●పదే పదే అదే తప్పు

కోటబొమ్మాళి మండలం ఎత్తురాళ్లుపాడు సమీపంలో ఇటీవల జరిగిన రోడ్డు ప్రమాదం ప్రాంతంలో ప్రమాదకరంగా నిలిపివేసిన వాహనాలు

ఆ దారిపై రక్తపు మరకలు ఇంకా తొలగలేదు. ఆ కుటుంబాల్లో ఆర్తనాదాలు ఇంకా ఆగలేదు. ఆ ఘోర ప్రమాదం చూసిన వారికి కలిగిన భయం ఇంకా తగ్గలేదు. అయినా వాహన చోదకుల నిర్లక్ష్య వైఖరి మాత్రం మారలేదు. ఎక్కడైతే నలుగురి ప్రాణాలు గాలిలో కలిసిపోయాయో, ఎక్కడైతే వారి రక్తంతో రోడ్డు తడిచిందో, ఎక్కడైతే వాహనం మృత్యు శకటంగా మారిందో.. సరిగ్గా అదే చోట మళ్లీ లారీలు ప్రమాదకరంగా పార్కింగ్‌ చేయడం శనివారం కనిపించింది. రోడ్డు ప్రమాదాల నియంత్రణకు కట్టుదిట్టమైన చర్యలు చేపడుతున్నామని జిల్లా అధికారులు చెబుతున్నప్పటికీ క్షేత్రస్థాయిలో ఇలాంటి విరుద్ధ దృశ్యాలు కనిపిస్తూ వారి చిత్తశుద్ధిని వెక్కిరిస్తున్నాయి. – టెక్కలి