పల్నాడు

Nov 30 2025 7:34 AM | Updated on Nov 30 2025 7:34 AM

పల్నాడు

ఆదివారం శ్రీ 30 శ్రీ నవంబర్‌ శ్రీ 2025 పులిచింతల సమాచారం సాగర్‌ నీటిమట్టం క్రీడల్లో జిల్లాను ముందుంచాలి 13న జాతీయ లోక్‌ అదాలత్‌ లైంగిక దాడులపై అవగాహన కార్యక్రమం వీవీఐపీలు, వీఐపీలు ప్రయాణించే మార్గంలో విస్తృత తనిఖీలు మంచికల్లు పోలేరమ్మ తిరునాళ్ల ప్రారంభం వైద్య విద్యలో మంగళగిరి విద్యార్థి ప్రతిభ స్పీడు బ్రేకర్‌లు ఏర్పాటు చేయాలి ప్రమాద సూచికలు ఏర్పాటు చేస్తే మేలు

న్యూస్‌రీల్‌

గత వైఎస్సార్‌ సీపీ ప్రభుత్వ హయాంలో

అదనపు వసతుల కోసం ఆనాడే నిధులు కేటాయింపు

నేటికీ పూర్తికాని పనులు.. సమకూరని ఆధునిక పరికరాలు

మరో వైపు పడకేసిన పారిశుధ్యం

సమస్యలు పరిష్కరిస్తాం...

ఆదివారం శ్రీ 30 శ్రీ నవంబర్‌ శ్రీ 2025

అచ్చంపేట: పులిచింతల ప్రాజెక్టుకు ఎగువ నుంచి 2100 క్యూసెక్కులు వచ్చి చేరుతుండగా దిగువకు 2000 క్యూసెక్కులు వదులుతున్నారు. ప్రాజెక్టు లో ప్రస్తుత నీటి నిల్వ 42.1600 టీఎంసీలు.

విజయపురిసౌత్‌: నాగార్జున సాగర్‌ జలాశయ నీటిమట్టం శనివారం 581.20 అడుగులకు చేరింది. శ్రీశైలం నుంచి 15,334 క్యూసెక్కులు వచ్చి చేరుతోంది.

డీఈఓ చంద్రకళ

నరసరావుపేటఈస్ట్‌: క్రీడలలో పల్నాడు జిల్లాను ముందుంచేందుకు అన్ని పాఠశాల విద్యార్థులు, ఉపాధ్యాయులు కృషి చేయాలని జిల్లా విద్యాశాఖాధికారి ఎల్‌.చంద్రకళ తెలిపారు. జిల్లా ఉపాధ్యాయుల క్రీడా పోటీలను డీఈఓ శనివా రం ప్రారంభించారు. లూథరన్‌ హైస్కూల్‌లో ఉపాధ్యాయుల క్రికెట్‌, శంకరభారతీపురం జెడ్పీ హైస్కూల్‌లో ఉపాధ్యాయినిల త్రోబాల్‌ పోటీలను ప్రారంభించి మాట్లాడారు. క్రీడలలో పాల్గొనే ఉపాధ్యాయులు ఆయా పాఠశాలల్లోని వ్యాయామ ఉపాధ్యాయులను సమన్వయ పరుచుకొని ఎంచుకున్న క్రీడలో నైపుణ్యం సాధించాలన్నారు. అనంతరం లింగంగుంట్ల పీడబ్ల్యూడీ పాఠశాలలో మధ్యాహ్న భోజన పథకాన్ని పరిశీలించి సంతృప్తి వ్యక్తం చేశారు. భోజనం నాణ్యతలో రాజీ పడవద్దని సూచించారు.

