన్సాలీ (గంగూబాయి కథియావాడి) ► ఉత్తమ చిత్రం(క్రిటిక్స్‌) - బదాయ్‌ దో (హర్షవర్ధన్‌ కులకర్ణి) ► ఉత్తమ నటి - ఆలియా భట్‌ (గంగూబాయి కథియావాడి) ► ఉత్తమ నటి (క్రిటిక్స్‌) - టబు (భూల్‌ భులాయా 2), భూమి పెడ్నేకర్‌ (బదాయి దో) ► ఉత్తమ నటుడు - రాజ్‌ కుమార్‌ రావు (బదాయి దో) ► ఉత్తమ నటుడు (క్రిటిక్స్‌) - సంజయ్‌ మిశ్రా (వధ్‌) ► ఉత్తమ సహాయ నటుడు - అనిల్‌ కపూర్‌ (జుగ్‌ జుగ్‌ జియో) ► ఉత్తమ సహాయ నటి -షీబా చద్దా (బదాయి దో) ► ఉత్తమ గీత రచయిత - అమితాబ్‌ భట్టాచార్య (బ్రహ్మాస్త్ర 1లోని కేసరియా పాట) ► ఉత్తమ మ్యూజిక్‌ ఆల్బమ్‌ - ప్రీతమ్‌ (బ్రహ్మాస్త్ర 1) ► ఉత్తమ నేపథ్య గాయకుడు - అర్జిత్‌ సింగ్‌ (బ్రహ్మాస్త్ర 1లోని కేసరియా పాట) ► ఉత్తమ నేపథ్య గాయని - కవిత సేత్‌ (జుగ్‌జుగ్‌ జియోలోని రంగిసారి.. పాట) ► ఉత్తమ కథ - అక్షత్‌ గిల్డయల్‌, సుమన్‌ అధికారి (బదాయి దో) ► ఉత్తమ స్క్రీన్‌ప్లే - అక్షత్‌ గిల్డయల్‌, సుమన్‌ అధికారి, హర్షవర్ధన్‌ కులకర్ణి (బదాయి దో) ► ఉత్తమ సంభాషణలు - ప్రకాశ్‌ కపాడియా, ఉత్కర్షిణి వశిష్ట (గంగూబాయి కథియావాడి) ► ఉత్తమ బ్యాగ్రౌండ్‌ స్కోర్‌ - సంచిత్‌ బల్హారా, అంకిత్‌ బల్హారా (గంగూబాయి కథియావాడి) ► ఉత్తమ సినిమాటోగ్రఫీ - సుదీప్‌ చటర్జీ (గంగూబాయి కథియావాడి) ► ఉత్తమ ప్రొడక్షన్‌ డిజైన్‌ - సుబ్రత చక్రవర్తి, అమిత్‌ రాయ్‌ (గంగూబాయి కథియావాడి) ► ఉత్తమ కాస్ట్యూమ్‌ డిజైన్‌ - షీతల్‌ ఇక్బాల్‌ శర్మ (గంగూబాయి కథియావాడి) ► ఉత్తమ సౌండ్‌ డిజైన్‌ - బిశ్వదీప్‌ దీపక్‌ చటర్జీ (బ్రహ్మాస్త్ర 1) ► ఉత్తమ ఎడిటింగ్‌ - నీనద్‌ కలంకార్‌ (ఎన్‌ యాక్షన్‌ హీరో) ► ఉత్తమ యాక్షన్‌ - పర్వేజ్‌ షైఖ్‌ (విక్రమ్‌ వేద) ► ఉత్తమ వీఎఫ్‌ఎక్స్‌ - డీఎన్‌ఈజీ, రెడిఫైన్‌ (బ్రహ్మాస్త్ర 1) ► ఉత్తమ కొరియోగ్రఫీ - కృతి మహేశ్‌ (డోలిడా- గంగూబాయ్‌ కథియావాడి) ► ఉత్తమ డెబ్యూ దర్శకుడు - జస్పల్‌ సింగ్‌ సంధు, రాజీవ్‌ బర్న్‌వల్‌ (వధ్‌) ► ఉత్తమ డెబ్యూ హీరో - అంకుశ్‌ గదం (ఝండ్‌) ► ఉత్తమ డెబ్యూ హీరోయిన్‌ - ఆండ్రియా కెవిచుసా (అనేక్‌) ► జీవిత సాఫల్య పురస్కారం - ప్రేమ్‌ చోప్రా ► ఆర్‌డీ బర్మన్‌ అవార్డ్‌ - జాన్వీ శ్రీమంకర్‌ (డోలిడా- గంగూబాయి కథియావాడి) చదవండి: రఫ్ఫాడిస్తున్న మెగాస్టార్‌

Rajkummar Rao Says He Bought A Jacket From Chor Bazaar: సినీ ఇండస్ట్రీలో ఎలాంటి బ్యాక్‌గ్రౌండ్‌ లేకుండా సొంతగా ఎదిగిన వారు అనేక మంది ఉన్నారు. అలా బాలీవుడ్‌లో విలక్షణ నటుడిగా పేరు తెచ్చుకున్న వారిలో రాజ్‌ కుమార్‌  రావు ఒకరు. సాధారణ మధ్య తరగతి కుటుంబం నుంచి వచ్చిన రాజ్‌ కుమార్‌ కెరీర్‌లో ఒక్కో మెట్టు ఎక్కుతూ తానేంటో నిరూపించుకున్నాడు. ప్రస్తుతం వరుస చిత్రాలతో బిజీగా ఉన్నాడు. తాజాగా ఆయన నటించిన చిత్రం 'హిట్‌: ది ఫస్ట్‌ కేస్‌'. జులై 15న ప్రేక్షకుల ముందుకు వచ్చిన ఈ మూవీ మంచి విజయంతో దూసుకుపోతోంది. ఈ సందర్భంగా జరిగిన ఓ ఇంటర్వ్యూలో తన ఆర్థిక విషయాలకు సంబంధించిన పలు ఆసక్తికర విషయాలను తెలిపాడు రాజ్ కుమార్ రావు. 'పదో తరగతి పూర్తయిన తర్వాత ఫేర్‌వెల్‌ పార్టీ ఏర్పాటు చేశారు. అయితే ఆ సమయంలో మా కుటుంబం ఆర్థికంగా చాలా ఇబ్బందిపడేది. కానీ, అదిరిపోయే డ్రెస్‌తో పార్టీకి వెళ్లాలని ఉండేది. అంతేకాకుండా ఆ పార్టీలో నా ఫ్రెండ్స్‌తో కలిసి నేను డ్యాన్స్ కూడా చేయాలి. అందుకే అప్పుడు నేను దిల్లీలోని చోర్‌ బజార్‌కు వెళ్లి రూ. 100 పెట్టి జాకెట్‌ కొనుక్కున్నా. అలాగే రూ. 15తో మెడలో చైన్‌ కొని పార్టీకి వెసుకుని వెళ్లా' అని అప్పటి రోజులను గుర్తు చేసుకున్నాడు ఈ హీరో.  చదవండి: అలియా భట్‌కు కవలలు ? రణ్‌బీర్‌ ఆసక్తికర వ్యాఖ్యలు.. వీడియో వైరల్‌.. మరణాన్ని ముందే ఊహించిన నటుడు !.. చివరి పోస్ట్‌ వైరల్‌ అన్నదమ్ములతో డేటింగ్‌ చేసిన హీరోయిన్లు.. ఫొటోలు వైరల్‌

