నేటి నుంచి ‘రెండో’ విడత

● 6 మండలాల్లో 151 గ్రామ పంచాయతీలకు నామినేషన్ల స్వీకరణ

● డిసెంబర్‌ 2 వరకు చివరి గడువు

జెడ్పీసెంటర్‌(మహబూబ్‌నగర్‌): గ్రామ పంచాయతీ ఎన్నికల్లో భాగంగా ఆదివారం రెండో విడత నోటిషికేషన్‌ విడుదల కానుంది. హన్వాడ, చిన్నచింతకుంట, దేవరకద్ర, కోయిల్‌కొండ, కౌకుంట్ల, మిడ్జిల్‌ మండలాలకు సంబంధించి 151 గ్రామ పంచాయతీలకు, 1,334 వార్డులకు ఎన్నికలు జరనున్నాయి. ఆరు మండలాల పరిధిలో 44 క్లస్టర్లలో నామినేషన్లు స్వీకరించనున్నారు. ఇందుకోసం స్జేజి–1 ఆర్‌ఓలు 50 మంది, స్జేజి–1ఏఆర్‌ఓలు 49, స్జేజి–2 ఆర్‌ఓలు 165 మంది సిబ్బందిని నియమించారు. ఆదివారం నుంచి డిసెంబర్‌ 2వ తేదీ వరకు నామినేషన్లు స్వీకరించనున్నారు.

సమర్థవంతంగా నిర్వహించాలి: కలెక్టర్‌

రెండో విడుత గ్రామపంచాయతీ ఎన్నికల నామినేషన్‌ ప్రక్రియను సమర్థవంతంగా నిర్వహించాలని జిల్లా ఎన్నికల అధికారి, కలెక్టర్‌ విజయేందిర అన్నారు. శనివారం కలెక్టరేట్‌లోనీ వీసీ హాల్‌ నుంచి స్టేజ్‌–1 రిటర్నింగ్‌ అధికారుల (ఆర్‌ఓ)కు వెబెక్స్‌ శిక్షణ నిర్వహించారు. నామినేషన్‌ స్వీకరణ సమయంలో ఎన్నికల మార్గదర్శకాలు, పారదర్శకత, నిజాయితీ అత్యంత ప్రాధాన్యత గల అంశాలని, ప్రతి ఒక్కరూ కచ్చితంగా పాటించాలని ఆదేశించారు. ఈ సందర్భంగా జిల్లా ఉన్నతాధికారులు, మాస్టర్‌ ట్రైనర్లు ఆర్‌ఓలకు నామినేషన్‌ స్వీకరణ, పరిశీలన, పత్రాల ధ్రువీకరణ వంటి విధానాలను వివరించారు. కార్యక్రమంలో జెడ్పీ సీఈఓ వెంకట్‌రెడ్డి, డ్రెయినీ డీపీఓ నిఖిలశ్రీ, డీఈఓ ప్రవీణ్‌కుమార్‌, మాస్టర్‌ ట్రైనర్లు బాలు యాదవ్‌ బైకాని, శ్రీకాంత్‌, శ్రీనివాస్‌గౌడ్‌, సాయిబాబా, పాండు రంగ పాల్గొన్నారు.

పీఓ, ఓపీఓలను నియమించాలి

జెడ్పీసెంటర్‌(మహబూబ్‌నగర్‌): గ్రామ పంచాయతీ ఎన్నికల నిర్వహణకు సంబంధించి పీఓ, ఓపీఓల నియామక ఉత్తర్వులు అధికారులు వారికి అందజేసి అక్‌నాలెడ్జ్‌మెంట్‌ తీసుకోవాలని కలెక్టర్‌ విజయేందిర ఆదేశించారు. శనివారం కలెక్టరేట్‌లో పీఓ, ఓపీఓ మొదటి ర్యాండమైజేషన్‌ పూర్తి చేశారు. ఈ ప్రక్రియను కలెక్టర్‌ పరిశీలించారు. మొదటి ర్యాండమైజేషన్‌ ద్వారా పీఓ, ఓపీఓ నియామక ఉత్తర్వులు జెనరేట్‌ చేశారు. పోస్టల్‌ బ్యాలెట్‌ దరఖాస్తు ఫారం–14 జతచేసి అందజేయాలని, ఫారం–14 పూరించిన వాటిని డీపీఓ కార్యాలయంలో అందజేయాలని సూచించారు. రెవెన్యూ అదనపు కలెక్టర్‌ మధుసూదన్‌ నాయక్‌, జెడ్పీ సీఈఓ వెంకట్‌రెడ్డి, ట్రైనీ డీపీఓ నిఖిల, ఆర్‌డీఓ నవీన్‌ ఉన్నారు.