ప్రభుత్వ డిగ్రీ కళాశాలలో ఆడిట్‌

జహీరాబాద్‌ టౌన్‌: రాష్ట్ర ఉన్నత విద్యా కమిషన్‌ ఆదేశాల మేరకు పట్టణంలోని ప్రభుత్వ డిగ్రీ కళాశాలలో శనివారం 2022–23–24 విద్యా సంవత్సరాలకు సంబంధించి అకాడమిక్‌ ఆడిట్‌ నిర్వహించారు. సంగారెడ్డి తారా ప్రభుత్వ డిగ్రీ కళాశాల ప్రిన్సిపాల్‌ డాక్టర్‌ ఎం.ప్రవీణ, వాణిజ్యవిభాగం అసిస్టెంట్‌ ప్రొఫెసర్‌ వీరేంద్ర అకాడమిక్‌ అడ్వయిజర్లుగా వ్యవహరించారు. కళాశాలలోని 15 విభాగాల పనితీరు, ప్రగతిని సమీక్షించారు. ఆధునిక బోధనకు అనుగుణంగా అధ్యాపకులు తమను అభివృద్ధి చేసుకోవాలన్నారు. కళాశాల ప్రిన్సిపాల్‌ అస్లం ఫారూకి మాట్లాడుతూ.. అకాడమిక్‌ ఆడిట్‌ వల్ల కళాశాలలకు ఎంతో మేలు జరుగుతుందని, లోటు పాట్లు తెలుసుకోడానికి దోహదపడుతుందని చెప్పారు.