Upcoming Movies Of Bollywood Actors And Actresses Playing In Blind Role: చాలెంజింగ్‌ రోల్స్‌ ఒప్పుకోవాలంటే మెంటల్‌గా ప్రిపేర్‌ అవ్వాలి. నటనతో ప్రేక్షకుల మనసులను గెలుచుకోవాలి. ‘గెలుచుకుంటామనే నమ్మకం ఉంది’ అంటున్నారు కొందరు తారలు. ‘మైండ్‌లో ఫిక్సయితే.. బ్లైండ్‌గా చేస్తాం’ అంటూ అంధులుగా నటించడానికి రెడీ అయ్యారు. నటనతో తమ సత్తా చూపిస్తామంటున్నారు. ఈ స్టార్స్‌ చేస్తున్న చిత్రాలపై ఓ లుక్కేయండి.  బిజినెస్‌ డీలింగ్స్‌తో బిజీ కానున్నారు బాలీవుడ్‌ హీరో రాజ్‌కుమార్‌ రావ్‌. ఆయన అన్ని  విషయాలనూ శ్రద్ధగా వింటారు.. కానీ చూడరు. ఎందుకంటే.. బ్లైండ్‌. చూపు లేకపోయినా సూపర్‌ సక్సెస్‌ఫుల్‌ బిజినెస్‌మేన్‌. ఆంధ్ర ప్రదేశ్‌లోని మచిలీపట్నంలో పుట్టిన బొల్లా శ్రీకాంత్‌ జీవితం ఆధారంగా రూపొందనున్న చిత్రంలో శ్రీకాంత్‌గా రాజ్‌కుమార్‌ రావ్‌  నటించనున్నారు.  అమెరికాలోని మసాచుసెట్స్‌ ఇనిస్టిట్యూట్‌ ఆఫ్‌ టెక్నాలజీలో బ్రెయిన్‌ కాగ్నిటివ్‌ సైన్స్‌లో చేరిన తొలి అంధుడిగా శ్రీకాంత్‌ బొల్లా రికార్డు సృష్టించిన విషయం చాలామందికి తెలుసు. అలాగే ఎంతో మంది దివ్యాంగులకు ఉపాధి కల్పించారు శ్రీకాంత్‌. ఈ సక్సెస్‌ఫుల్‌ మేన్‌ జీవితంతో దర్శకురాలు తుషార్‌ హిద్రానీ తెరకెక్కించనున్న ఈ చిత్రానికి టీ సిరీస్‌ భూషణ్‌ కుమార్‌ ఓ నిర్మాత. ఈ సినిమా వచ్చే ఏడాది రిలీజ్‌ అయ్యే అవకాశం ఉంది.  మరోవైపు ఓ సీరియల్‌ కిల్లర్‌ను పట్టుకోవడానికి ఓ లేడీ పోలీసాఫీసర్‌ ప్రయత్నాలు చేస్తున్నారు. ట్విస్ట్‌ ఏంటంటే..n ఈ పోలీసాఫీసర్‌ బ్లైండ్‌. మరి.. ఆ సీరియల్‌ కిల్లర్‌ను ఈ బ్లైండ్‌ పోలీసాఫీసర్‌ ఎలా పట్టుకున్నారు? ఆమెకు హెల్ప్‌ చేసింది ఎవరు? అనే అంశాలు ఆసక్తికరం. పోలీసాఫీసర్‌గా సోనమ్‌కపూర్‌ నటించిన చిత్రం ‘బ్లైండ్‌’. షోమ్‌ మఖీజా ఈ చిత్రానికి దర్శకుడు. 2011లో వచ్చిన సౌత్‌ కొరియన్‌ ఫిల్మ్‌ ‘బ్లైండ్‌’కు రీమేక్‌ ఇది. ఈ సినిమాను ఈ ఏడాదే రిలీజ్‌ చేయాలనుకుంటున్నారు. ప్రస్తుతం సోనమ్‌ కపూర్‌ ప్రెగ్నెంట్‌గా ఉన్నారు. ఆమె డెలివరీ తర్వాత హిందీ ‘బ్లైండ్‌’ చిత్రం రిలీజ్‌ అయ్యే అవకాశం ఉంది.  అలాగే కళ్లు కనబడకపోతే సాధారణ జీవితాన్ని ఎలా మేనేజ్‌ చేయవచ్చో తెలుసుకున్నారు తాప్సీ. హఠాత్తుగా తాప్సీ ఇలా ఎందుకు చేశారంటే.. ‘బ్లర్‌’ సినిమా కోసమే.  2010లో వచ్చిన స్పానిష్‌ థ్రిల్లర్‌ ‘జూలియాస్‌ ఐస్‌’ చిత్రం హిందీలో ‘బ్లర్‌’గా రీమేక్‌ అవుతోంది. ఈ చిత్రంలోనే తాప్సీ అంధురాలి పాత్ర చేస్తున్నారు. ఈ కథ నచ్చి తాప్సీ ఓ నిర్మాతగా కూడా వ్యవహరిస్తుండటం విశేషం. ఇక ఈ చిత్రకథ విషయానికి వస్తే... క్రమంగా చూపు మందగించే ఓ గృహిణి పాత్రలో తాప్సీ కనిపిస్తారు. సరిగ్గా చూపు కనిపించాలని ఓ సర్జరీ కూడా చేయించుకోవాలనుకుంటారు. కానీ ఇంతలో ఊహించని పరిణామాలు. ఆమె సోదరి హత్యకు గురవుతుంది. అయితే అప్పటికే ఆమె తన పూర్తి కంటి చూపును కోల్పోతుంది. ఆ తర్వాత ఏం జరిగింది? అన్నదే ‘బ్లర్‌’ చిత్రం. ఈ సినిమాను ఈ ఏడాదే రిలీజ్‌ చేయాలనుకుంటున్నారు.  ఇంకోవైపు అంధురాలిగా ఓ సమూహాన్నే లీడ్‌ చేయనున్నారు హీరోయిన్‌ హీనాఖాన్‌. హీనాతో ఉన్న సమూహంలోని అందరూ కూడా బ్లైండే. ‘ది కంట్రీ ఆఫ్‌ బ్లైండ్‌’ అనే నవల ఆధారంగా ఆమె చేస్తున్న సినిమా కథాంశం ఇది. ‘ది కంట్రీ ఆఫ్‌ బ్లైండ్‌’ టైటిల్‌తోనే తెరకెక్కుతున్న ఈ సినిమా ఫస్ట్‌ లుక్‌ను ఇటీవల కాన్స్‌ ఫిలిం ఫెస్టివల్‌లో రిలీజ్‌ చేశారు. ఈ ఇండో ఇంగ్లిష్‌ సినిమాకు రహత్‌ కజ్మీ దర్శకుడు.  రాజ్‌కుమార్, సోనమ్, తాప్సీ, హీనా.. ఈ నలుగురూ సవాల్‌లాంటి పాత్రలతో బాక్సాఫీస్‌పై గురి పెట్టారు. ఈ సినిమాల వైపు ప్రేక్షకులు చల్లని చూపు చూస్తే ఈ స్టార్స్‌ కళ్లనుంచి ఆనందభాష్పాలు రావడం ఖాయం. 

Rajkummar Rao Shared His Back Wife Patralekhaa Impressed: బాలీవుడ్‌ హీరో రాజ్‌ కుమార్‌ రావు ఇటీవల 'బదాయి దో' చిత్రంతో ప్రేక్షకులను అలరించాడు. హర్షవర్ధన్ కులకర్ణి దర్శకత్వంలో భూమి పెడ్నేకర్‌తో తొసారిగా స్క్రీన్‌ షేర్‌ చేసుకున్నాడు రాజ్‌ కుమార్. ఈ మూవీ జాతియ అవార్డు గెలుచుకున్న కామెడీ డ్రామా చిత్రం 'బదాయి హో'కి సీక్వెల్‌గా వచ్చిన సంగతి తెలిసిందే. రాజ్‌ కుమార్‌ రావు సినిమాలతోనే కాకుండా సోషల్ మీడియాలో కూడా ఫుల్‌ యాక్టివ్‌గా ఉంటాడు. రాజ్‌ కుమార్‌ రావుకు ఇన్‌స్టాగ్రామ్‌లో 6.4 మిలియన్‌ ఫాలోవర్స్‌ ఉన్నారు. తన పెళ్లి వేడుకకు సంబంధించిన ఫొటోలు, సినిమా అప్‌డేట్‌ వంటి విషయాలతో సోషల్‌ మీడియాలో అభిమానులతో పంచుకుంటాడు. తాజాగా తను జిమ్‌ చేస్తున్న ఫొటోను ఇన్‌స్టాలో షేర్‌ చేశాడు రాజ్‌ కుమార్. చదవండి: బాలీవుడ్‌ కొత్త జంట ఎంగేజ్‌మెంట్‌.. డ్యాన్స్ చేసిన వీడియో వైరల్‌ ఈ పోస్ట్‌ చూసిన రాజ్‌ కుమార్ రావు అభిమానులు అమెజింగ్‌, అద్భుతం అంటూ కామెంట్స్‌ పెడుతున్నారు. అయితే ఈ పోస్ట్‌ రాజ్‌ కుమార్ రావు సతీమణి, నటి పత్రలేఖ దృష్టిని ఆకర్షించింది. ఈ జిమ్‌ ఫొటోకు తను స్పందిస్తూ 'హాయ్‌' అని రాస్తూ రెండు ఫైర్‌ ఎమోజీస్‌ను రిప్లైగా ఇచ్చింది. ఈ ఫొటోలో రెసిస్టాన్స్‌ బ్యాండ్‌తో రాజ్‌ కుమార్‌ చేస్తున్న వర్క్‌ అవుట్‌కు అతని బ్యాక్‌ కర్వ్‌ తిరిగి ఉండటం మనం చూడొచ్చు. కాగా బదాయి దో చిత్రంలో రాజ్‌ కుమార్‌ రావు బాడీ బిల్డర్‌గా మారాలనే పోలీస్‌ ఆఫిసర్‌ పాత్రలో నటించాడు. అలాగే తన బాడీ ట్రాన్స్ఫర్మేషన్‌ ఫొటోలను కొల్లేజ్‌ రూపంలో పోస్ట్‌ చేశాడు రాజ్‌ కుమార్.    View this post on Instagram A post shared by RajKummar Rao (@rajkummar_rao) View this post on Instagram A post shared by RajKummar Rao (@rajkummar_rao) చదవండి: రాజ్ కుమార్‌ రావు, పత్రలేఖ వివాహం.. వెడ్డింగ్‌ కార్డ్‌ వైరల్‌

