గుడి తిరుణాలకు విద్యుత్‌ అంతరాయం లేకుండా చర్యలు

కలసపాడు: మండల కేంద్రమైన కలసపాడులో డిసెంబర్‌ 2, 3 తేదీల్లో పరిశుద్ధ పేతురు పరిపౌలు చర్చి 138వ గుడి తిరుణాల సందర్భంగా విద్యుత్‌ సరఫరాలో ఎలాంటి అంతరాయం లేకుండా చర్యలు తీసుకుంటామని ఏపీఎస్‌పీడీసీఎల్‌ ఏఈ వెంకటమహేష్‌ తెలిపారు. శనివారం ఆయన తన సిబ్బందితో కలిసి చర్చిని సందర్శించారు. గుడి తిరుణాల పూర్తయ్యే వరకు విద్యుత్‌ అధికారులు అందుబాటులో ఉంటారన్నారు. అదనంగా 100 కేవీ విద్యుత్‌ నియంత్రికను సిద్దంగా ఉంచినట్లు తెలిపారు. కార్యక్రమంలో డీనరీ చైర్మన్‌ రెవ.ఆనంద్‌కుమార్‌, రెవ.ఆశిస్‌గాబ్రియేల్‌, కమిటీ సభ్యులు కిశోర్‌, సైమన్‌, రత్నరాజు, ప్రసన్నకుమార్‌, కె.జె.ప్రవీణ్‌కుమార్‌, శ్రీనివాసులు, విద్యుత్‌ సిబ్బంది పాల్గొన్నారు.