పదవులు వేలం వేస్తే చర్యలు

కలెక్టర్‌ రాహుల్‌రాజ్‌

రామాయంపేట/నిజాంపేట(మెదక్‌): సర్పంచ్‌, వార్డు సభ్యుల పదవులను వేలం వేస్తే చట్టరీత్యా కఠిన చర్యలు తీసుకుంటామని జిల్లా ఎన్నికల అధికారి రాహుల్‌రాజ్‌ హెచ్చరించారు. శనివారం ఆయన రామాయంపేట, నిజాంపేట ఎంపీపీ కార్యాలయాల్లో నామినేషన్‌ ఏర్పాట్లను పర్యవేక్షించి మాట్లాడారు. పోటీలో ఉన్న అభ్యర్థులపై ఒత్తిడి తెచ్చి భయబ్రాంతులకు గురి చేయడం నేరమన్నారు. ఎన్నికలకు సంబంధించిన ఖర్చులు నూతన బ్యాంకు అకౌంట్లలోనే నమోదు చేయించాల్సి ఉంటుందన్నారు. రిజర్వేషన్ల పరిధిలో పోటీ చేసే అభ్యర్థులకు కులధ్రువ పత్రాలు త్వరగా ఇవ్వాలని ఆదేశాలు జారీ చేశామన్నారు. ఆయ న వెంట మెదక్‌ ఆర్డీఓ రమాదేవి, తహసీల్దార్‌ రజని, మండలాల ఎన్నికల అధికారులు సజీలుద్దీన్‌, వెంకట్‌ నర్సింహారెడ్డి ఉన్నారు.

ఓటర్లు.. ఇది మీకోసమే..

మెదక్‌ కలెక్టరేట్‌: గ్రామ పంచాయతీ ఎన్నికల్లో సమస్యలపై ప్రజలు నేరుగా ఫిర్యాదు చేసేందుకు కలెక్టరేట్‌లో కంట్రోల్‌ రూం ఏర్పాటు చే శారు. ఇందులో ఒక అధికారి 24 గంటలు అందుబాటులో ఉండి పర్యవేక్షిస్తుంటారు. ప్రజలు చేసే ఫిర్యాదులను స్వీకరించి సంబంధిత అధికారులకు చేరవేస్తారు. ప్రజలు 9391942254 నంబర్‌కు ఫిర్యాదు చేయాలన్నారు. అభ్యర్థులు ఓటర్లను మభ్యపెట్టడం, తాయిలాలు, డబ్బుల పంపిణీ తదితర వాటిపై కంట్రోల్‌రూంకు ఫిర్యాదు చేస్తే అధికారులు తక్షణం స్పందించి చర్యలు తీసుకుంటారు. ఫిర్యాదు చేసిన వారి వివరాలు గోప్యంగా ఉంచుతారు.

నాలుగు సర్పంచ్‌

స్థానాలు ఏకగ్రీవం

పెద్దశంకరంపేట(మెదక్‌): మండలంలోని నా లుగు గ్రామ పంచాయతీలు ఏకగ్రీవమయ్యాయి. మాడ్చెట్‌పల్లిలో గాజు కుమార్‌, సంగారెడ్డిపేట బాలమణి, ఇసుకపాయల తండా దేవసోత్‌ కవిత, గట్టుకిందితండా మనోవత్‌ రాజు నామినేషన్‌లు దాఖలు చేశారు. ఆయా గ్రామాల సర్పంచ్‌ స్థానాలకు ఒకే నామినేషన్‌ రావడంతో సర్పంచ్‌ స్థానాలు ఏకగ్రీవమయ్యాయి.

ప్రజావాణి తాత్కాలిక వాయిదా

మెదక్‌ కలెక్టరేట్‌: పంచాయతీ ఎన్నికలు ము గిసే వరకు ప్రజావాణిని తాత్కాలికంగా వా యిదా వేస్తున్నట్లు కలెక్టర్‌ రాహుల్‌రాజ్‌ శనివారం ఒక ప్రకటనలో పేర్కొన్నారు. హెల్ప్‌డె స్క్‌ ద్వారా మాత్రమే ఫిర్యాదులు స్వీకరించనున్నట్లు తెలిపారు. ఈ విషయాన్ని జిల్లా ప్రజలు గమనించి సహకరించాలని విజ్ఞప్తి చేశారు.

హెల్ప్‌డెస్క్‌ ద్వారా

సహకరించాలి

చిన్నశంకరంపేట(మెదక్‌): ప్రశాంత వాతావరణంలో గ్రామ పంచాయతీ ఎన్నికల నిర్వహణకు ఎన్నికల సిబ్బంది కృషి చేయాలని తూప్రాన్‌ ఆర్డీఓ జయచంద్రారెడ్డి అన్నారు. శనివారం నార్సింగి మండల పరిషత్‌ కార్యాలయంలో ఎన్నికల సిబ్బందిలో సమీక్ష నిర్వహించారు. ఈసందర్భంగా ఆయన మాట్లాడుతూ.. సర్పంచ్‌, వార్డు సభ్యులకు నామినేషన్‌ వేసేందుకు వచ్చే అభ్యర్థులకు ఎలాంటి సందేహం వచ్చిన హెల్ప్‌డెస్క్‌ ద్వారా వారికి సహకరించాలని సూచించారు. ఎన్నికల ప్రక్రియ సజావుగా సాగేలా సిబ్బంది కృషి చేయాలన్నా రు. కార్యక్రమంలో ఎంపీడీఓ ప్రీతిరెడ్డి, తహసీల్దార్‌ గ్రేసిభాయి పాల్గొన్నారు. అలాగే చిన్నశంకరంపేట మండల పరిషత్‌ కార్యాలయంలో నామినేషన్ల స్వీకరణ ఏర్పాట్లను మెదక్‌ ఆర్డీఓ రమాదేవి పరిశీలించారు.

పకడ్బందీగా ఎన్నికలు

పెద్దశంకరంపేట(మెదక్‌): జిల్లాలో పకడ్బందీ గా పంచాయతీ ఎన్నికల నిర్వహణ చేపడుతున్నట్లు జిల్లా వ్యయ పరిశీలకుడు జుల్ఫీ అన్నా రు. శనివారం పెద్దశంకరంపేటలో పంచాయతీ ఎన్నికల నామినేషన్‌ ప్రక్రియను పరిశీలించి మాట్లాడారు. అభ్యర్థులు తమ బ్యాంకు ఖాతా ల ద్వారా ఎన్నికల ఖర్చు చేసుకోవాలని సూచించారు. అభ్యర్థుల నామినేషన్ల పరిశీలన ఆదివారం పకడ్బందీగా చేపట్టాలని, ఎన్నికల నిర్వహణలో జాగ్రత్తలు చేపట్టాలన్నారు. మొ దటి విడత నామినేషన్ల ప్రక్రియ శనివారంతో ముగిసిందన్నారు. అభ్యర్థులు ఎన్నికల నియమావళిని తప్పకుండా పాటించాలని ఆదేశించారు. కార్యక్రమంలో తహసీల్దార్‌ శ్రీనివా స్‌, ఎంపీడీఓ షాకీర్‌అలీ, ఎస్‌ఐ ప్రవీణ్‌రెడ్డి, ఎంపీఓ క్రాంతికుమార్‌ పాల్గొన్నారు.