ఢిల్లీ పీఠాన్ని కదిలించిన ధీరుడు

● కేసీఆర్‌ చరిత్రను చెరిపేయలేరు ● బీఆర్‌ఎస్‌ జిల్లా అధ్యక్షుడు చింతా ప్రభాకర్‌

కంది(సంగారెడ్డి): కొట్లాడి తెచ్చుకున్న తెలంగాణ పదిలంగా ఉండాలంటే దొంగల పాలన తరమికొట్టాలని ఎమ్మెల్యే, బీఆర్‌ఎస్‌ జిల్లా అధ్యక్షుడు చింతా ప్రభాకర్‌ అన్నారు. దీక్షా దివస్‌ సందర్భంగా శనివారం మండలంలోని బీఆర్‌ఎస్‌ జిల్లా కార్యాలయంలో దీక్షా దివస్‌ నిర్వహించారు. ఈ సందర్భంగా పార్టీ కార్యాలయం ఆవరణలో తెలంగాణ తల్లి విగ్రహానికి పూలమాలలు వేసి కేసీఆర్‌ చిత్రపటానికి పాలాభిషేకం చేశారు. అనంతరం ఎమ్మెల్యే మాట్లాడుతూ తెలంగాణ ఉద్యమ చరిత్రలో దీక్షా దివస్‌ ఎంతో కీలకమైన రోజు అన్నారు. తెలంగాణ చరిత్ర ఉన్నంతకాలం కేసీఆర్‌ ఉంటారని, చరిత్రను ఎవరు చెరిపేయలేరన్నారు. తెలంగాణ కోసం ఢిల్లీ పీఠాన్ని కదిలించిన ధీరుడు కేసీఆర్‌ అని కొనియా డారు. కార్యక్రమంలో ఎమ్మెల్యే మాణిక్‌ రావు, మాజీ ఎమ్మెల్యేలు భూపాల్‌ రెడ్డి, చంటి క్రాంతి కిరణ్‌, మాజీ జిల్లా పరిషత్‌ చైర్‌ పర్సన్‌ మంజుశ్రీ, డీసీఎంఎస్‌ చైర్మన్‌ శివకుమార్‌ మాజీ సీడీసీ చైర్మన్‌ కాసాలా బుచ్చిరెడ్డి, నాయకులు పాల్గొన్నారు.