గుర్తుంచుకోవడం కష్టమే!

సర్పంచ్‌ బ్యాలెట్‌ గుర్తులు

అచ్చంపేట/జెడ్పీసెంటర్‌(మహబూబ్‌నగర్‌): గ్రామ పంచాయతీ ఎన్నికల బరిలో నిలిచిన అభ్యర్థులకు గుర్తుల గుబులు పట్టుకుంది. సర్పంచ్‌, వార్డు సభ్యుల స్థానాలకు పోటీ చేస్తున్న అభ్యర్థులకు ఎన్నికల అధికారులు కేటాయిస్తున్న గుర్తులు ఒకే పోలికతో ఉండటంతో సర్వత్రా ఆందోళన నెలకొంది. ముఖ్యంగా గ్రామీణ ప్రాంతాల్లో నిరక్షరాస్యులు, వృద్ధులు ఆ గుర్తులను గుర్తించుకోవడం కష్టంగా మారిందనే అభిప్రాయాలు వ్యక్తమవుతున్నాయి. తండాలు, చిన్న గ్రామ పంచాయతీల్లో ఎక్కువ శాతం నిరక్షరాస్యులు ఓటర్లు ఉంటారు. ఈ ఎన్నికల్లో బ్యాలెట్‌ పత్రాలపై అభ్యర్థుల పేర్లు, ఫొటోలు ఉండవు. కేవలం గుర్తు మాత్రమే ముద్రిస్తారు. అసలే పరిమితి ఓట్లు కావడంతో ప్రతి ఓటు కీలకం కానుంది. ఈ క్రమంలో ఓట్లు తారుమారైతే.. అభ్యర్థుల భవితవ్యం ప్రమాదంలో పడుతుందనే భయం అందరినీ వెంటాడుతోంది.

పోలికలున్న గుర్తులెన్నో..

గ్రామీణులకు సులువుగా అర్థమయ్యే గుర్తులేన్నో ఉంటాయి. క్లిష్టమైనవి కేటాయిస్తున్నారని పోటీ చేసే అభ్యర్థులు ఆవేదన చెందుతున్నారు. ఒకే పోలికతో పలు గుర్తులు ఓటర్లను తికమక చేసే అవకాశముందనే అభిప్రాయాలు వ్యక్తమవుతున్నాయి. ఈసారి ఎన్నికల్లో సర్పంచ్‌గా పోటీ చేసే అభ్యర్థుల్లో మొదటిస్థానంలో ఉంగరం, రెండోస్థానంలో కత్తెర ఉన్నాయి. అవీ చూడగానే సులువుగా అర్థమవుతోంది. మూడో స్థానం బ్యాట్‌, ఆరో స్థానంలో టీవీ రిమోట్‌, ఏడో స్థానంలో టూత్‌ పేస్ట్‌, ఎనిమిదో స్థానంలో సాసర్‌ ఉన్నాయి. ఆ గుర్తు కేటాయించిన వారికి మాత్రం ఇబ్బందిగానే ఉంటుంది. ఇందులో పలక, బ్లాక్‌బోర్డు, బిస్కెట్‌, మంచం వంటి గుర్తులు ఒకేలా ఉండడంతో ఓటరు ఇబ్బందులు పడే అవకాశముంది. దువ్వెన, ఆరటిపండు గుర్తులు కూడా ఒకేలా ఉన్నాయి. గ్యాస్‌స్టౌ, సిలిండరు వేరువేరుగా ఇవ్వడం ఇబ్బందిగానే ఉంటుంది. ఇలాంటి గుర్తులతో అభ్యర్థులు ఆందోళనకు గురవుతున్నారు. గ్రామీణ ప్రాంతాల్లో గుర్తులు కొన్నింటిని ఎవరూ గుర్తుపట్టలేకపోతారని పేర్కొంటున్నారు. పోర్క్‌, చెంచా ఒకేలా ఉండటం, నెక్‌టై వంటి వస్తువులు కొత్తగా కనిపించడంతో గుర్తపట్టడం ఇబ్బందిగా మారిందనే ప్రచారం సాగుతోంది. పరిమితి ఓట్లతో సాగే పంచాయతీ ఎన్నికల్లో గుర్తలు ఓటర్లు గుర్తించుకునేలా చెప్పడం అభ్యర్థులకు కష్టంగా మారిందనే చర్చ సాగుతోంది.

ఉంగరం, కత్తెర, ఫుట్‌బాల్‌, లేడీ పర్స్‌, టీవీ రిమోట్‌, టూత్‌పేస్ట్‌, బ్యాట్‌, బ్యాట్స్‌మెన్‌, స్టంప్స్‌, పాన, చెత్తడబ్బా, బ్లాక్‌బోర్డు, బెండకాయ, కొబ్బరి తోట, డైమండ్‌, బకెట్‌, డోర్‌ హ్యాండిల్‌, చాయ్‌ జాలీ, చేతికర్ర, మంచం, పలక, టేబుల్‌, బ్యాటరీ లైట్‌, బ్రష్‌, పడవ, బిస్కెట్‌, వేణువు, చైన్‌, చెప్పులు, గాలిబుడగ వంటి గుర్తులు ఉంటాయి.

గుబులు పుట్టిస్తున్న గుర్తులు

గ్రామీణులకు అంతుపట్టని సింబల్స్‌

ఒకేమాదిరిగా ఉండటంతో అయోమయం

టీవీ రిమోట్‌.. టూత్‌పేస్ట్‌.. సాసర్‌ ఒకే పోలిక

సర్పంచ్‌, వార్డు సభ్యులకు పెద్దచిక్కు

బ్యాలెట్‌ పత్రాలపై పేర్లు, ఫొటోలు ముద్రించడం లేదు

అవగాహన ఉంటేనే అభ్యర్థులకు మేలు

గుర్తుంచుకోవడం కష్టమే!

గుర్తుంచుకోవడం కష్టమే!