బీ టౌన్‌ కొత్త జంట రాజ్‌ కుమార్‌ రావు, పత్రలేఖ వివాహం నవంబర్‌ 15న జరిగిన సంగతి తెలిసిందే. ఈ వివాహ వేడుకలోని కొన్ని మధురమైన క్షణాలను పంచుకున్నారు రాజ్‌ కుమార్. దీనికి సంబంధించిన వీడియోను తన ఇన్‌స్టా గ్రామ్‌లో షేర్‌ చేశారు. 'మా జీవితంలోని అత్యంత అందమైన రోజును మీ అందరితో పంచుకుంటున్నాను.' అంటూ రాజ్ కుమార్‌ చెప్పడంతో వీడియో ప్రారంభమవుతుంది. 'ఇదంతా 11 సంవత్సరాలైంది. కానీ నువు నాకు నా జీవితకాలం నుంచి తెలిసినట్టు అనిపిస‍్తుంది. ఈ ఒక్క జన్మే కాదు అనేక జన్మల నుంచి అని అనుకుంటున్నాను.' అంటూ పత‍్రలేఖకు రాజ్‌ కుమార్‌ చెప్తాడు.  View this post on Instagram A post shared by RajKummar Rao (@rajkummar_rao)  మరోవైపు వీడియో రాజ్‌ వాయిస్‌ ఓవర్‌లో 'నిజంగా చెప్పాలంటే 10-11 ఏళ్లు గడిచాయి. కానీ మేము ఇప్పుడే డేటింగ్ ప్రారంభించినట్లు అనిపిస్తుంది. మేము ఒకరి సాంగత్యాన్ని ఒకరం చాలా ప్రేమిస్తున్నాం. భార్యాభర్తల్లాగా అలాగే చేద్దామనుకుంటున్నాం.' అని అన్నాడు. అలాగే పత్రలేఖ నుదిటిపై రాజ్‌ కుమార్‌ సింధూరం పెట్టి, తనకు కూడా అలాగే పెట్టమంటాడు. ఇది వారి సాంప్రదాయంలో భాగమట. సాధారణంగా భార్య నుదిటిపై సింధూరం పురుషులు మాత్రమే పెడతారు.  చదవండి: బాలీవుడ్‌ కొత్త జంట వివాహ వేదిక గురించి ఆసక్తికర విషయాలు తెలుసా ?

Raj Kumar Rao And Patralekha Wedding Venue Intresting Facts: బాలీవుడ్‌ హీరో రాజ్‌ కుమార్‌ రావు వివాహం చిరకాల ప్రేయసి పత్రలేఖతో చండీగఢ్‌లో అత్యంత సన్నిహితుల మధ‍్య జరిగింది. నవంబర్‌ 15న చండీగఢ్‌లోని 'ది ఒబెరాయ్‌ సుఖ్‌ విలాస్‌ స్పా రిసార్టు', వీరి వివాహానికి చిరునామాగా మారింది. దీనికి సంబంధించిన ఫొటోలు, వీడియోలు అభిమానులను ఎంతో ప్రేమగా ఆకట్టుకున్నాయి. రాజ్ కుమార్, పత్రలేఖ వారి పెళ్లి కోసం ఎంపిక చేసుకున్న ఈ విలాసవంతమైన రిసార్టు గురించి కొన్ని ఆసక్తికర విషయాలు తెలుసుకుందామా.  View this post on Instagram A post shared by The Oberoi Sukhvilas (@theoberoisukhvilas) విలాసవంతమైన 'ది ఒబెరాయ్‌ సుఖ్‌ విలాస్‌ స్పా రిసార్టు' 8 వేల ఎకరాల్లో విస్తరించి ఉంది. చుట్టూ పచ్చని ప‍్రకృతి దృశ్యాలు, నీటి వనరులతో నిండి ఆహ్లాదకరంగా ఉంటుంది. ఈ రిసార్ట్‌ హిమాలయాలకు దిగువన గ్రేట్‌ సిస్వాన్‌ అటవీకి సమీపంలో ఉంది. రిసార్ట్‌లో ప్రైవేట్‌ పూల్స్‌, ఆయుర్వేద, వెల్‌నెస్‌ ప్రోగ్రామ్స్‌ వంటి సౌకర్యాలు ఉన్నాయి. రూ. 30,500 నుంచి రూ. 6,00,000 మధ్య 5 కేటగిరీల్లో గదులను ఎంపిక చేసుకోవచ్చు. View this post on Instagram A post shared by The Oberoi Sukhvilas (@theoberoisukhvilas) View this post on Instagram A post shared by The Oberoi Sukhvilas (@theoberoisukhvilas) View this post on Instagram A post shared by The Oberoi Sukhvilas (@theoberoisukhvilas) View this post on Instagram A post shared by The Oberoi Sukhvilas (@theoberoisukhvilas) View this post on Instagram A post shared by The Oberoi Sukhvilas (@theoberoisukhvilas) నూతన వధూవరులు రాజ్‌ కుమార్‌, పత్రలేఖ తమ పెళ్లికి సంబంధించిన ఫొటోలను ఇన్‌స్టా గ్రామ్‌లో అభిమానులతో పంచుకున్నారు. 'చివరికి 11 ఏళ్ల ప్రేమ, రొమాన్స్‌, స్నేహం, వినోదం తర్వాత ఇవాళ నా సర‍్వస్వం, సోల్‌మేట్‌, బెస్ట్‌ ఫ్రెండ్‌ను వివాహం చేసుకున్నాను. నేను పత్రలేఖ భర్త అని పిలింపించుకోవడం కంటే ఆనందం మరొకటి లేదు.' అని రాజ్‌ కుమార్‌ తన అనుభూతిని షేర్‌ చేసుకున్నారు. మరోవైపు పత్రలేఖ ' నా 11 ఏళ్ల బెస్ట్‌ ఫ్రెండ్‌, సోల్‌మేట్‌, సర్వస్వం, ప్రియుడు, అన్నింట్లో భాగస్వామిని పెళ్లి చేసుకున్నాను. మీ భార్య అనే అనుభూతి కంటే గొప్ప అనుభూతి లేదు.' అంటూ రాసుకొచ్చారు.   View this post on Instagram A post shared by RajKummar Rao (@rajkummar_rao) View this post on Instagram A post shared by 🌸 Patralekhaa 🌸 (@patralekhaa) చదవండి: చిరకాల ప్రేయసిని పెళ్లాడిన బాలీవుడ్‌ నటుడు.. ఫోటోలు వైరల్‌

