ఎన్నికల్లో సమష్టిగా పనిచేయండి

కౌడిపల్లి(నర్సాపూర్‌): గ్రామాల్లో ఐకమత్యంతో ఉండి అధిక స్థానాలు గెలవాలని ఎమ్మెల్యే సునీతారెడ్డి అన్నారు. శనివారం కౌడిపల్లిలో మండల బీఆర్‌ఎస్‌ ముఖ్య నాయకులతో సర్పంచ్‌ ఎన్నికల సన్నాహాక సమావేశం నిర్వహించారు. ఈసందర్భంగా ఆమె మాట్లాడుతూ.. మాజీ సీఎం కేసీఆర్‌ హయాంలో జరిగిన అభివృద్ధిని ప్రజలకు వివరించాలన్నారు. కాంగ్రెస్‌ పార్టీ ఎన్నికల ముందు ఇచ్చిన హామీలను నెరవేర్చలేదన్నారు. ఎన్నికల్లో దొంగ హామీలు ఇచ్చి గద్దెనెక్కి ప్రజలను రైతులు, మహిళలు మోసం చేసిందన్నారు. కార్యక్రమంలో మండల పార్టీ అధ్యక్షుడు రామాగౌడ్‌, మాజీ ఎంపీపీ రాజు, నాయకులు చంద్రాగౌడ్‌ దుర్గారెడ్డి, నవీన్‌, అమర్‌సింగ్‌, కాంతారావు తదితరులు పాల్గొన్నారు.