ఈఈగా చెంగల్రాయులు | - | Sakshi
Sakshi News home page

ఈఈగా చెంగల్రాయులు

Nov 30 2025 7:16 AM | Updated on Nov 30 2025 7:16 AM

ఈఈగా

ఈఈగా చెంగల్రాయులు

ఈఈగా చెంగల్రాయులు రేపు ప్రపంచ ఎయిడ్స్‌ నివారణ దినం ఆర్‌ఎస్‌కేల ద్వారా ధాన్యం కొనుగోలు ఒంటిమిట్టలో శాస్త్రోక్తంగా స్నపన తిరుమంజనం పాఠశాలలో లైబ్రరీలు ఏర్పాటు

కడప సిటీ: జిల్లా నీటిపారుదల శాఖ ఈఈగా చెంగల్రాయులు నియమితులయ్యారు. ఈయన అన్నమయ్య జిల్లా డీఈగా పనిచేస్తుండగా, అదనపు బాధ్యతగా ఇరిగేషన్‌ రెగ్యులర్‌ డివిజన్‌ ఈఈగా నియమిస్తూ ప్రభుత్వం ఉత్తర్వులు జారీ చేసింది. ఈ మేరకు ఆయన బా ధ్యతలను చేపట్టారు. ఇక్కడ ఈఈగా పనిచేస్తు న్న వెంకట్రామయ్యకు టీజీపీ ఎస్‌ఈగా పదో న్నతి లభించగా..బాధ్యతలు స్వీకరించారు.

కడప రూరల్‌: డిసెంబరు 1వ తేదిన ప్రపంచ ఎయిడ్స్‌ నివారణ దినోత్సవాన్ని నిర్వహించనున్నట్లు జిల్లా వైద్య ఆరోగ్యశాఖ అధికారి డాక్టర్‌ నాగరాజు ఒక ప్రకటనలో తెలిపారు. ఈ సందర్భంగా ఎయిడ్స్‌పై అవగాహనకు సంబంధించి పలు కార్యక్రమాలు నిర్వహిస్తున్నట్లు పేర్కొన్నారు. అందులో భాగంగా స్థానిక మున్సిపల్‌ కార్పొరేషన్‌ కార్యాలయం నుంచి సంధ్య సర్కిల్‌ మీదుగా ర్యాలీగా వెళ్లి ఐటీఐ వద్ద మానవహారం, ప్రతిజ్ఞ కార్యక్రమం నిర్వహిస్తామని పేర్కొన్నారు. ఈ కార్యక్రమంలో స్వచ్ఛంద సంస్థలు, అధికారులు పాల్గొని కార్యక్రమాన్ని జయప్రదం చేయాలని కోరారు.

ప్రొద్దుటూరు రూరల్‌: రైతులు పండించిన వరి ధాన్యాన్ని రైతు సేవా కేంద్రాల ద్వారా కొనుగోలు చేస్తున్నట్లు జిల్లా వ్యవసాయ అధికారి చంద్రనాయక్‌ తెలిపారు. మండలంలోని చెన్నమరాజుపల్లెలో శనివారం నిర్వహించిన రైతన్న మీ కోసం కార్యక్రమంలో ఆయన పాల్గొన్నారు. ఈ సందర్భంగా ఆయన మాట్లాడుతూ ప్రభుత్వం ఏ గ్రేడ్‌ రకం క్వింటా రూ.2,389, బీ గ్రేడ్‌ రకం క్వింటా రూ.2,369 కొనుగోలు చేస్తున్నట్లు తెలిపారు. ప్రస్తుతం వర్ష సూచనతో రైతులు వరి ధాన్యం కోతలను వాయిదా వేసుకోవాలని తెలిపారు. ఈ కార్యక్రమంలో ఏడీఏ అనిత, ఏఓ వరహరి కుమార్‌ పాల్గొన్నారు.

ఒంటిమిట్ట: ఒంటిమిట్ట శ్రీ కోదండ రామస్వామి దేవాలయంలో శనివారం మూలవిరాట్‌ లకు స్నపన శాస్త్రోక్తంగా తిరుమంజనం నిర్వహించారు. పట్టువస్త్రాలు, బంగారు ఆభరాణాలు, తులసి గజమాలలతో సీతారామలక్ష్మణమూర్తులను సుందరంగా అలంకరించారు. అనంతరం స్నపన తిరుమంజనం నిర్వహించారు. శనివారం కావడంతో స్వామి వారి దర్శనానికి అధిక సంఖ్యలో భక్తులు తరలివచ్చారు.

సిద్దవటం: తరగతి గదుల్లో ప్రాథమిక స్థాయి నుంచి ఇంటర్మీడియట్‌ వరకు విద్యార్థులు ఏ రకమైన పుస్తకాలు ఇష్టపడతారో అడిగి తెలుసుకొని సమగ్ర శిక్ష అభియాన్‌ ద్వారా వాటిని మంజూరు చేయించి వారానికి రెండు రోజులు లైబ్రరీ ఏర్పాటు చేస్తామని కడప జిల్లా విద్యాశాఖ అధికారి షంషుద్దీన్‌ తెలిపారు. మండల కేంద్రమైన సిద్దవటం జెడ్పీ హైస్కూల్‌లో శనివారం డీఈఓ మధ్యాహ్న భోజనం తనిఖీ చేశారు. పాఠశాల ఫిజికల్‌ డైరెక్టర్‌ చంద్రావతి పాఠశాలకు రావడం లేదని విధుల పట్ల నిర్లక్ష్యం చేస్తున్నారని విద్యార్థులు, ఉపాధ్యాయులు డీఈఓ దృష్టికి తీసుకెళ్లారు. విచారించి చర్యలు తీసుకుంటామని, ఎవరినైనా డిప్యుటేషన్‌ వేస్తామని ఆయన తెలిపారు. అలాగే కెమిస్ట్రీ లెక్చరర్‌ కూడా ఇక్కడ లేరన్నారు. 10 రోజుల్లో లెక్చరర్‌ను అలాట్‌ చేస్తామన్నారు.

ఈఈగా చెంగల్రాయులు 1
1/3

ఈఈగా చెంగల్రాయులు

ఈఈగా చెంగల్రాయులు 2
2/3

ఈఈగా చెంగల్రాయులు

ఈఈగా చెంగల్రాయులు 3
3/3

ఈఈగా చెంగల్రాయులు

Advertisement

Related News By Category

Related News By Tags

Advertisement
 
Advertisement
Advertisement