నవంబర్‌ 15న వివాహం చేసుకున్న బాలీవుడ్‌ హీరో రాజ్‌ కుమార్ రావు తన కొత్త సినిమాతో అభిమానులను అలరించనున్నారు. రాజ్‌ కుమార్‌ రావు, భూమి పెడ్నేకర్ తొలిసారి జంటగా నటించిన చిత్రం 'బదాయి దో'. హర్షవర్ధన్‌ కులకర్ణి దర్శకత్వం వహించిన ఈ చిత్రం ఫిబ్రవరి 4, 2022న థియేటర్లలో సందడి చేయనుంది. 'బదాయి దో' జాతీయ అవార్డు గెలుచుకున్న కామెడీ డ్రామా చిత్రం బదాయి హోకి సీక్వెల్‌గా వస్తోంది.  ఈ సినిమా రిలీజ్‌ గురించి సోషల్‌ మీడియా వేదికగా హీరోయిన్‌ భూమి పడ్నేకర్ వెల్లడించారు. 'బదాయి దో ఇప్పుడు ఫిబ‍్రవరి 2022లో థియేటర్లలో విడుదల కానుంది. పెద్ద స్క్రీన్‌పై ఈ ఫ్యామిలీ ఎంటర్‌టైనర్‌ను చూసేందుకు ఎంతగానో ఎదురుచూస్తున్నాం. సినిమాలో కులుద్దాం' రాసుకొచ్చారు. బధాయి దో సెట్స్‌ నుంచి ఫొటోలను కూడా ఆమె పోస్ట్‌ చేశారు. తాము సినిమా షూటింగ్ పూర్తి చేసుకున్నట్లు ప్రకటించారు.  View this post on Instagram A post shared by Bhumi 🌻 (@bhumipednekar) ఈ చిత్రంలో మహిళా ఠాణాలో ఉన్న ఏకైక పురుష పోలీసు అధికారి శార్దూల్‌ పాత్రలో రాజ్‌కుమార్‌ రావు నటించారు. మరోవైపు భూమి పడ్నేకర్ ఒక పీటీ టీచర్‌ సమీ పాత్రలో కనువిందు చేయనున్నారు. బదాయి దోలోని కథ, పాత్రలు 2018లో వచ్చిన బదాయి హో సినిమాకు విభిన్నంగా ఉండనున్నాయట. ఈ చిత్రానికి బదాయి హోకి సహ రచయితలుగా పని చేసిన సుమన్‌ అధికారి, అక్షత్‌ గిల్డియాల్‌ కథను అందించారు.    View this post on Instagram A post shared by Bhumi 🌻 (@bhumipednekar)

Rajkummar Rao Marries Patralekhaa in Chandigarh: బాలీవుడ్‌ నటుడు రాజ్‌ కుమార్‌ రావు తన చిరకాల ప్రేయసి పత్రలేఖ మూడు ముళ్ల బంధంతో ఒకటయ్యారు. వేద మంత్రాల సాక్షిగా పత్రలేఖతో రాజ్‌ కుమార్‌ నవంబర్‌ 15న(సోమవారం) ఏడడుగులు వేశారు. వీరి వివాహ వేడుకకు చండీగఢ్‌ వేదికగా మారింది. ఇరు కుటుంబ సభ్యులు, అత్యంత సన్నిహితులు మధ్య వీరి వివాహ వేడుక జరిగింది. తమ పెళ్లికి సంబంధించిన ఫోటోలను రాజ్‌ కుమార్‌ సోషల్‌ మీడియాలో షేర్‌ చేయడంతో వైరల్‌గా మారాయి. చదవండి: Samantha: పుకార్లే నిజమయ్యాయి.. సమంతకు ఫస్ట్‌ టైమ్‌ ఇది రాజ్‌ కుమార్‌.. పత్రలేఖ నుదుటున కుంకుమ దిద్దుతున్న ఫోటోను షేర్‌ చేస్తూ.. ‘11 సంవత్సరాల ప్రేమ, స్నేహం, వినోదం తరువాత చివరికి ఈరోజు నా సర్వస్వం, నా సోల్‌మెట్‌, బెస్ట్‌ ఫ్రెండ్‌ను పెళ్లి చేసుకన్నాను. నా సోల్‌మెట్‌, బెస్ట్‌ ఫ్రెండ్‌. ఈ రోజు పత్రలేఖ నుంచి భర్తగా పిలిపించుకోవడంకంటే గొప్ప ఆనందం మరొకటి లేదు’ అనే క్యాషన్‌ ఇచ్చాడు. ఈ ఫోటోలనలు నెటిజన్లను ఆకట్టుకుంటున్నాయి. కాగా కాగా రాజ్‌ కుమార్‌ రావు, ప్రతలేఖ దాదాపు పదేళ్లకు పైగా ప్రేమించుకున్నారు. నేడు పెళ్లితో ఒకటయ్యారు. చదవండి: ఊర'నాటు' స్టెప్పులేసిన బిగ్‌బాస్‌ కంటెస్టెంట్లు నూతన జంటకు బాలీవుడ్‌ సెలబ్రిటీల నుంచి శుభాకాంక్షలు వెల్లువెత్తున్నాయి. ప్రియాంక చోప్రా, తాప్సీ, ఆయుష్మాన్‌ ఖురానా వంటి నటులు ‘మీ జంట చూడముచ్చటగా ఉంది. మేడ్‌ ఫర్‌ ఈచ్‌ అదర్‌’ అంటూ శుభాకాంక్షలు తెలుపుతున్నారు. View this post on Instagram A post shared by RajKummar Rao (@rajkummar_rao) View this post on Instagram A post shared by 🌸 Patralekhaa 🌸 (@patralekhaa)

Raj Kumar Rao And Patralekha Marriage: బాలీవుడ్‌ లవ్‌ బర్డ్స్‌ రాజ్‌ కుమార్‌ రావు, పత్రలేఖ ఇవాళ (నవంబర్‌ 15) పెళ్లి పీఠలు ఎక్కబోతున్న విషయం తెలిసిందే. దీనికి సంబంధించిన వెడ్డింగ్‌ కార్డ్‌ నెట్టింట చక‍్కర్లు కొడుతోంది. అయితే చండీగఢ్‌లో వీరి వివాహం జరగనున్నట్లు బి-టౌన్‌లో వార్తలు వినిపిస్తున్నాయి. కేవలం వీరి కుటుంబ సభ్యులు, కొద్ది మంది బంధువులు, సినీ సన్నిహితుల మధ్య విరి వివాహ వేడుక జరగనుందట. కాగా ఈ జంట నవంబర్‌ 13న ఎంగేజ్‌మెంట్ చేసుకున్నప్పటికి వివాహ తేదీని ప్రకటించలేదు.  Everyone is invited in this beautiful wedding ceremony 🥺❤️(virtually😹) of #RajkummarRao #Patralekhaa pic.twitter.com/rXGnNhRWbn — Rajkumar Rao(Rini) (@Rajkummar_vibes) November 14, 2021 చండీగఢ్‌లోని ఒబెరాయ్‌ సుఖ్‌ విలాస్‌ స్పా రిసార్ట్‌లో శనివారం రాజ్‌ కుమార్ రావు, పత్రలేఖల నిశ్చితార్థం జరిగింది. సోమవారం(నవంబర్‌ 15) వివాహం సందర్భంగా వారి వెడ్డింగ్ కార్డును ఓ అభిమాని ట్విటర్‌లో షేర్‌ చేశారు. దీంతో అది ఇప్పుడు వైరల్‌ అవుతోంది. నీలి రంగులో ఉన్న వెడ్డింగ్‌ కార్డ్‌ వధువువైపు నుంచి ఆహ్వానిస్తున్నట్లు ఉంది. షాన్డిలియర్లు, తామరలను కార్డుపై చూడొచ్చు. ఏడేళ్లుగా రిలేషన్‌లో ఉన్న  రాజ్‌ కుమార్‌ రావు, పత్రలేఖలు నేడు వివాహ బంధంతో ఒక్కటవ్వబోతున్నారు.  చదవండి: బాలీవుడ్‌ కొత్త జంట ఎంగేజ్‌మెంట్‌.. డ్యాన్స్ చేసిన వీడియో వైరల్‌

