పల్నాటి మాత... పాతపాటేశ్వరమ్మ

గురజాల: పట్టణంలో వందలాది సంవత్సరాల కిందట పాతపాటేశ్వరి అమ్మవారిదేవిగా అవతరించి పలనాటి మాతగా భక్తుల పూజలను అందుకుంటుంది. దుగ్గరాజు వంశం వారిచే ప్రతిష్టించబడినట్లు దేవాలయంలో ఏర్పాటుచేసిన శిలాశాసనం ద్వారా తెలుస్తుంది. పల్నాడు నడిబొడ్డున అమ్మవారి ఆలయం ఉండటం పల్నాడు ప్రాంత వాసులకు గర్వకారణం. అమ్మవారి మహిమలు కోకొల్లలు. పాతపాటేశ్వరి అమ్మవారి దేవాలయాలు వేరే ప్రాంతంలో ఉన్నప్పటికీ పల్నాటి మాతగా పేరుగాంచిన గురజాల పాతపాటేశ్వరి అమ్మవారి చరిత్ర మాత్రమే ప్రసిద్ధి పొందింది.

నేటి నుంచి తిరునాళ్ల ఉత్సవాలు ప్రారంభం

ఆదివారం నుంచి అమ్మవారి బియ్యం కొలత, డిసెంబర్‌ 1వ తేదీన అమ్మవారి గ్రామోత్సవం, 2వ తేదీన అమ్మవారి గ్రామోత్సవం, 3వ తేదీ అమ్మవారి బియ్యం విడుపు కొలత, 4వ తేది అమ్మవారి పొంగళ్ల సమర్పణ, 5వ తేదీన అమ్మవారి వసంతోత్సవం కార్యక్రమంతో తిరునాళ్ల ఉత్సవాలు ముగుస్తాయి.

అమ్మవారి తిరునాళ్లకు ఏర్పాట్లు పూర్తి చేశాం. భక్తులు అమ్మవారిని దర్శించుకునేందుకు క్యూలైన్లు, ప్రసాదం పంపిణీ ఏర్పాటుకు తగు చర్యలు తీసుకుంటాం. అమ్మవారి దేవాలయం కార్యక్రమాలు యథావిధిగా కొనసాగుతాయి. ప్రతి ఒక్కరూ అమ్మవారిని దర్శించుకొని అమ్మవారి కృపకు పాత్రులుకాగలరు.

– చీతిరాల సుబ్బారావు,

ఆలయ కమిటీ సభ్యుడు

పల్నాటి మాత... పాతపాటేశ్వరమ్మ