మహిళలపై హింసను అరికట్టాలి

రామాయంపేట(మెదక్‌): మహిళలు, బాలికలపై జరుగుతున్న హింసను అరికట్టడానికి గాను ప్రతి ఒక్కరూ బాధ్యతగా కృషి చేయాలని మహిళా సాధికారత కేంద్రం మిషన్‌ కోఆర్డినేటర్‌ సంతోషి సూచించారు. మహిళా శిశు సంక్షేమశాఖ, మహిళా సాధికారిత కేంద్రం మెదక్‌ ఆధ్వర్యంలో శనివారం మండలంలోని లక్ష్మాపూర్‌లో జరిగిన అవగాహన శిబిరంలో పాల్గొన్న ఆమె మాట్లాడారు. లింగ ఆధారిత హింసను అరికట్టడానికి గాను ప్రతి సంవత్సరం నవంబర్‌ 25 నుంచి డిసెంబర్‌ పది వరకు అవగాహన శిబిరాలు నిర్వహించనున్నట్ల తెలిపారు. హింసకు సంబంధించి చట్టపరమైన రక్షణ, కుటుంబాల్లో సమానత్వం, మహిళా భద్రత అంశాలపై మహిళలకు చైతన్యం కల్పించారు. మిషన్‌ సభ్యులు భాతరి, నాగమణి, గంగమణి, తదితరులు పాల్గొన్నారు.

జిల్లా కోఆర్డినేటర్‌ సంతోషి