కేంద్రాల వద్దే కుల ధ్రువీకరణ

యాదగిరిగుట్ట రూరల్‌ : రిజర్వేషన్‌ స్థానాల్లో నామినేషన్‌ వేసే అభ్యర్థులు కుల ధ్రువీకరణ పత్రం తప్పనిసరిగా జత చేయాల్సి ఉంటుంది. శనివారం నామినేషన్ల స్వీకరణకు చివరి రోజు కావడంతో పలువురు అభ్యర్థులు నామి నేషన్‌ పత్రాల్లో కుల ధ్రువీకరణకు ఇచ్చిన ప్రత్యేక కాలమ్‌లో తమ కులానికి సంబంధించిన వివరాలు నింపారు. యాదగిరిగుట్ట తహసీల్దార్‌ గణేశ్‌నాయక్‌ స్వయంగా మండలంలోని ఐదు క్లస్టర్లలో నామినేషన్‌ కేంద్రాల వద్దకే వెళ్లి అభ్యర్థితో పాటు అతడిని ప్రతిపాదించిన వారిని విచారించి కుల ధ్రువీకరణ చేశారు. దీంతో అభ్యర్థులు ప్రత్యేకంగా కుల ధ్రువీకరణ పత్రం జత చేయాల్సిన అవసరం లేకుండా పోయింది. తహసీల్దార్‌ కార్యాలయంలో కుల ధ్రువీకరణ కోసం డిప్యూటీ తహసీల్దార్‌ కూడా అందుబాటులో ఉన్నారు.