అతిపెద్ద శివలింగం

33 అడుగుల ఎత్తు, 210 టన్నుల బరువున్న అతిపెద్ద ఏకశిల శివలింగం 96 చక్రాలున్న భారీ వాహనంపై తరలిస్తుండగా.. శనివారం ఎర్రవల్లి కూడలి వద్ద 44వ జాతీయ రహదారిపై కనిపించింది. ఈ నెల 21న తమిళనాడులోని మహాబలిపురం నుంచి బయలుదేరిందని.. బిహార్‌లోని తూర్పు చంపారన్‌లో నిర్మిస్తున్న విరాట్‌ రామాయణ్‌ ఆలయానికి తరలిస్తున్నట్లు వాహనదారులు తెలిపారు. వందల మంది శిల్పులు పదేళ్లపాటు శ్రమించి తయారు చేసినట్లు వివరించారు. సుమారు 2,300 కిలోమీటర్ల దూరం భారీ వాహనంపై తరలిస్తుండగా.. హిందూ బంధువులు శివలింగాన్ని దర్శించుకొని పూలమాలలు వేసి కొబ్బరికాయలు కొట్టారు. కొందరు యువకులు తమ సెల్‌ఫోన్లలో ఫొటోలు తీసుకోవడం కనిపించింది. – ఎర్రవల్లి