Love Reddy : ఆంధ్ర , కర్ణాటక సరిహద్దులో జరిగే స్వచ్ఛమైన ప్రేమ కథ

అంజన్‌ రామచంద్ర, శ్రావణీ రెడ్డి హీరో హీరోయిన్లుగా నటించిన చిత్రం ‘లవ్‌ రెడ్డి’. స్మరన్‌ రెడ్డిని దర్శకుడిగా పరిచయం చేస్తూ హేమలతా రెడ్డి, మదన్‌ గోపాల్‌ రెడ్డి, ప్రభంజనం రెడ్డి, నాగరాజు బీరప్ప నిర్మించారు. ఈ చిత్రం గ్లింప్స్‌ను హైదరాబాద్‌లో జరిగిన కార్యక్రమంలో దర్శకుడు ప్రశాంత్‌ వర్మ విడుదల చేసి, మాట్లాడుతూ– ‘‘లవ్‌ రెడ్డి’ గ్లింప్స్‌ చాలా ఫ్రెష్‌ గా ఉంది. ఈ గ్లింప్స్‌ చూశాక నాకు కూడా ఒక లవ్‌స్టోరీ చెయ్యాలనిపిస్తోంది. యంగ్‌ టీమ్‌ చేసిన ఈ చిత్రం పెద్ద విజయం సాధించాలి’’ అన్నారు.

‘‘ఆంధ్ర , కర్ణాటక సరిహద్దు ప్రాంతంలో జరిగే స్వచ్ఛమైన ప్రేమకథగా ఈ చిత్రాన్ని రూపొందించాం. అన్ని సెక్షన్ ఆఫ్ ఆడియన్స్ కు కనెక్ట్ అయ్యే విధంగా సినిమా ఉంటుంది’ అన్నారు స్మరన్‌ రెడ్డి. ‘‘ఒక మంచి సినిమాలో నటించినందుకు ఆనందంగా ఉంది అన్నారు’’ అంజన్‌ రామచంద్ర.