సీపీఆర్‌పై అవగాహన అవసరం

పాలమూరు: గుండెపోటు లక్షణాలతో మనిషి ఆకస్మాత్తుగా ఇబ్బందుల్లో ఉన్నప్పుడు సీపీఆర్‌ చేసే విషయంలో అందరికీ అవగహన ఉండాలని జిల్లా కోర్టు ప్రధాన న్యాయమూర్తి కల్యాణ్‌ చక్రవర్తి అన్నా రు. జిల్లా జనరల్‌ ఆస్పత్రి సహకారంతో శనివారం జిల్లా కోర్టు ఆవరణలో సీపీఆర్‌ విధానంపై అవగాహన సదస్సు నిర్వహించారు. గుండెపోటు వచ్చిన వ్యక్తులను గమనించిన వెంటనే ప్రాథమిక చికిత్సలో భాగంగా సీపీఆర్‌ చేయడంతోపాటు గాలివెలుతురు తగిలే ప్రదేశంలో ఉంచాలన్నారు. అనంతరం ఆస్పత్రి సూపరింటెండెంట్‌ రంగా ఆజ్మీరా మాట్లాడుతూ.. ఇటీవల కాలంలో 27ఏళ్ల యువకుల దగ్గరి నుంచి 80ఏళ్ల వృద్ధుల వరకు గుండెపోటు వస్తుందని, మారుతున్న జీవణశైలి ఆహార అలవాట్ల వల్ల ఈ సంఖ్య పెరుగుతుందన్నారు. ప్రతిఒక్కరూ ఉదయం నడకతోపాటు సరైన ఆహారంతోపాటు మద్యం, సిగరేట్‌, కూల్‌డ్రింక్స్‌, ఫాస్ట్‌ఫుడ్‌ వంటి ఆహారానికి దూరంగా ఉండాలన్నారు. అనంతరం ప్రత్యేక వైద్యులు సీపీఆర్‌ విధానంపై అవగాహన కల్పించారు. కార్యక్రమంలో బార్‌ అసోసియేషన్‌ అధ్యక్షుడు అనంతరెడ్డి, వైద్యులు మాధవి, ప్రేరణ, మహేశ్వర్‌రెడ్డి పాల్గొన్నారు.

● డిసెంబర్‌ 13న నిర్వహించాల్సిన జాతీయ లోక్‌ అదాలత్‌ స్థానిక ఎన్నికల కోడ్‌ కారణంగా డిసెంబర్‌ 21కి వాయిదా వేసినట్లు న్యాయమూర్తి కల్యాణ్‌ చక్రవర్తి ఒక ప్రకటనలో తెలిపారు. రాష్ట్ర న్యాయసేవాధికార సంస్థ ఆదేశాల మేరకు డిసెంబర్‌ 21న నిర్వహించే జాతీయ లోక్‌ అదాలత్‌లో కక్ష్యిదారులు వారి కేసులు పరిష్కారించుకోవాలని సూచించారు.