గురజాలరూరల్‌: డిసెంబర్‌ 13న జాతీయ లోక్‌ అదాలత్‌ నిర్వహిస్తున్నట్లు మండల న్యాయ సేవాధికార సంస్థ చైర్మన్‌, 10వ అదనపు జిల్లా జడ్జి జి ప్రియదర్శిని తెలిపారు. జిల్లా న్యాయ సేవా సంస్థ ఆదేశాల మేరకు మండల న్యాయ సేవాధికార సంస్థ చైర్‌పర్సన్‌, 10వ అదనపు జిల్లా జడ్జి జి ప్రియదర్శిని అధ్యక్షతన కోర్టులో పోలీసులతో అవగాహన కార్యక్రమం శనివా రం నిర్వహించారు. ఆమె మాట్లాడుతూ అధిక కేసులు పరిష్కరించే విధంగా చూడాలని పోలీసులను కోరారు. కార్యక్రమంలో సీనియర్‌ సివిల్‌ జడ్జి వై శ్రీనివాసరావు, ప్రిన్సిపల్‌ జూనియర్‌ సివిల్‌ జడ్జి కేవీ సత్యనారాయణ, డీఎస్పీ జగదీష్‌, సీఐలు ఆవుల భాస్కర్‌, భాస్కర్‌, ఎస్‌ఐలు తదితరులు పాల్గొన్నారు.

తాడేపల్లి రూరల్‌ : ఉండవల్లి మండల ప్రాథమిక పరిషత్‌ స్కూల్‌లో శనివారం గుడ్‌షెపర్డ్‌ సిస్టర్స్‌ సంస్థ ఆధ్వర్యంలో బాలికలపై లైంగిక దాడులు అనే అంశంపై అవగాహన కార్యక్రమాన్ని నిర్వహించారు. ఈ సందర్భంగా గుడ్‌షెపర్డ్‌ కాన్వెంట్‌ సిస్టర్‌ విద్య మాట్లాడుతూ బాలికలపై లైంగిక దాడులు జరుగుతున్నాయని అన్నారు. ఇటువంటి సంఘటనలు జరిగినపుడు చిన్నారులు తమ బాధకు ఎవరికి చెప్పుకోవాలో తెలియడం లేదని అన్నారు. బాలికలపై లైంగిక దాడులను నిరోధించేందుకు పోక్సో చట్టం అమలులో ఉందని వివరించారు. ఈ కార్యక్రమంలో గుడ్‌ షెపర్డ్‌ సిబ్బంది పోతురాజు, అనూష, నాగమణి, అనిల్‌ కుమార్‌, బాబు జగజ్జీవన్‌రావు తదితరులు పాల్గొన్నారు.

తాడేపల్లి రూరల్‌: ప్రకాశం బ్యారేజ్‌, ఉండవల్లి సెంటర్‌ సీడ్‌ యాక్సెస్‌ రోడ్‌లో వీవీఐపీలు పర్యటిస్తుండడంతో జిల్లా ఎస్పీ వకుల్‌ జిందాల్‌ ఆదేశాల మేరకు పోలీస్‌ అధికారులు శనివారం విస్తృత తనిఖీలు నిర్వహించారు. ఆయా ప్రాంతాల్లోని కల్వర్టులు, ముళ్ల పొదలు, ఇతర పైపులైన్లు, చెక్‌ పోస్టులతో పాటు ఇతర బ్రిడ్జిల వద్ద బాంబ్‌ స్క్వాడ్‌, ఇతర బృందాలు తనిఖీలు చేశాయి. ఈ సందర్భంగా ఏఆర్‌ ఎస్పీ హనుమంతరావు మాట్లాడుతూ ఈ చుట్టుపక్కల ప్రాంతాల్లో వీవీఐపీలు, వీఐపీలు నివాసం ఉంటున్నారని, వారి భద్రత దృష్ట్యా మొత్తం 40 మంది సిబ్బంది నాలుగు బృందాలుగా ఏర్పడి ఈ తనిఖీలు నిర్వహించార ని తెలిపారు. కార్యక్రమంలో ఎస్‌ఎస్‌జీ డీఎస్పీ రామకృష్ణ, జిల్లా భద్రతా విభాగం ఆర్‌ఐ శ్రీనివాసరావు, ఎస్‌ఎస్‌జీ ఆర్‌ఐలు నరేష్‌, శంకర్‌ తదితరులు పాల్గొన్నారు.