బాలీవుడ్ నటులు రాజ్‌ కుమార్ రావ్, పత్రలేఖల నిశ్చితార్థం ఇటీవల చండీగఢ్‌లో వారి సన్నిహితుల మధ్య జరిగింది.  ఆ వేడుకల నుంచి అనేక ఫొటోలు, వీడియోలు ఇంటర్నెట్‌లో హల్‌చల్‌ చేస్తున్నాయి. తాజాగా రాజ్ కుమార్‌ రావు, పత్రలేఖ ఎంగేజ్‌మెంట్‌లో చేసిన డ్యాన్స్‌ వీడియో నెట్టింట్లో వైరల్ అవుతోంది. ఈ వీడియోలో రాజ్‌ కుమార్ రావు, పత్రలేఖ జంత పూర్తిగా తెల్లని దుస్తుల్లో కనిపించారు. వైట్‌ అండ్‌ సిల్వర్‌ షిమ్మర్‌ సైడ్‌ స్లిట్‌ గౌన్‌ను పత్రలేఖ వేసుకుంటే, తెల్లటి ఇండియన్‌ ఫ్యూజన్‌ దుస్తులు ధరించారు.  రాజ్‌ కుమార్‌ తన ప్రేమకు ఎంగేజ్‌మెంట్‌ రింగ్‌ను మోకాళ్లపై కూర్చొని బహుకరించాడు . తర్వాత పత్రలేఖ కూడా మోకాళ్లపై కూర్చొని రాజ్‌ కుమార్‌ వేలుకు ఉంగరాన్ని తొడిగింది. జంట ఉంగరాలు మార్చుకున్న తర్వాత ఈద్‌ షెరీన్‌ పాడిన పర్ఫెక్ట్‌ సాంగ్‌ బ్యాక్‌డ్రాప్‌లో ప్లే అవడం ప్రారంభమైంది. దీంతో రాజ్‌ కుమార్‌, పత్రలేఖ ఇద్దరు డ్యాన్స్‌ చేస్తూ కనువిందు చేశారు. వారి నృత్యంతో అతిథులను అలరిస్తూ ఉత్సాహపరిచారు.  View this post on Instagram A post shared by Viral Bhayani (@viralbhayani) మరోవైపు, వారు అతిథులతో కలిసి పోజులిచ్చిన అనేక ఫొటోలు ఇంటర్నెట్‌లో ప్రత్యక్షమయ్యాయి. ఆ ఫొటల్లో ఎంగేజ్‌మెంట్‌ కోసం జంట వేసుకున్న వైట్‌ డ్రెస్ థీమ్‌కు అనుగుణంగా హోటల్‌లని వైట్‌ లైట్‌లతో అలంకరించడం చూడొచ్చు.  ఈ వేడుకల్లో నటుడు సాకిబ్‌ సలీమ్‌, నిర్మాత ఫరా ఖాన్‌ కూడా పాల్గొన్నారు.  వివాహానికి పత్రలేఖ సబ్యసాచి ఔట్‌ఫిట్‌ను వేసుకుంటుందని ఆమె స్నేహితురాలు ఒకరు చెప్పినట్టు సమాచారం.  View this post on Instagram A post shared by Viral Bhayani (@viralbhayani) ఈ సబ్యసాచి వేర్‌ను ధరించిన వారిలో దీపికా పదుకొణె, అనుష్క శర్మ, ప్రియాంక చోప్రా, బిపాస బసు ఉన్నారు. 2014లో 'సిటీలైట‍్స్‌' చిత్రంలో స్క‍్రీన్‌ షేర్ చేసుకన్న ఈ జంట చాలా కాలంగా డేటింగ్‌లో ఉందని పుకార్లు వచ‍్చాయి. అయితే ప్రస్తుతం వీరి పెళ్లి తేది గురించి ఇంకా అధికారికంగా ప్రకటించలేదు. 

