కానిస్టేబుల్‌ అభ్యర్థులకు శిక్షణ

ఏలూరు సిటీ : పోలీస్‌ కానిస్టేబుల్‌ రిక్రూట్‌మెంట్‌కు హాజరయ్యే అభ్యర్థులు ఉచిత శిక్షణకు అర్హులైన బీసీ, ఎస్సీ, ఎస్టీలు దరఖాస్తు చేసుకోవాలని బీసీ స్టడీ సర్కిల్‌ డైరెక్టర్‌ జి.లక్ష్మీప్రసాద్‌ బుధవారం ఓప్రకటనలో తెలిపారు. ఈనెల 19వ తేదీలోపు దరఖాస్తులు స్టడీ సర్కిల్‌ కార్యాలయంలో అందజేయాలని సూచించారు. బీసీ అభ్యర్థుల కుటుంబ వార్షిక ఆదాయం రూ.లక్ష, ఎస్సీ, ఎస్టీ అభ్యర్థులు రూ .2 లక్షలలోపు కలిగి ఉండాలని, జిల్లా అభ్యర్థులు మాత్రమే అర్హులని తెలిపారు. వివరాలకు ఏలూరు గవరవరంలోని బీసీ స్టడీ సర్కిల్‌ కార్యాలయం 08812–232477, 99667 76077లో సంప్రదించాలని సూచించారు.