రెండో విడతకు సన్నద్ధం

నేటి నుంచి నామినేషన్ల స్వీకరణ

రామాయంపేట(మెదక్‌): పంచాయతీ సమరంలో భాగంగా ఆదివారం నుంచి రెండో విడత నామినేషన్ల ప్రక్రియ ప్రారంభం కానుంది. ఈమేరకు తూప్రాన్‌, మనోహరాబాద్‌, చేగుంట, నార్సింగి, రామాయంపేట, నిజాంపేట, చిన్నశంకరంపేట, మెదక్‌ మండలాల్లో అధికారులు ఏర్పాట్లు చేశారు. రెండో విడతలో మొత్తం 149 పంచాయతీలు, 1,290 వార్డుల్లో నామినేషన్లు స్వీకరించనున్నారు. మండలాల పరి ధిలోని ఎంపీడీఓ కార్యాలయాల్లో ఉదయం పదిన్నర నుంచి సాయంత్రం ఐదున్నర గంటలవరకు నామినేషన్లు స్వీకరిస్తారు. 30 నుంచి డిసెంబర్‌ 2వ తేదీ ప్రక్రియ సాగనుంది. వచ్చిన నామినేషన్లను వచ్చేనెల 3న పరిశీలించి అ దేరోజు ప్రకటిస్తారు. నాలుగున అప్పీళ్లకు అవకాశం ఉంటుంది. ఆరున ఉపసంహరణ అనంతరం అభ్యర్థుల ఫైనల్‌ లిస్టు ప్రకటిస్తారు. నామినేషన్ల కోసం సర్పంచ్‌ అభ్యర్థులకు ఇతరులకు రూ. రెండు వేలు, బీసీ, ఎస్సీ, ఎస్టీలకు రూ. వెయ్యి, వార్డు సభ్యులు ఇతరులకు రూ. ఐదు వందలు, బీసీ, ఎస్సీ, ఎస్టీలకు రూ. 250 చెల్లించాలి. ఈమేరకు జిల్లా ఎన్నికల అధికారి, కలెక్టర్‌ రాహుల్‌రాజ్‌ నామినేషన్ల కోసం ఏర్పాటు చేసిన కేంద్రాలను పరిశీలించి అధికారులతో మాట్లాడారు. పకడ్బందీగా నామినేషన్ల ప్రక్రియ చేపట్టాలని ఆదేశించారు.

పల్లెపోరుపై నిఘా

నారాయణఖేడ్‌: జిల్లాలో ఎన్నికల నియమావళి ఉల్లంఘనలు జరగకుండా అధికారులు పకడ్బందీ చర్యలు చేపట్టారు. ఫ్లయింగ్‌ సర్వైలైన్స్‌ టీం (ఎఫ్‌ఎస్‌టీ), స్టాటిక్‌ సర్వైలైన్స్‌ (ఎస్‌ఎస్‌టీ) టీంలు తమ విధుల్లో నిమగ్నమయ్యాయి. ఈ బృందాలు నగదు రవాణా, మద్యం తరలింపు, ఓటర్లకు మద్యం, నగదు పంపిణీ వంటివి అడ్డుకోవడంతోపాటు ఓటర్లను ప్రలోభపెట్టకుండా చర్యలు తీసుకోనున్నారు.

50 వేల లోపే నగదు తరలింపు

ఎన్నికల సంఘం నిర్ణయించిన మేరకు రూ.50 వేల కంటే అధికంగా డబ్బును తరలించకూడదు, అలా తరలిస్తే అధికారులు డబ్బును సీజ్‌ చేస్తారు. ఒకవేళ రూ.50వేల కంటే అధికంగా నగదు తీసుకెళితే రశీదులు, సరైన ఆధా రాలు అధికారులకు చూపించాల్సి ఉంటుంది. పెద్ద మొత్తంలో చీరలు, మద్యం, ఇ తర ఒకే రకమైన వస్తువులు తీసుకెళ్లినా వాటి ఆధారాలు చూపించని పక్షంలో వాటిని సీజ్‌ చేస్తారు.

ఎఫ్‌ఎస్‌టీ, ఎస్‌ఎస్‌టీ తనిఖీలు

మండలానికి ఒకటి చొప్పున ఒక్కో బృందంలో ముగ్గురు చొప్పున అధికారులను నియమించారు. ఎన్నికల నియమావళికి సంబంధించిన ఫిర్యాదులపై వీరు స్పందిస్తారు. ఇతర జిల్లాలు, ఇతర రాష్ట్రాల నుంచి వచ్చే వాహనాలపై నిఘా పెట్టేందుకు స్టాటిక్‌ సర్వైలెన్స్‌ బృందాలను నియమించారు. ఈ బృందంలో డిప్యూటీ తహసీల్దార్‌ స్థాయి అధికారి, నగులు పోలీసులు, వీడియోగ్రాఫర్‌ ఉండి వాహనాల రాకపోకలపై నిఘా పెడతారు. జిల్లా సరిహద్దులోని కర్ణాటక, మహారాష్ట్ర సరిహద్దు ప్రాంతాల్లోని పోలీసు సిబ్బంది మరింత నిఘాతో వ్యవహరిస్తున్నారు. ఎస్‌హెచ్‌ఓలు తమ పరిధిలోగల సమస్యాత్మక పోలింగ్‌ కేంద్రాలను సందర్శించి సంబంధిత అధికారులతో మాట్లాడి అక్కడి పరిస్థితులను సమీక్షించాలని ఎస్పీ పరితోశ్‌ పంకజ్‌ సూచించారు. హిస్టరీ షీట్లు, గత ఎన్నికల్లో అల్లర్లు సృష్టించిన వారిని ప్రశాంత ఎన్నికల దృష్ట్యా ముందస్తు బైండోవర్లు చేయనున్నారు. కించపరిచే విధంగా సామాజిక మాధ్యమాల్లో అనుచిత వ్యాఖ్యలు చేసినా, ఫార్వర్డ్‌ మెసేజ్‌ చేసినా, ఇతరుల మనోభావాలు దెబ్బతీసే విధంగా వ్యవహరించినా ఎన్నికల ప్రవర్తనా నియమావళి ప్రకాచం చర్యలు తీసుకోనున్నారు. జిల్లాలో 1,450 సమస్యాత్మక పోలింగ్‌ కేంద్రాలుగా అధికారులు గుర్తించారు.

రెండో విడతకు సన్నద్ధం