రొంపిచర్లలో కేంద్రియ విద్యాలయం నిర్మించాలంటూ ఆందోళన

రొంపిచర్ల: రొంపిచర్లలో కేంద్రియ విద్యాలయం నిర్మించాలంటూ శనివారం బీసీ సంక్షేమ సంఘం, ప్రజాసంఘాలు, వామపక్ష పార్టీల ఆధ్వర్యంలో తహసీల్దార్‌ కార్యాలయం ఎదుట ధర్నా నిర్వహించారు. బీసీ సంక్షేమ సంఘం నాయకులు, ప్రజా సంఘాల నాయకులు మాట్లాడుతూ ప్రభుత్వ అలసత్వం వల్ల కేంద్రియ విద్యాలయం నిర్మాణ పనులు జరగలేదని అన్నారు. రొంపిచర్లలో కేంద్రియ విద్యాలయం ఏర్పాటుకు స్థలం కేటాయించి ఏళ్లు గడుస్తున్నా ఇప్పటికీ కార్యరూపం దాల్చలేదన్నారు. తక్షణమే కేంద్రియ విద్యాలయం నిర్మించాలని, లేని పక్షంలో ఆందోళన కార్యక్రమాలు ఉధృతం చేస్తామన్నారు. తొలుత స్థానిక చెరువు కట్ట సెంటర్‌ నుంచి తహసీల్దార్‌ కార్యాలయం వరకు ర్యాలీ నిర్వహించారు. అనంతరం తహసీల్దార్‌ బి.నిర్మల కు వినతిపత్రం అందజేశారు. కార్యక్రమంలో బీసీ సంక్షేమ సంఘం రాష్ట్ర అధికార ప్రతినిధి బాదుగున్నల శ్రీనివాసరావు, మాల మహానాడు రాష్ట్ర అధ్యక్షుడు గోదా జాన్‌ పాల్‌, బీఎస్పీ జిల్లా అధ్యక్షుడు బూదాల బాబూరావు, సీపీఐ జిల్లా సహాయ కార్యదర్శి కాసా రాంబాబు, సీపీఐ ఏరియా కార్యదర్శి చక్రవరం సత్యనారాయణరాజు, సీఐటీయూ మండల కార్యదర్శి సరికొండ వెంకటేశ్వరరాజు, బీసీ సంక్షేమ సంఘం మండల అధ్యక్షుడు గాలి సాంబశివరావు, బీసీ సంక్షేమ సంఘం నియోజకవర్గ ఉపాధ్యక్షుడు సరికొండ తిమ్మరాజు, బీసీ సంక్షేమ సంఘం యువజన అధ్యక్షుడు సుతారం విశ్వేశ్వరరావు, బీసీ సంక్షేమ సంఘం మండల నాయకులు కోనేటి నరసింహారావు, భగత్‌ సింగ్‌ భవన్‌ నిర్వహణ కమిటీ సభ్యులు ఎస్‌.రామకష్ణంరాజు, శేషంరాజు, మస్తాన్‌ వలి, సీపీఐ మండల కార్యదర్శి రొడ్డా అంజిరెడ్డి, మండల నాయకులు మధుసూదనరావు, పిడెం హుస్సేన్‌ తదితరులు పాల్గొన్నారు.