‘పరిస్థితులు మారిపోయాయి. ఇప్పుడు ప్రపంచం  తెల్లవాళ్లది కాదు.. పసిమి ఛాయ, గోధుమ వర్ణం మనుషులదే!’ అనేది అశోక్‌ భావన. ప్రపంచీకరణ తర్వాత పాశ్చాత్య దేశాల సాంకేతిక అవసరాలను తీర్చేందుకు బెంగళూరు హబ్‌గా మారుతున్న సమయంలో అనుకుంటాడు అలా. అమెరికాలో చదువుకొని స్వదేశానికి తిరిగి వచ్చిన ఉన్నత కులస్తుడు, భూస్వామ్య కుటుంబీకుడు అశోక్‌. తన చదువు, తన ముందు తరాలు ఆర్జించి పెట్టిన ఆస్తిలోని వాటానే పెట్టుబడిగా పెట్టి బెంగళూరులో ఓ సాఫ్ట్‌వేర్‌ కంపెనీ పెట్టాలనుకుంటాడు. అమెరికాలో పెరిగిన అశోక్‌ ప్రేమించి పెళ్లాడిన పింకి కూడా అతనికి అండగా నిలబడుతుంది. కాని అశోక్‌ ఆలోచనను అతని భూస్వామి తండ్రి వ్యతిరేకిస్తాడు. ఘర్షణ పడ్తుంటాడు అశోక్‌. దాంతో ఆ ఫ్యూడల్‌ వ్యవస్థలో ఇమడలేక సొంతూరు (ధన్‌బాద్‌) నుంచి ఢిల్లీకి మకాం మారుస్తారు ఆ భార్యాభర్తలు. వాళ్లకు డ్రైవర్‌గా వెళ్తాడు బలరామ్‌ హల్వాయి అనే యువకుడు. ఆ క్రమంలోనే ఏదో వ్యాపార లావాదేవీ కోసం తమ నియోజక వర్గ నేతకు ముడుపులు చెల్లించే హైరానాలో ఉంటుంది అశోక్‌ కుటుంబం. ఆ బాధ్యతను అశోక్‌కి అప్పజెప్తారు తండ్రి, సోదరుడు. అలాగని అశోక్‌ ఉదంతంతోనూ మొదలవదు. అసలు అతను కథానాయకుడే కాదు. కథానాయకుడిని నడిపించినవాడు. మరి హీరో.. ది వైట్‌ టైగర్‌.. బలరామ్‌ హల్వాయి.  అసలు కథ... నిమ్నకులానికి చెందిన యువకుడు బలరామ్‌ హల్వాయి (ఆదర్శ్‌ గౌరవ్‌). చిన్న టీ కొట్టులో పనిచేస్తుంటారు బలరామ్‌ తండ్రి, అన్న. టీ కాచే బొగ్గుల కుంపటి కోసం బొగ్గులు కొట్టే వెట్టిలో మసిబారుతుంటాయి వాళ్ల బతుకులు. బలరామ్‌ జెమ్‌. తరానికి ఒక్కసారే పుట్టే వైట్‌ టైగర్‌ లాంటివాడు. చదువంటే ప్రాణం. ఆంగ్లం అతని నాలుక చివర పలుకుతుంటే లెక్కలు వేళ్ల కొసల్లో ఆడుకుంటూంటాయి. అంతటి చురుకైన ఆ  పిల్లాడంటే మాష్టారికి వల్లమాలిన అభిమానం. తండ్రి, అన్నల్లా కాకుండా ‘బలరామ్‌ ఢిల్లీలో చదువుకోవాల్సిన వాడు..’ అని ఆశపడ్తుంటాడు. అయితే బలరామ్‌ జీవితం ఆ మాష్టారు ఆశించినట్టు సాగదు. తండ్రి టీబీతో మరణిస్తే నానమ్మ ఆ బాలుడిని తీసుకెళ్లి బొగ్గులు కొట్టే పనిలో పెడ్తుంది. అయిష్టంగానే ఆ పనిచేస్తూ పెద్దవాడవుతాడు.  అప్పుడు వస్తాడు అశోక్‌ (రాజ్‌కుమార్‌ రావు) అమెరికా నుంచి పింకీ (ప్రియాంక చోప్రా)తో సహా ఆ ఊరికి. అతణ్ణి చూడగానే బలరామ్‌లో ఒక ఉత్సాహం. నా యజమాని ఇతనే అనుకుంటాడు. అతని కారుకి డ్రైవర్‌గా మారాలనుకుంటాడు. కళ్లముందే ఇరవైనాలుగ్గంటలూ కష్టపడుతూ కనిపించాలి తన మనవళ్లు అనే మొండి నిర్ణయంతో ఉన్న నానమ్మను ఒప్పించి డ్రైవింగ్‌ నేర్చుకుంటాడు. తన ఊరు లక్ష్మణ్‌గఢ్‌ నుంచి ధన్‌బాద్‌ వెళ్తాడు. అప్పటికే అశోక్‌కి డ్రైవర్‌గా ఉన్న వ్యక్తిని తెలివిగా ఆ ఉద్యోగంలోంచి తప్పించి వాళ్లతోపాటే తానూ ఢిల్లీకి చేరుతాడు. అశోక్‌ తనను స్నేహితుడిలా చూడడాన్ని ఇబ్బంది పడ్తుంది బలరామ్‌ బానిస మనసు. అతనిలోని ఆ ఆలోచనను మార్చాలని చూస్తుంది పింకి. డ్రైవర్‌ జీవితాన్ని శాశ్వతం చేసుకోవద్దని.. మెరుగైన బతుక్కోసం ప్రయత్నించమని చెప్తుంది. ఆ టైమ్‌లోనే అశోక్‌ తన బెంగళూరు కల గురించి చెప్తాడు బలరామ్‌తో. తన యజమాని కోరిక త్వరగా నెరవేరాలని.. అలా తన జీవితమూ బాగుపడాలని కోరుకుంటూంటాడు.. ఆ దిశగా అశోక్‌ను రెచ్చగొడ్తుంటాడు కూడా.  ఒకరోజు.. పింకీ బర్త్‌డే వస్తుంది. మద్యం మత్తులో కారు నడుపుతూ ఓ పిల్లాడి చావుకు కారణమవుతుంది. దాంతో కారులో ఉన్న ఆ ముగ్గురూ బెదిరిపోతారు. అశోక్‌ పెద్దవాళ్లకు తెలిసి.. ఆ నేరాన్ని బలరామ్‌ మీద వేసుకోమని.. పరిహారంగా వాళ్ల కుటుంబానికి డబ్బులిస్తామని చెప్తారు. అమాయకుడైన బలరామ్‌ను బలి చేయొద్దంటుంది పింకి. ఈ విషయంలో ఆ కుటుంబసభ్యులకు, పింకీకి గొడవలవుతాయి. ఒక రాత్రి అశోక్‌కి చెప్పకుండా అమెరికా వెళ్లిపోతుంది పింకి. అప్పుడు మళ్లీ బలరామే అతనికి దగ్గరుండి సేవలు చేసి.. అతని బెంగళూరు కల తడి ఆరిపోకుండా చూస్తుంటాడు. కాని కుదరదు.  ‘పేదవాళ్లు ధనికులవ్వాలంటే అదృష్టమన్నా పట్టాలి.. నేరాలన్నా చేయాలి’.. బలరామ్‌కు అనుభవం నేర్పిన పాఠం అది. అశోక్‌ ఆలోచన రూపంలో అదృష్టం పట్టే చాన్స్‌ లేదని తేలుతుంది. అందుకే ఒకరోజు రాజకీయ నేతకు ముడుపులు చెల్లించడానికి డబ్బు తీసుకొని వెళ్తున్న అశోక్‌ను హత్య చేసి ఆ డబ్బు తీసుకొని బెంగళూరు పారిపోతాడు. తన కోసం గాలిస్తున్న పోలీసులకు లంచమిచ్చి ‘వాంటెడ్‌’ జాబితా నుంచి తన పేరు తొలగించుకుంటాడు. అక్కడ.. ‘ది వైట్‌ టైగర్‌ డ్రైవర్స్‌’ పేరుతో ఓ సాఫ్ట్‌వేర్‌ కంపెనీలకు క్యాబ్‌ సర్వీస్‌నిచ్చే ట్యాక్సీ కంపెనీ పెడతాడు. తన యజమానిలా కాకుండా తన కింది ఉద్యోగస్తులతో స్నేహంగా మసలుకుంటుంటాడు. వాళ్లు యాక్సిడెంట్స్‌ చేస్తే యజమానిగా ఆ నేరాన్ని తన మీద వేసుకుని బాధితుల కుటుంబానికి అండగా నిలబడ్తాడు. అలా అశోక్‌ చెప్పిన అంట్రప్రెన్యూర్‌షిప్‌ మంత్రాన్ని ఒంట బట్టించుకొని బొగ్గులు కొట్టే పనివాడి నుంచి క్యాబ్‌ కంపెనీ యజమానిగా ఎదుగుతాడు బలరామ్‌ హల్వాయి.  పారసైట్‌ సినిమాను పోలి ఉందని సినీ విమర్శకులు చెప్తున్నా..  మన సాంఘిక, ఆర్థిక నేపథ్యాన్నే ప్రతిబింబిస్తుందీ సినిమా. ‘మన దేశంలో ఎన్నో కులాలున్నాయంటారు కాని మన దగ్గరున్నవి రెండే రెండు పొట్ట ఉన్నవాళ్లు.. పొట్ట లేని వాళ్లు (ధనికులు, పేదలు)’ అంటూ హీరో చేత చెప్పించినా ఇక్కడి  కుల, మత, ఆర్థిక, స్త్రీ, పురుష అంతరాలన్నిటినీ అంతర్లీనంగా చర్చిస్తుంది ‘ ది వైట్‌ టైగర్‌’.  ది వైట్‌ టైగర్‌.. నెట్‌ఫ్లిక్స్‌లో స్ట్రీమ్‌ అవుతున్న సినిమా. దర్శకుడు రమిన్‌ బెహరానీ అనే ఇరానియన్‌ అమెరికన్‌. అరవింద్‌ ఆడిగ రాసిన ‘ది వైట్‌ టైగర్‌’ అనే నవల ఆధారంగా వచ్చిన వెబ్‌ఫ్లిక్స్‌. ఈ పుస్తకానికి 2008లో బుకర్‌ ప్రైజ్‌ వచ్చింది.    

బాలీవుడ్‌ హీరో రాజ్‌కుమార్‌రావు నటించిన తాజా చిత్రం ‘మేడ్‌ ఇన్‌ చైనా’ ట్రైలర్‌ విడుదలైంది. గుజరాత్‌కు చెందిన వ్యాపారవేత్త రఘు జీవితకథ ఆధారంగా ‘మేడ్‌ ఇన్‌ చైనా’  సినిమా తెరకెక్కింది. ఈ సినిమా ట్రైలర్‌ లాంచ్‌ సందర్భంగా చిత్ర దర్శకుడు మిఖిల్‌ మాట్లాడుతూ.. ‘రాజ్‌కుమార్‌ రావు ‘మేడ్‌ ఇన్‌ చైనా’ చిత్రంలో నటించడానికి తన జీవితాన్ని కూడా రిస్కులో పెట్టారు. చిత్రంలోని పాత్ర కోసం అతడు షూటింగ్‌కు ముందు నెలరోజలపాటు చైనాలో గడిపారు. అక్కడ మాట్లాడే భాషను ఇష్టంగా నేర్చుకున్నారు. ముఖ్యంగా సినిమాలో లావుగా ఉండే పాత్ర కోసం శరీర బరువును సుమారు ఎనిమిది కిలోలు పెంచుకున్నారు. ఈ చిత్రానికి సంతకం చేయడానికి ముందునుంచే తన పాత్ర కోసం పలు జాగ్రత్తలు తీసుకున్నార’ని తెలిపారు. మిఖిల్‌ ఇంతకుముందు ‘రాంగ్ సైడ్ రాజు’ చిత్రానికి దర్శకత్వం వహించి, జాతీయ అవార్డును సాధించిన విషయం తెలిసిందే. ‘హిందీ మీడియం’ ఫేమ్ దినేష్ విజన్ ఈ చిత్రాన్ని నిర్మిస్తున్నారు. ఈ మూవీలో మౌనీ రాయ్ రాజ్‌కుమార్‌రావుకు జంటగా.. వ్యాపారవేత్త రఘు భార్య రుక్మిణి పాత్రలో నటిస్తున్నారు. వ్యాపారవేత్త రఘు భారతదేశం నుంచి చైనా సందర్శనకు వెళ్లిన తీరు, అక్కడ ఆయన ఎదుర్కొన్న కష్టాలు, అనుభవాలు, ఆయన వ్యాపారవేత్తగా ఎదిగిన తీరు.. అన్ని అంశాలను ఫన్నీగా ప్రేక్షకులకు చూపినట్టు ట్రైలర్‌ను బట్టి అర్థమవుతోంది. కడుపుబ్బా నవ్వించేలా ఉన్న ఈ సినిమా ట్రైలర్‌కు సోషల్‌ మీడియాలో మంచి ఆదరణ లభిస్తోంది. ‘మేడ్ ఇన్ చైనా’ చిత్రం దీపావళికి ప్రేక్షకుల ముందుకు రానుంది. 

