ఆటో బోల్తాపడి ఒకరు మృతి | - | Sakshi
Sakshi News home page

ఆటో బోల్తాపడి ఒకరు మృతి

Nov 30 2025 7:32 AM | Updated on Nov 30 2025 7:32 AM

ఆటో బోల్తాపడి  ఒకరు మృతి

ఆటో బోల్తాపడి ఒకరు మృతి

ఆటో బోల్తాపడి ఒకరు మృతి డ్రంకెన్‌ డ్రైవ్‌లో పట్టుబడ్డ 14 మందికి జరిమానా గూడ్స్‌రైలు ఢీకొని వ్యక్తి మృతి

ఇద్దరికి తీవ్రగాయాలు

రెంటచింతల: రెంటచింతల గ్రామ శివారులో ఆటో బోల్తాపడి ఒకరు మృతి చెందగా మరో ఇద్దరికి తీవ్రగాయాలైన ఘటన శనివారం సాయంత్రం చోటుచేసుకుంది. మండలంలోని రెంటాల గ్రామానికి చెందిన ఆడేపు మరియదాసు(34) గురజాలలో ఓ హోటల్‌లో పనిచేస్తూ సాయంత్రం తిరిగి ఇంటికి ఆటోలో వస్తున్న నేపథ్యంలో ఎదురుగా ద్విచక్రవాహనం రావడంతో అదుపుతప్పి ఆటో బోల్తా పడింది. ఈ ప్రమాదంలో మరియదాసుకు తీవ్ర గాయాలు కాగా వెంటనే గురజాల ప్రభుత్వ ఆస్పత్రికి తరలించారు. చికిత్స పొందుతూ మృతి చెందాడు. రెంటాలకు చెందిన కొర్రా హనిమి, రెంటచింతలకు చెందిన మణికుమార్‌లకు తీవ్ర గాయాలు కావడంతో మెరుగైన వైద్యం కోసం నరసరావుపేటలోని ఓ ప్రైవేటు ఆస్పత్రికి తరలించారు. మృతునికి భార్య దుర్గమ్మ, కార్తీక్‌, నాగరాజు కుమారులు ఉన్నారు.

గుంటూరు లీగల్‌: గుంటూరు ఈస్ట్‌, వెస్ట్‌ ట్రాఫిక్‌ పోలీసులు శనివారం డ్రంకెన్‌ డ్రైవ్‌ తనిఖీలు నిర్వహించారు. తనిఖీల్లో మద్యం సేవించి వాహనాలు నడుపుతున్న 14 మందిని అదుపులోకి తీసుకున్నారు. వీరిని గుంటూరు ఆరో అదనపు జూనియర్‌ సివిల్‌ జడ్జి కోర్టులో హాజరుపరిచారు. న్యాయమూర్తి మహమ్మద్‌ గౌస్‌ 14 మందికి జరిమానా విధించారు. కొద్ది సమయం కోర్టు ప్రాంగణం శుభ్రం చేయాలని సూచించారు. ఆల్కహాల్‌ సేవించిన పర్సంటేజ్‌ని బట్టి ఆయా వ్యక్తులకు రూ. 5వేలు, రూ. 7వేలు న్యాయమూర్తి జరిమానా విధించారు.

చీరాల రూరల్‌: రైలు పట్టాలు దాటుతుండగా ప్రమాదవశాత్తూ గూడ్స్‌రైలు ఢీకొనడంతో గుర్తు తెలియని వ్యక్తి మృతి చెందిన సంఘటన శనివారం చీరాల రైల్వేస్టేషన్‌లో చోటుచేసుకుంది. జీఆర్పీ ఎస్సై సీహెచ్‌.కొండయ్య తెలిపిన వివరాల మేరకు సుమారు.. 50 సంవత్సరాలు వయస్సు కలిగిన గుర్తు తెలియని వ్యక్తి రైల్వేస్టేషన్‌లోని నాలుగో నంబర్‌ ప్లాట్‌ఫాంపైకి వెళ్లేందుకు పట్టాలు దాటుతున్నాడు. ఈ క్రమంలో వేగంగా వెళుతున్న గూడ్స్‌రైలు అతడిని ఢీకొట్టడంతో మృత్యువాత పడినట్లు ఎస్సై తెలిపారు. మృతదేహాన్ని పోస్టుమార్టం నిమిత్తం ప్రభుత్వాసుపత్రికి తరలించారు.

Advertisement

Related News By Category

Related News By Tags

Advertisement
 
Advertisement
Advertisement