సిద్దవటం మట్లిరాజుల రాజచిహ్నమిదే!

కడప సెవెన్‌రోడ్స్‌: సిద్ధవటంకోటను పాలించిన మట్లిరాజుల అధికార రాజచిహ్నం గజారోహణ సింహం శిల్పాన్ని ప్రముఖ రచయిత, చరిత్రకారుడు తవ్వా ఓబుల్‌ రెడ్డి గుర్తించారు. ఇటీవల సిద్ధవటంకోటను సందర్శించిన ఓబుల్‌రెడ్డి కోట ప్రవేశద్వారం ఎడమవైపున పైభాగంలో సుమారు 20 అడుగుల ఎత్తులో పశ్చిమాభిముఖంగా మట్లిరాజుల అధికారచిహ్నం రాతిపై చెక్కబడి ఉన్నట్లు వెల్లడించారు. ఏనుగుపైకి లంఘించే సింహంతోపాటు ఖడ్గం, సూర్యచంద్రులు ఈ రాజచిహ్నంలో మట్లిరాజులు పొందుపరిచారని వివరించారు. ఇప్పటిదాకా విజయనగర సామ్రాజ్యానికి చెందిన వరాహం, ఖడ్గం, సూర్య, చంద్రుల రాజచిహ్నమే మట్లిరాజుల చిహ్నంగా భావించేవారని ఆయన వివరించారు.