మంచికల్లు(రెంటచింతల): పలనాటి కోనసీమగా పేరొందిన మంచికల్లు గ్రామంలో గ్రామదేవత శ్రీ పోలేరమ్మ అమ్మవారి తిరునాళ్ల మహోత్సవ వేడుకలు ప్రారంభమైనట్లు కారంపూడి వెంకటాచార్యులు శనివారం తెలిపారు. తిరునాళ్లను వైభవంగా నిర్వహిస్తున్నట్టు తెలిపారు. శుక్రవారం కుంకుమ బండ్లు, శనివారం దీనబండారంతో ఈ వేడుకలు ముగుస్తాయని వెల్లడించారు. మార్గశిర ఏకాదశి మొదలు బహుళపాడ్యమి వరకు ప్రతి ఏటా ఈ ఉత్సవాలను అంగరంగ వైభవంగా నిర్వహించడం జరుగుతుందని తెలిపారు.

మంగళగిరిటౌన్‌: డాక్టర్‌ ఎన్టీఆర్‌ ఆరోగ్య విజ్ఞాన విశ్వవిద్యాలయం ఇటీవల విడుదల చేసిన పోస్ట్‌ గ్రాడ్యుయేషన్‌ ఫలితాల్లో మంగళగిరి విద్యార్థి ప్రతిభ చాటి రాష్ట్రంలోనే టాపర్‌గా నిలిచారు. మంగళగిరిలోని సాయినగర్‌కు చెందిన పాపన జితేంద్ర ఆర్థోపెడిక్‌ విభాగంలో 800 మార్కులకు 568 మార్కులు సాధించి రాష్ట్రంలో ప్రథమ స్థానంలో నిలిచారు. ఏలూరు జిల్లా ఆశ్రమ వైద్య కళాశాలలో జితేంద్ర వైద్యవిద్యను అభ్యసిస్తున్నారు. కళాశాల ప్రిన్సిపల్‌ చేబ్రోలు శ్రీనివాసరావు, ఆర్థోపెడిక్‌ ప్రొఫెసర్‌ డాక్టర్‌ మల్లికార్జునరెడ్డి జితేంద్రను అభినందించారు. తమ కుమారుడు కష్టపడి చదివి పీజీ ఫలితాల్లో రాష్ట్రంలోనే ప్రథమ స్థానంలో నిలవడం గర్వకారణంగా ఉందని జితేంద్ర తల్లిదండ్రులు శివరామ్‌ ప్రసాద్‌, ధనలక్ష్మి ఆనందం వ్యక్తం చేశారు.

చిలకలూరిపేట: అంగట్లో అన్నీ ఉన్నా... అల్లుడి నోట్లో శని ఉంది అన్న చందంగా ఉంది చిలకలూరిపేట 100 పడకల ప్రభుత్వ ఏరియా ఆసుపత్రి పరిస్థితి. విశాలమైన అధునాతన భవనాల నిర్మాణం, ఆపరేషన్‌ థియేటర్లు, ఎన్‌బీఎస్‌యూ (న్యూ బోర్న్‌ స్టెబిలైజేషన్‌ యూనిట్‌), స్పెషలిస్టు వైద్యుల నియామకం గత వైఎస్సార్‌ సీపీ ప్రభుత్వ హయాంలోనే సంతరించుకున్నాయి. అయితే నేటి పాలకుల నిర్లక్ష్యం ఈ ఆసుపత్రి పాలిట శాపంగా మారింది. ఆసుపత్రికి అవసరమైన అదనపు సౌకర్యాలు...అత్యాధునిక పరికరాలకు గత ప్రభుత్వ హయాంలోనే నిధులు మంజూరై, పనులు సైతం ప్రారంభమైనా అవి నేటికీ పూర్తి కాకపోవడం ఆసుపత్రికి వచ్చే పేద రోగులకు శాపంగా మారింది.

అదనపు సౌకర్యాల కోసం...

