గంజాయి హాట్‌స్పాట్‌లపై ఉక్కుపాదం

బొమ్మల తయారీపై శిక్షణ

జయపురం: జయపురం ఆర్ట్స్‌ క్రాఫ్ట్‌ కళాశాలలో ఇకో క్రాఫ్ట్‌ వర్క్‌షాపు నిర్వహించారు. ఈ వర్క్‌ షాపులో ముఖ్యఅతిథిగా జిల్లా ప్రణాళిక విభాగ డిప్యూటీ అధికారి, జిల్లా సంస్కృతిక అధికారి సూర్యకాంత బెహర పాల్గొని వర్క్‌షాపును ప్రారంభించారు.గౌరవ అతిథిగా ఖల్లికోట ఆర్ట్స్‌ కళాశాల మాజీ ప్రిన్సిపాల్‌ లోకనాథ్‌ షొడంగి, కొరాపుట్‌ జిల్లా సంస్కృతిక విశ్రాంత అధికారి కృష్ణ చంద్ర నిశంఖ హాజరయ్యారు.

కార్యక్రమ కోఆర్డినేటర్‌ జయంత కుమార్‌ దాస్‌, జయపురం ఆర్ట్‌ అండ్‌ క్రాఫ్ట్‌ కళాశాల ప్రిన్సిపాల్‌ జుధిష్టర్‌ మల్లిక్‌, ఇకో వర్క్‌షాప్‌ను నిర్వహించారు. ఇకో క్రాఫ్ట్‌ వర్క్‌ షాపులో లక్కతో బొమ్మలు, టెరాకోట్‌ కుమ్మర వస్తువులు ప్రదర్శించారు. వాటిపై అధికారులు వివరించారు. ఈ వర్క్‌షాపులో ముఖ్యఅతిథి సూర్యకాంత బెహర మాట్లాడుతూ 1946 లో రాష్ట్రంలో నెలకొల్పబడిన ప్రథమ విక్రమ ఆర్ట్స్‌ అండ్‌ క్రాఫ్ట్‌ కళాశాల ఉన్నతికి కృషి చేయటం జరుగుతుందన్నారు. ఈ వర్క్‌షాపులో లక్కతో ఎలా వస్తువులు చేయాలో విద్యార్థులకు శిక్షణ ఇచ్చారు. ప్రసిద్ద టెరాకోట్‌ బొమ్మలు, వస్తువులు తయారు చేయటంలో విద్యార్థులకు శిక్షణ ఇచ్చారు.

శ్రీకాకుళం పాతబస్టాండ్‌: జిల్లాలో గంజాయి వినియోగం, అక్రమ రవాణాను సమూలంగా అరికట్టేందుకు అధికారులు గుర్తించిన 65 హాట్‌స్పాట్‌ల వద్ద సీసీ కెమెరాలను తక్షణమే ఏర్పాటు చేయాలని కలెక్టర్‌ స్వప్నిల్‌ దినకర్‌ పుండ్కర్‌ అధికారులను ఆదేశించారు. కెమెరాల ఏర్పాటు బాధ్యతను స్థానిక సంస్థలు తీసుకోవాలని చెప్పారు. శనివారం కలెక్టరేట్‌ కార్యాలయంలో జిల్లా నార్కోటిక్స్‌ కోఆర్డినేషన్‌ కమిటీ సమావేశం కలెక్టర్‌ అధ్యక్షతన జరిగింది. ఎస్పీ కేవీ మహేశ్వర్‌ రెడ్డి, జాయింట్‌ కలెక్టర్‌ ఫర్మాన్‌ అహ్మద్‌ ఖాన్‌లతో కలసి కలెక్టర్‌ మాట్లాడుతూ జి ల్లాలోని 16 మండలాల్లో గంజాయి కార్యకలాపాలు జరిగేందుకు ఆస్కారం ఉన్న మొత్తం 65 హాట్‌స్పా ట్‌లను అధికారులు గుర్తించినట్లు పేర్కొన్నారు. ఇప్పటివరకు కేవలం 32 ప్రాంతాల నుంచి మా త్రమే కెమెరాల ఏర్పాటుకు ప్రతిపాదనలు వచ్చాయని, కేవలం 3 మాత్రమే ఏర్పాటు చేశారని ఎస్పీ నివేదించినట్లు తెలిపారు. గంజాయి విక్రయం, నిషేధంపై ప్రజల సహకారం కీలకమని ఎస్పీ మహేశ్వర రెడ్డి తెలిపారు. చీకటిగా ఉన్న ప్రాంతాల్లో వెంటనే లైటింగ్‌ ఏర్పాటు చేయా లని డీపీఓ, మున్సిపల్‌ కమిషనర్లను కోరారు.

రహదారుల భద్రతపై జరిగిన సమీక్షలో శ్రీకాకుళం నవభారత జంక్షన్‌–బైపాస్‌ జంక్షన్‌ వద్ద పాదచారుల భద్రత కోసం వెంటనే ఫుట్‌ ఓవర్‌ బ్రిడ్జి ఏర్పాటు కు డీపీఆర్‌ సిద్ధం చేయాలని ఎస్పీ కోరారు. ఆర్టీసీ కాంప్లెక్స్‌ ఎదురుగా ప్రైవేట్‌ బస్సులు నిలపకుండా కేసులు నమోదు చేయాలని, రోడ్లపై ఇష్టానుసారం వాహనాలు పార్క్‌ చేసినా, జాతీయ రహదారిపై చెత్త వేసినా కఠిన చర్యలు తీసుకోవాలని ఆదేశించారు.

గంజాయి హాట్‌స్పాట్‌లపై ఉక్కుపాదం

గంజాయి హాట్‌స్పాట్‌లపై ఉక్కుపాదం