బ్రిటిష్‌ దౌత్యాధికారుల్ని బహిష్కరించిన రష్యా

మాస్కో: రష్యాకు చెందిన 23 మంది దౌత్యాధికారుల్ని బ్రిటన్‌ బహిష్కరించడంపై పుతిన్‌ ప్రభుత్వం తీవ్రంగా స్పందించింది. ఇందుకు ప్రతిగా మాస్కోలోని 23 మంది బ్రిటిష్‌ దౌత్యాధికారుల్ని రష్యా బహిష్కరించింది. వీరంతా వారం రోజుల్లోగా మాస్కో నుంచి వెళ్లిపోవాలని రష్యా విదేశాంగశాఖ శనివారం ఓ ప్రకటన జారీచేసింది. అంతేకాకుండా సెయింట్‌ పీటర్స్‌బర్గ్‌లోని బ్రిటిష్‌ కాన్సుల్‌ను మూసివేయాలని రష్యా ఆదేశించింది. ఈ మేరకు మాస్కోలోని బ్రిటిష్‌ రాయబారి లౌరీ బ్రిస్టోను పిలిపించుకున్న రష్యా విదేశాంగశాఖ.. ప్రభుత్వం తీసుకున్న నిర్ణయాన్ని వెల్లడించింది.