కలెక్టరేట్‌లో కంట్రోల్‌ రూం ఏర్పాటు

మహబూబాబాద్‌: ఓటర్ల సందేహల నివృత్తి, ఇతర సమాచారం కోసం కంట్రోల్‌ రూం ఏర్పా టు చేసినట్లు అదనపు కలెక్టర్‌ అనిల్‌కుమార్‌ తెలిపారు. గ్రామపంచాయతీ ఎన్నికల నేపథ్యంలో కలెక్టరేట్‌లో ఏర్పాటు చేసిన మీడియా సెంటర్‌, కంట్రోల్‌ రూం, హెల్ప్‌ లైన్‌ సెంటర్లను శనివారం ఆయన ప్రారంభించి మా ట్లాడారు. కంట్రోల్‌ రూం సేవలు 24 గంటలు అందుబాటులో ఉంటాయన్నారు. ఫిర్యాదులు వచ్చిన వెంటనే స్పందించాలని సిబ్బందికి సూచించారు. ఫిర్యాదుల కోసం ప్రజలు 91008 17108 కు ఫోన్‌ చేయాలని తెలిపారు. డీసీఓ వెంకటేశ్వర్లు, డీపీఓ హరిప్రసాద్‌, డీపీఆర్వో రాజేంద్ర ప్రసాద్‌ పాల్గొన్నారు.

నాణ్యమైన విత్తనాలు విక్రయించాలి

రైతులకు నాణ్యమైన విత్తనాలు విక్రయించాల ని అదనపు కలెక్టర్‌ అనిల్‌కుమార్‌ అన్నారు. విత్తన ముసాయిదా చట్టం 2025పై వ్యవసా య శాఖ ఆధ్వర్యంలో కలెక్టరేట్‌లో శనివారం అవగాహన కార్యక్రమం నిర్వహించారు. ఈ సందర్భంగా అనిల్‌కుమార్‌ మాట్లాడుతూ.. న కిలీ నాసిరకం విత్తనాల విక్రయాలను అరికట్టే చర్యలు తీసుకోవాలన్నారు. చట్టంపై డీలర్లు, రైతులకు అవగాహన కల్పించాలన్నారు. కార్యక్రమంలో డీఏఓ విజయనిర్మల, సంబంధిత అధికారులు పాల్గొన్నారు.

ప్రైవేట్‌ వాహనాలన్నీ తనిఖీ చేయాలి

గూడూరు: ఎన్నికల నిబంధనల ప్రకారం అనుమానం ఉన్న ప్రతీ వాహనంతోపాటు ప్రైవేట్‌ వాహనాలన్ని తనిఖీ చేయాలని ఎస్పీ శబరీష్‌ అన్నారు. భూపతిపేట వద్ద ఎన్‌హెచ్‌ పక్కన ఏర్పాటు చేసిన పోలీసు చెక్‌పోస్టును శనివారం ఆయన అకస్మికంగా తనిఖీ చేశారు. అక్కడ పనిచేసే సిబ్బందిని సమాచారం అడిగి తెలుసుకున్నారు. ఎలాంటి వాహనంలో అయినా డబ్బులు నిబంధనలకు మించి ఉంటే స్వాధీనం చేసుకోవాలని సూచించారు.

బీజేపీ జిల్లా ఇన్‌చార్జ్‌ల నియామకం

హన్మకొండ: భారతీయ జనతా పార్టీ జిల్లాల వారీగా ఇన్‌చార్జ్‌లను నియమించింది. బీజేపీ రాష్ట్ర అధ్యక్షుడు రాంచంద్రరావు ఇంచార్జ్‌ల పేర్లను శనివారం ప్రకటించారు. హనుమకొండ జిల్లాకు డాక్టర్‌ బూర నర్సయ్య గౌడ్‌ (భువనగిరి)ను ఇన్‌చార్జ్‌గా నియమించారు. వరంగల్‌కు కొండపల్లి శ్రీధర్‌ రెడ్డి (ఖమ్మం), జయశంకర్‌ భూపాలపల్లికి దశమంత రెడ్డి (జనగామ), మహబూబాబాద్‌కు డాక్టర్‌ జరుపులావత్‌ గోపి (నల్లగొండ), ములుగు జిల్లాకు డాక్టర్‌ కోరండ్ల నరేష్‌ (రంగారెడ్డి), జనగామ జిల్లాకు కట్ట సుధాకర్‌ రెడ్డి (నాగర్‌ కర్నూల్‌)ను ఇన్‌చార్జ్‌గా నియమించారు.

ఎన్నికలకు ముందే ఏకగ్రీవం

కేసముద్రం: ఇనుగుర్తి మండలం పాతతండా జీపీలో సర్పంచ్‌ స్థానానికి ఇస్లావత్‌ నరేష్‌ అనే అభ్యర్థితోపాటు, 8 వార్డు స్థానాలకు ఒక్కొక్కరి చొప్పున శనివారం తమ నామినేషన్లు దాఖలు చేశారు. నామినేషన్‌ ప్రక్రియ ముగిసే సమయానికి ఒక్కో స్థానానికి ఒక్కరు మాత్రమే నామినేషన్‌ దాఖలు చేయగా, జీపీ ఎన్నిక ఏకగ్రీవం కానుంది. ఇదిలా ఉండగా పార్టీలకు అతీతంగా గ్రామాభివృద్ధిలో భాగంగా పాతతండా జీపీ సర్పంచ్‌గా ఇస్లావత్‌ నరేష్‌, 8 వార్డు మెంబర్లను ఏకగ్రీవంగా ఎన్నిక చేస్తూ తీర్మానించినట్లు సమాచారం. ఈమేరకు ఉపసర్పంచ్‌గా నరేష్‌ అనే వ్యక్తి ఎన్నుకున్నట్లు తెలిసింది.

నారాయణపురం సర్పంచ్‌ ఏకగ్రీవం

కేసముద్రం మండలంలోని నారాయణపురం సర్పంచ్‌ స్థానానికి దారావత్‌ యమున అనే అభ్యర్థి మాత్రమే శనివారం నామినేషన్‌ దాఖ లు చేశారు. దీంతో ఆమె సర్పంచ్‌గా ఎన్నిక కానుంది. ఇక 8 వార్డు స్థానాలకు, 13 మంది అభ్యర్థులు నామినేషన్లు వేసినట్లు అధికారులు తెలిపారు. ఇందులో 4 వార్డులకు ఒక్కొక్కరు మాత్రమే నామినేషన్‌ వేశారు. ఇదిలా ఉండగా పార్టీలకు అతీతంగా సర్పంచ్‌, ఉపసర్పంచ్‌ స్థానాలను, 4 వార్డు స్థానాలను ఏకగ్రీవంగా ఎన్నిక చేస్తూ తీర్మానించినట్లు సమాచారం.