సేంద్రియ సాగు.. అద్భుత ఫలితాలు..

సేంద్రియ సాగులోనూ నరేందర్‌రెడ్డి దిట్ట. రసాయనిక ఎరువులు, పురుగు మందుల వాడకంతో వ్యవసాయోత్పత్తులు కలుషితమవుతున్న వేళ...సమాజానికి ఆరోగ్యకరమైన ఉత్పత్తులను అందించడానికి తనవంతు కృషి కొనసాగిస్తున్నారు. ప్రస్తుతం ఆయన తన పొలంలో ఎకరా విస్తీర్ణంలో బొప్పాయి సాగు చేశాడు. ఇందులో అంతర పంటలుగా అల్లం, పసుపు, అరటి సాగు చేస్తున్నాడు. మరో రెండెకరాల్లో పందిరి పద్ధతిలో బీర, కాకర, సొరకాయను సాగుచేశాడు. ఎక ఎకరం పొలాన్ని నర్సరీకి లీజుకిచ్చాడు. మిగిలిన మూడెకరాల్లో వరి పంటను సాగు చేస్తాడు. కొన్నేళ్లుగా రసాయనిక ఎరువుల వాడకానికి స్వస్తి పలికాడు. తన పొలంలోనే కోకోఫిట్‌(పడేసిన కొబ్బరి బోండాలు), పశువుల పేడ, వానపాములతో ఏటా 30 టన్నులకుపైగా సేంద్రియ ఎరువును సొంతంగా తయారు చేసుకొని పంటలకు వేస్తాడు. దీని ద్వారా అద్భుతమైన ఫలితాలను సాధిస్తున్నాడు. అంతేకాకుండా పురుగు మందుల వాడకాన్ని తగ్గించాడు. సహజమైన పద్ధతుల్లో పురుగు మందుల నివారణకు మందులు తయారుచేసి పిచికారీ చేస్తాడు. పందిరి సాగులోని బీర, సొరకాయలకు పురుగులు రాకుండా కవర్లను కూడా కడతారు. పూర్తిస్థాయి సేంద్రియ పద్ధతిలో సాగు చేస్తున్న నరేందర్‌రెడ్డి పంటలకు మార్కెట్‌లో భలే గిరాకీ ఉంది. ఈ పంటల ద్వారా ఏటా రూ.10 లక్షల వరకు ఆయన ఆదాయాన్ని పొందుతున్నాడు.

పందిరి విధానంలో

కాకర, బీర తోటల సాగు

రైతు నరేందర్‌రెడ్డికి ఆధారమైన బావి ఇదే

సేంద్రియ సాగు.. అద్భుత ఫలితాలు..