చారిత్రక మలుపు.. దీక్షా దివస్‌

బీఆర్‌ఎస్‌ జిల్లా అధ్యక్షురాలు పద్మారెడ్డి

మెదక్‌ మున్సిపాలిటీ: తెలంగాణ మలివిడత ఉద్యమంలో చారిత్రక ఘట్టం దీక్షా దివస్‌ అని బీఆర్‌ఎస్‌ జిల్లా అధ్యక్షురాలు పద్మారెడ్డి అన్నారు. శనివారం జిల్లా పార్టీ కార్యాలయంలో ఏర్పాటు చేసిన అమరుల స్థూపానికి నర్సాపూర్‌ ఎమ్మెల్యే సునీతారెడ్డి, మాజీ ఎమ్మెల్సీ శేరిసుభాష్‌రెడ్డి, మాజీ ఎమ్మెల్యే శశిధర్‌రెడ్డి, మున్సిపల్‌ మాజీ చైర్మన్‌ మల్లికార్జునగౌడ్‌, జిల్లా నాయకులతో కలిసి నివాళులర్పించారు. అనంతరం ఫొటో ఎగ్జిబిషన్‌ ప్రారంభించి నాయకులు కార్యకర్తలతో తిలకించారు. ఈసందర్భంగా ఆమె మాట్లాడుతూ.. రాష్ట్రం కోసం జరిగిన పోరాటంలో కేసీఆర్‌ చేసిన త్యాగం, కృషి ఏనాడూ మరువలేనిదన్నారు. శ్రీకేసీఆర్‌ సచ్చుడో.. తెలంగాణ వచ్చుడోశ్రీ అన్న ధృఢ సంకల్పంతో ఆయన చేపట్టిన ఆమరణ నిరాహార దీక్ష ప్రజా ఉద్యమానికి నూతన దిశను చూపిందని గుర్తుచేశారు. కేసీఆర్‌ సారథ్యంలో సబ్బండ వర్గాలన్నీ ఏకమై ఉద్యమాన్ని విజయవంతం చేయడానికి అండగా నిలిచాయన్నారు. కార్యక్రమంలో జిల్లాలోని వివిధ మండలాల పార్టీ అధ్యక్షులు, నాయకులు తదితరులు పాల్గొన్నారు.