ఆసుపత్రికి అవసరమైన అదనపు సౌకర్యాలైన ప్రహరీ నిర్మాణం, అంతర్గత సీసీ రోడ్లు, కొత్త జనరేటర్‌, అదనపు శస్త్ర చికిత్స పరికరాలు వంటి వాటి కోసం గత వైఎస్సార్‌ సీపీ ప్రభుత్వ హయాంలోనే రూ.9.45 కోట్లు మంజూరయ్యాయి. నాటి వైద్య, ఆరోగ్య, కుటుంబ సంక్షేమ శాఖ మంత్రి విడదల రజిని 2023 ఆగస్టు మూడో తేదీన శంకుస్థాపన చేసి పనులు ప్రారంభించారు. ఆ తదుపరి ప్రభుత్వం మారినా నేటికీ పనులు మాత్రం పూర్తి కాలేదు.

జాతీయ రహదారిపై విస్తరించి ఉన్న చిలకలూరిపేట ఆసుపత్రికి నిత్యం రోడ్డు ప్రమాదాలకు గురైన కేసులు వస్తుంటాయి. ఇక్కడ ఆర్థోఫెడిక్‌ సర్జన్‌ ఉన్నా సదరం క్యాంపుల కోసం ఇతర ప్రాంతాలకు డ్యూటీ వేస్తున్నారు. దీంతో ప్రమాద బాధితులు ఎవరు వచ్చినా గుంటూరు పంపుతున్నారు. ఇక్కడ ఉన్న ముగ్గురు గైనకాలజిస్టుల్లో సీనియర్‌ గైనకాలజిస్టు డాక్టర్‌ కేవీ లక్ష్మీకుమారిని డిప్యుటేషన్‌పై డైరెక్టరేట్‌ ఆఫ్‌ సెక్రటరియేట్‌కు పంపటంతో ఆ విభాగంలో కొరత ఏర్పడింది. ఇక రేడియాలజీ విభాగానికి చెందిన వైశాలి చైల్డ్‌ కేర్‌ లీవులో ఉండటంతో ప్రస్తుతానికి ఆ విభాగం సేవలు కుంటుపడ్డాయి.

జనరేటర్‌ లేక...

ఎప్పటిదో 30 పడకల ఆసుపత్రి నాటి పాత జనరేటర్‌ పూర్తిగా పనికిరాకుండా పోయింది. 50కేవీ జనరేటర్‌ అవసరం ఉన్నా నేటికి సమకూరలేదు. మరోవైపు పారిశుధ్యం పూర్తిగా పడకవేసింది.

వాహనాలు మితిమీరిన వేగంతో పాఠశాల ముందుగా వెళుతున్నాయి. ప్రధానంగా అధిక లోడుతో వెళ్లే లారీలను ఒక్కసారిగా నియంత్రించటం కష్టసాధ్యం. వేగాన్ని నియంత్రించేలా రహదారిపై పాఠశాలకు కొద్ది దూరం వరకు స్పీడు బ్రేకర్‌లు ఏర్పాటు చేయాలి.

– బత్తుల శ్రీనివాసరావు, ఎస్‌ఎంసీ మాజీ చైర్మన్‌, చాగంటివారిపాలెం

ప్రధాన రహదారి కావటంతో వందల సంఖ్యలో వాహనాలు తిరుగుతున్నాయి. పాఠశాల ఉంది అని తెలియజేసేలా రహదారి వెంబడి సూచికలు ఏర్పాటు చేస్తే ఎంతో మేలు. కొంత మేర వేగాన్ని నియంత్రించవచ్చు. వాహనాలను తప్పించుకొని వెళ్లాలంటే విద్యార్థులు భయపడుతున్నారు.

– బొరిగర్ల వెంకట్రావు, చాగంటివారిపాలెం

నిర్మాణం పూర్తి చేసుకున్న ఏరియా ఆసుపత్రి

ఆసుపత్రిలో నెలకొన్న సమస్యలు పరిష్కరిస్తాం. అదనపు శస్త్ర చికిత్స పరికరాలు, జనరేటర్‌లను త్వరలోనే సమకూర్చుకుంటాం. ఈ విషయాలను ఇప్పటికే పైఅధికారుల దృష్టికి తీసుకువెళ్లడం జరిగింది. ప్రహరీ నిర్మాణ పనులు త్వరగా పూర్తి చేసేలా చర్యలు తీసుకుంటాం.

– డాక్టర్‌ టి శ్రీనివాసరావు,

ఆసుపత్రి మెడికల్‌ సూపరింటెండెంట్‌