పెళ్లి తర్వాత ఇన్ని రోజులు ఫ్యామిలీ మోడ్‌లో టైమ్‌ స్పెండ్‌ చేసిన సోనమ్‌ కపూర్‌ తిరిగి వర్క్‌మోడ్‌లోకి వచ్చేశారు. హిందీ చిత్రం ‘ఏక్‌ లడకీ కో దేఖా తో ఏసా లగా’ షూటింగ్‌లో జాయిన్‌ అయ్యారు. షెల్లీ చోప్రా దర్శకత్వంలో రూపొందుతోన్న ఈ సినిమాలో అనిల్‌ కపూర్, రాజ్‌కుమార్‌ రావు, సోనమ్‌ కపూర్, రెజీనా ముఖ్య తారలుగా నటిస్తున్నారు. ఈ సినిమాలో తొలిసారి తండ్రి అనిల్‌ కపూర్‌తో కలిసి స్క్రీన్‌ను షేర్‌ చేసుకుంటున్నారు సోనమ్‌. ప్రస్తుతం జూహీ చావ్లా, సోనమ్‌ కపూర్‌లపై కీలక సన్నివేశాలను చిత్రీకరిస్తున్నారు. అక్టోబర్‌లో ఈ సినిమాను రిలీజ్‌ చేయాలనుకుంటున్నారు. ఈ ఏడాది మేలో ఢిల్లీకి చెందిన వ్యాపారవేత్త ఆనంద్‌ ఆహూజాతో సోనమ్‌ వివాహం జరిగిన సంగతి తెలిసిందే.

ప్రతిభకు కష్టం తోడైతే గెలుపు మార్గం కనిపిస్తుంది. ఆ గెలుపు మార్గంలో వెళ్తున్న ఓ యంగ్‌ టాలెంటెడ్‌ టీనేజ్‌ సింగర్‌ని కొందరు మాటలతో ఓడించాలని ట్రై చేశారు. ఫైనల్లీ ఆ అమ్మాయే గెలిచింది. కానీ ఈ గెలుపులో ఐశ్యర్యారాయ్‌ ఆ అమ్మాయికి అన్నీ తానై అండగా నిలబడి, అభయమిచ్చారు. హిందీ చిత్రం ‘ఫ్యాన్నీఖాన్‌’ కథ ఇలానే ఉండబోతుందని బీటౌన్‌ టాక్‌. ఐశ్యర్యారాయ్, అనిల్‌ కపూర్, రాజ్‌కుమార్‌ రావ్, దివ్య ముఖ్యతారలుగా నటిస్తోన్న చిత్రం ‘ఫ్యాన్నీఖాన్‌’. ఈ సినిమాలో సింగర్‌ పాత్రలో ఐశ్యర్యారాయ్‌ బచ్చన్‌ కనిపించనున్నారు. ట్యాక్సీ డ్రైవర్‌గా అనిల్‌కపూర్‌ కనిపించనున్నారట. సినిమాలో అనిల్‌ కపూర్‌కి ఓ కూతురు ఉంటుంది. తను టాలెంటెడ్‌ సింగర్‌. సీనియర్‌ సింగర్‌ అయిన ఐశ్యర్య ఆ అమ్మాయికి హెల్ప్‌ చేస్తారట. అదెలా అనేది స్క్రీన్‌పై చూడాల్సిందే. ఈ సినిమాలో ఐశ్యర్య లుక్‌ను రిలీజ్‌ చేశారు. ఈ ఏడాది రంజాన్‌కు ‘ఫ్యాన్నీఖాన్‌’ను రిలీజ్‌ చేయాలనుకుంటున్నారు. ఆల్రెడీ సల్మాన్‌ ‘రేస్‌ 3’తో రంజాన్‌కు రెడీగా ఉన్నారు. మరి.. సల్మాన్‌ వర్సెస్‌ ఐశ్యర్యలో ఎవరు వెనక్కి తగ్గుతారన్న చర్చ బాలీవుడ్‌లో జరుగుతోంది.

