'బిల్లా-రంగా' రీమేక్‌‌లో వార‌సులు

Sai Dharam Tej, Manchu Manoj To Be Seen In Billaranga Remake soon - Sakshi

మెగాస్టార్ చిరంజీవి, డైలాగ్‌కింగ్ మోహ‌న్ బాబు క‌లిసి న‌టించిన బిల్లా రంగా సినిమా త్వ‌ర‌లోనే రీమేక్ కానుందా అంటే అవున‌నే స‌మాధాన‌మే వినిపిస్తుంది. గురువారం హీరో సాయి ధ‌ర‌మ్‌తేజ్ పుట్టిన‌రోజు సంద‌ర్భంగా మంచు మ‌నోజ్  బ‌ర్త్‌డే విషెస్ తెలియ‌జేశాడు.  ఈ సంద‌ర్భంగా అప్ప‌టి సూప‌ర్‌హిట్ `బిల్లా రంగా` పోస్ట‌ర్‌ను సాయి ధ‌ర‌మ్‌తేజ్‌ ట్విట‌ర్‌కి ట్యాగ్ చేశారు. 'బిల్లారంగా విడుద‌లై నేటికి  38 సంవత్సరాలు పూర్త‌యింంది, ఈరోజే నీ పుట్టిన‌రోజు కావ‌డం విశేషం.. అంటే ఈ ర‌కంగా మ‌న‌కు  ఏదో హింట్ ఇస్తున్న‌ట్లుంది బాబాయ్..  ఇది చేయ‌డానికి నేను రెడీ.. నువ్వు రెడీనా 'అంటూ మ‌నోజ్ ట్వీట్ చేశాడు.  (అల్లుడికి చిరు బర్త్‌డే విషెస్‌‌.. ఆనందంలో హీరో! )

దీంతో మ‌రికొన్ని రోజుల్లోనే బిల్లారంగా రీమేక్‌కి సంబంధించి అధికారిక ప్ర‌క‌ట‌న వ‌చ్చే అవ‌కాశం ఉంది. విభిన్న చిత్రాల‌తో త‌న‌కంటూ ప్ర‌త్యేక స్థానాన్ని సంపాదించుకున్న సాయి ధ‌ర‌మ్ తేజ్ గురువారం 34వ వ‌సంతంలోకి అడుగుపెట్టారు. ఈ సంద‌ర్భంగా తేజ్‌కు సెలబ్రిటీలు, అభిమానుల నుంచి శుభాకాంక్ష‌లు వెల్లువెత్తుతున్నాయి.  సాయి ధరమ్‌ తేజ్ నటించిన సోలో బ్రతుకే సో బెటర్‌ సినిమా త్వ‌ర‌లోనే విడుద‌ల  కానుంది. (మనోజ్‌ బర్త్‌డే.. వలస కూలీలకు సాయం)

Read latest Movies News and Telugu News | Follow us on FaceBook, Twitter, Telegram



 

Read also in:
Back to Top