సామగ్రి సక్రమంగా చేరేలా చర్యలు తీసుకోండి

మహబూబ్‌నగర్‌ రూరల్‌: స్థానిక సంస్థల ఎన్నికల కోసం పోలింగ్‌ మెటీరియల్‌ అన్ని గ్రామపంచాయతీలకు సక్రమంగా చేరేందుకు చర్యలు తీసుకోవాలని రెవెన్యూ అదనపు కలెక్టర్‌ మధుసూదన్‌నాయక్‌ ఆదేశించారు. గ్రామపంచాయతీ ఎన్నికల్లో భాగంగా మండల పరిధిలోని అల్లీపూర్‌ గ్రామపంచాయతీ కార్యాలయాన్ని ఎంపీడీఓ కరుణశ్రీతో కలిసి నామినేషన్ల ప్రక్రియను పరిశీలించారు. అక్కడ ఉన్న సిబ్బందికి తగు సూచనలు ఇచ్చారు.

ఐదు జిల్లాలకు ఇన్‌చార్జీల నియామకం

పాలమూరు: బీజేపీ రాష్ట్ర అధినాయకత్వం రాష్ట్రంలో అన్ని జిల్లాలకు కొత్తగా ఇన్‌చార్జీలను నియమిస్తూ శనివారం జాబితా విడుదల చేసింది. బీజేపీ రాష్ట్ర నాయకత్వం ఆదేశాల మేరకు మహబూబ్‌నగర్‌ జిల్లాకు రంజిత్‌ మోహన్‌, వనపర్తికి బొక్క బాల్‌రెడ్డి, నాగర్‌కర్నూల్‌కు కేవీఎల్‌ఎన్‌ రెడ్డి (రాజు), గద్వాలకు బాపురెడ్డి, నారాయణపేటకు బండ కార్తీకరెడ్డిలను నియమించారు. ఉమ్మడి జిల్లాకు చెందిన పలువురు బీజేపీ నేతలను సైతం ఇతర జిల్లాలకు ఇన్‌చార్జి బాధ్యతలు అప్పగించారు. బి.శాంతికుమార్‌కు కరీంనగర్‌, పడకుల శ్రీనివాస్‌కు సంగారెడ్డి, సుధాకర్‌రావుకు వికారాబాద్‌కు, కట్టా సుధాకర్‌రెడ్డికు జనగాం జిల్లాల ఇన్‌చార్జి బాధ్యతలు అప్పగించారు.

12,651 క్వింటాళ్ల దిగుబడుల రాక

జడ్చర్ల/దేవరకద్ర: బాదేపల్లి వ్యవసాయ మార్కెట్‌ యార్డుకు శనివారం వివిధ ప్రాంతాల నుంచి దాదాపు 12,651 క్వింటాళ్ల పంట దిగుబడులు విక్రయానికి వచ్చాయి. 11,451 క్వింటాళ్ల ధాన్యం రాగా ఆర్‌ఎన్‌ఆర్‌ క్వింటాల్‌ గరిష్టంగా రూ.2,809, కనిష్టంగా రూ.1,637 ధరలు లభించాయి. హంస రకానికి గరిష్టంగా రూ.1,869, కనిష్టంగా రూ.1,637, సోనామసూరి రూ.1,901, మొక్కజొన్న 882 క్వింటాళ్ల యార్డుకు రాగా.. గరిష్టంగా రూ.1,867, కనిష్టంగా రూ.1,669, పత్తి 316 క్వింటాళ్లు రాగ గరిష్టంగా రూ.6561,కనిష్టంగా రూ.5211 ధరలు పలికాయి. దేవరకద్ర మార్కెట్‌లో ఆర్‌ఎన్‌ఆర్‌ ధాన్యం క్వింటాల్‌కు గరిష్టంగా రూ.2,644, కనిష్టంగా రూ.2109గా, సోనామసూరి ధాన్యం గరిష్టంగా రూ.2,301, కనిష్టంగా రూ.2,089, హంస గరిష్టంగా రూ.1,940, కనిష్టంగా రూ.1,909గా ధరలు నమోదయ్యాయి. మార్కెట్‌కు దాదాపు 4 వేల బస్తాల ధాన్యం అమ్మకానికి వచ్చింది.

సీఎం పర్యటనకు

పటిష్ట ఏర్పాట్లు

మక్తల్‌: పట్టణ కేంద్రంలో డిసెంబర్‌ 1న ముఖ్యమంత్రి రేవంత్‌రెడ్డి పర్యటన నేపథ్యంలో పటిష్ట బందోబస్తు ఏర్పాట్లు చేస్తున్నామని రాష్ట్ర పశుసంవర్ధక, మత్స్యసహకార, క్రీడల యువజన పాడిపరిశ్రమల శాఖ మంత్రి వాకిటి శ్రీహరి తెలిపారు. స్థానిక బీసీ వెల్ఫేర్‌ రెసిడెన్షియల్‌ పాఠశాల సమీపంలో సీఎం సభా వేదిక, హెలిప్యాడ్‌, పార్కింగ్‌ తదితర ప్రాంతాలను శనివారం వారు పరిశీలించారు. మున్సిపల్‌, ఇతర శాఖ అధికారులు సమన్వయంతో పనిచేసి ట్రాఫిక్‌, అత్యవసర సేవలు, ఫైర్‌ సేఫ్టీ లాంటివి అందుబాటులో ఉంచుకోవాలని ఆదేశించారు. సభా వేదిక సమీపంలో భారీకేడ్లు ఉంచి, సీఎం మీటింగ్‌కు అవాంతరాలు లేకుండా చూడాలని సూచించారు. కార్యక్రమంలో డీఎస్పీ లింగయ్య, సీఐ రాంలాల్‌, కమిషనర్‌ శ్రీరామ్‌, ఎస్‌ఐ భాగ్యలక్ష్మీరెడ్డి తదితరులు ఉన్నారు.

తెలంగాణ నరదిష్టి అంటే సహించం

● ఏపీ డిప్యూటీ సీఎం పవన్‌ వ్యాఖ్యలపై జడ్చర్ల ఎమ్మెల్యే అనిరుధ్‌రెడ్డి ధ్వజం

● ఒంటరిగా ఓడి.. పొత్తుతో గెలిచావ్‌

● మెగాస్టార్‌ చిరంజీవి తమ్ముడిగానే నీకు స్థానం

● తెలంగాణ నరదిష్టి వ్యాఖ్యలపై క్షమాపణ చెప్పాలి

– వివరాలు 8లో..

సామగ్రి సక్రమంగా చేరేలా చర్యలు తీసుకోండి