‘న్యూటన్‌ ఏం నిరూపించాడో తెలుసా?’ అని అడుగుతాడు ఎలక్షన్‌ ఇన్‌స్ట్రక్టర్‌ ఈ సినిమాలో ‘న్యూటన్‌’ పేరుతో ఉన్న పాత్రధారి రాజ్‌కుమార్‌ రావ్‌ను. ‘భూమ్యాకర్షణ శక్తి’ అని జవాబు చెప్తాడు రాజ్‌ కుమార్‌ రావ్‌. ‘కాదు. న్యూటన్‌ అంత వరకూ ఉన్న అసమానతలన్నీ తుడిచి పెట్టే ఒక గొప్ప సంగతి చెప్పాడు. కొండ మీద నుంచి అంబానీ పడినా అంజిబాబు పడినా ఒకే సమయంలో ఒకే వేగంతో కిందకు పడతారు అని చెప్పాడు. ఇది రూల్‌. ఈ రూల్‌కు అందరూ సమానం’ అంటాడు ఎలక్షన్‌ ఇన్‌స్ట్రక్టర్‌. దేశంలో చాలా రూల్స్‌ ఉన్నాయి. రూల్స్‌ను నెరవేర్చాల్సిన ఆఫీసర్లు ఉన్నారు. కాని ఆ రూల్స్‌ కొందరికే వర్తిస్తాయి. కొందరికి వర్తించవు. అసలు కొన్నిసార్లు రూల్స్‌ ఉన్నట్టుగా కూడా మనకు గుర్తుండదు. అందువల్లే ఈ దేశం, దేశమనే ఏముంది ప్రపంచం ఇలా ఉంది. దేనినైనా కచ్చితంగా పాటించాలి, అందరికీ పాటించి తీరాలి అని అనుకోగలగాలి. దాని వల్ల ఫలితం ఉంటుందా ఉండదా అనవసరం. కాని కర్తవ్యం నెరవేరిస్తే ప్రతిఫలం ఉండకుండా ఉంటుందా? అలా అని నమ్మినవాడు ఈ సినిమాలోని న్యూటన్‌. అతడొక ఎలక్షన్‌ ఆఫీసర్‌. నక్సలైట్లు ఇవాళొకణ్ణి రేపొకణ్ణి లేపేసే, వాళ్లవైన కారణాలతోనే అనుకోండి, దండకారణ్యంలోని ఒక చిన్న గిరిజన తండాలో ఎలక్షన్‌ను నెరవేర్చే పోలింగ్‌ ఆఫీసర్‌ డ్యూటీ అతడికి పడుతుంది. ఆ తండాలో 76 ఓట్లు ఉంటాయి. ఆ ఓట్లు సక్రమంగా పోల్‌ చేయించి తిరిగి వచ్చే బాధ్యత న్యూటన్‌ది. సాధారణంగా ఈ బాధ్యత ఇంకెవరికైనా అప్పజెప్తే వాళ్లు ఆ పోలింగ్‌ బూత్‌కు దగ్గరలో ఉన్న ఏదైనా ఊరిలో ఆ రోజుకు బస చేసి, మందు తాగి, కోణ్ణి కోసుకు తిని ‘ఎలక్షన్లకు వెళ్లాం. ఎవరూ ఓటేయడానికి రాలేదు’ అని రాసుకొని తిరిగి వచ్చేస్తారు. కాని న్యూటన్‌ అలా కాదు. ఎలక్షన్‌ సెంటర్‌కు తన టీమ్‌ను తీసుకుని అడవిలో నడుచుకుంటూ అంత దూరం వెళతాడు. అక్కడి పాడుబడిన స్కూల్‌లో బూత్‌ను సెట్‌ చేస్తాడు. ఓట్లేసే గిరిజనుల కోసం ఎదురు చూస్తూ కూర్చుంటాడు. కాని ఇతడి వ్యవహారమంతా ఇతడికి రక్షణగా వచ్చిన సెంట్రల్‌ ఆర్మ్‌డ్‌ పోలీస్‌ ఫోర్స్‌ అధికారికి నచ్చదు. ఇదొక పిచ్చి పని అనుకుంటాడు. కాని అతడికి తెలియకుండానే అతడు కూడా తన డ్యూటీని సక్రమంగా నెరవేర్చే పనిలో ఉంటాడు. పోలింగ్‌ సిబ్బంది క్షేమంగా తిరిగి వెళ్లేలా చూడటం తన బాధ్యత కనుక ఎలక్షన్‌ను పట్టించుకోకుండా బూత్‌ నుంచి వాళ్లను త్వరగా ఊరికి పంపడం గురించి అతడు తాపత్రయ పడుతుంటాడు. ‘ఫర్‌ ఎవ్విరి యాక్షన్‌ దేర్‌ ఈజ్‌ ఈక్వలెంట్‌ అండ్‌ ఆపోజిట్‌ రియాక్షన్‌’ అని న్యూటన్‌ శాస్త్రజ్ఞుడు చెప్పినట్టుగా ఇతని యాక్షన్‌కు అతడి రియాక్షన్‌; అతడి యాక్షన్‌కు ఇతడి రియాక్షన్‌ ఉంటాయి. చివరకు పోలీస్‌ అధికారి ఒక ఎత్తు ఎత్తుతాడు. తన మనుషుల చేత గాలిలో ఫైర్‌ చేయించి, నక్సలైట్లు వస్తున్నారని చెప్పి, పోలింగ్‌ సిబ్బందిని ఖాళీ చేయించి తిరుగు ప్రయాణం పట్టిస్తాడు. కాని పోలింగ్‌ ఆఫీసరైన న్యూటన్‌ ఇది తొందరగానే గ్రహిస్తాడు. అప్పటికి సమయం మధ్యాహ్నం మూడున్నర అయి ఉంటుంది. పోలింగ్‌ సమయం ఇంకా ఒకటిన్నర గంట ఉంటుంది. అందుకని పోలీసుల మీద తుపాకీ ఎక్కుపెట్టి మరీ మిగిలిన సమయంలో ఓటింగ్‌ జరిగేలా చూస్తాడు. అది అతడి బాధ్యత. రూల్‌ను నెరవేర్చే బాధ్యత. ఆ రూల్‌ ముందు అందరూ సమానం. ఈ మొత్తం ప్రాసెస్‌లో ఈ దేశంలో డెమొక్రసీ ఎంత బోలుతనంతో ఉందో, ఎన్నికల విధానం ఎంత ప్రహసనంగా మారిందో, ప్రజలకు ఎన్నికలకు మధ్య ఎంత ఎడం ఉందో, ఒకవేళ ఎన్నికల వల్ల పదవులలోకి ఎవరైనా వచ్చినా వాళ్ల వల్ల ప్రజలకు ఎటువంటి మేలు ఎలా జరగకుండా పోతుందో, అదనంగా కీడు ఎలా జరుగుతోందో దర్శకుడు చూపిస్తాడు. ఇవన్నీ కూడా న్యూటన్‌ పాత్రధారికి తెలుసు. అయినా సరే తన కర్తవ్యం తాను నెరవేర్చాలి. ఇంత ప్రహసనంలో కూడా తన డ్యూటీని తాను గౌరవించాలి. కాని ఈ కథ ఇందుకు తీయలేదు. న్యూటన్‌ మూడో నియమం ‘ప్రతి చర్యకు సమానమైన ప్రతిచర్య ఉంటుంది’ అని చెప్పడానికే తీశారు. నువ్వు సరిగ్గా పాలన చెయ్‌. సమానమైన ప్రతి చర్య ఉంటుంది. నువ్వు సరిగ్గా డ్యూటీ చెయ్‌. సమానమైన ప్రతి చర్య ఉంటుంది. నువ్వు సరిగ్గా వ్యాపారం చెయ్‌. సమానమైన ప్రతి చర్య ఉంటుంది. నువ్వు సరిగ్గా పాఠాలు చెప్తే, వైద్యం చేస్తే, సంఘంలో మంచికి ప్రయత్నిస్తే అంతకు సమానమైన ప్రతిఫలం ఉంటుంది. ఎదుటివారి మీద వంకలు పెడుతూ, నిస్పృహ పొందుతూ, ఈ సిస్టమ్‌ ఇంతే అనుకుంటూ సిస్టమ్‌ను ఇలాగే ఉండనిస్తూ పోతే ఏమీ జరగదు. మన పని మనం కచ్చితంగా ఎప్పుడైతే చేస్తూ పోతామో అలా ప్రతి ఒక్కరూ చేస్తూ పోతారో అప్పుడే దేశం ముందుకు పోతుంది అని చెప్పడానికి తీశారు. పేపర్‌ తెరిస్తే ఎందరో అవినీతి అధికారులను, బాధ్యత లేని పాలకులను, చెడ్డ పోలీసులను, క్రూరమైన డాక్టర్లను చూస్తున్నాం. వాళ్లు సరిగ్గా పనిచేస్తే సరిౖయెన ప్రతిఫలం వచ్చి ఉండేది కదా. అదే ఈ సినిమా. దర్శకుడు అమిత్‌ వి.మసుర్‌కర్‌కి ఇది తొలి చిత్రం. కాని చాలా దేశాల్లో విమర్శకుల ప్రశంసలు పొందే స్థాయిలో సినిమా తీశాడు. దీనిని ‘ఆస్కార్‌’కు అఫీషియల్‌ ఎంట్రీగా కేంద్రం ఎంపిక చేసింది. నటుడు రాజ్‌కుమార్‌ రావ్‌ ఈ పాత్రను సమర్థంగా నిర్వహించడం ఒక సంగతైతే అథెంటిసిటీ కోసం దర్శకుడు ఇది నిజంగా జరుగుతున్న కథ అన్నట్టుగా కచ్చితమైన లొకేషన్లలో సూక్ష్మ వివరాలతో సహా సినిమాను రూపొందించడం మరో విశేషం. విడుదలై రెండు నెలలైనా ఈ సినిమా గురించి ప్రశంస సాగుతూనే ఉంది.మీరు చూడాలనుకుంటే ఆన్‌లైన్‌లో వెతకండి. దొరికితే దొరకొచ్చు.


 న్యూఢిల్లీ: ప్రముఖ బాలీవుడ్ నటి విద్యాబాలన్ చెంపను మూడుసార్లు చెడమడా చెళ్లుమనిపించాడు ఓ వ్యక్తి. అందుకు మరి విద్యాబాలన్ ఏమనలేదని అనుకుంటున్నారా.. మీ అనుమానం కరెక్టే..కానీ ఆమె మాత్రం ఏమీ అనలేదు. ఎందుకంటే అది నిజంగా కాదు కాబట్టి. 'హమారీ అదూరీ కహానీ' అనే చిత్రంలో ఓ సన్నివేశం కోసం విద్యాబాలన్ చెంపపై హీరోగా నటిస్తున్న రాజ్ కుమార్ రావ్ మూడుసార్లు కొట్టాడు.
 
 సీన్ వాస్తవాన్ని తలపించేలా ఉండేందుకే ఇలా మూడుసార్లు విద్యా చెంపమీద డైరెక్టర్ కొట్టించారట. ఈ విషయాన్ని రాజ్ కుమార్ రావ్ చెప్పాడు. ఈ చిత్రంలో విద్యాబాలన్, రాజ్ కుమార్ రావ్ భార్య భర్తలుగా నటిస్తున్నారు. గృహహింస ఎంత భయంకరంగా ఉంటుందో చూపించడానికి ఈ సన్నివేశం తీశారు. ఈ చిత్రం జూన్ పన్నెండున విడుదల కానుంది.