TV
బీఆర్‌ఎస్‌ హయాంలోనే రాష్ట్రం అభివృద్ధి
మహబూబాబాద్‌: మాజీ సీఎం కేసీఆర్‌ పాలనలో తెలంగాణ అన్ని రంగాల్లో అభివృద్ధితో దేశంలోనే నంబర్‌ వన్‌గా ఎదిగిందని.. సీఎం రేవంత్‌రెడ్డి పాలనలో 25 సంవత్సరాలు వెనక్కి వెళ్లిందని ఎమ్మెల్సీ తక్కెళ్లపల్లి రవీందర్‌రావు అన్నారు. బీఆర్‌ఎస్‌ పార్టీ ఆధ్వర్యంలో శనివారం జిల్లా కేంద్రంలోని పార్టీ కా ర్యాలయంలో దీక్షా దివస్‌ కార్యక్రమం నిర్వహించా రు. ఈసందర్భంగా తెలంగాణ తల్లి విగ్రహా నికి పూ లమాల వేసి మాజీ సీఎం కేసీఆర్‌ ఫ్లెక్సీకి పాలాభిషేకం చేశారు. అనంతరం పార్టీ జిల్లా అధ్యక్షురాలు మాలోతు కవిత అధ్యక్షన నిర్వహించిన సమావేశంలో ఎమ్మెల్సీ రవీందర్‌రావు ముఖ్య అతిథిగా మా ట్లాడారు. పదేళ్ల కేసీఆర్‌ పాలనలో రాష్ట్రంలో 50 సంవత్సరాల అభివృద్ధి జరిగిందన్నారు. కొన్ని మార్పులు చేసి ఉంటే గత ఎన్నికల్లో బీఆర్‌ఎస్‌ గెలిచేదని అభిప్రాయపడ్డారు. కాంగ్రెస్‌ ప్రభుత్వం ఆరు గ్యా రంటీలు అమలు చేయాలన్నారు. స్థానిక ఎన్నికల్లో ప్రజలు ప్రభుత్వానికి బుద్దిచెబుతారన్నారు. మాజీ మంత్రి సత్యవతి రాథోడ్‌ మాట్లాడుతూ.. సీఎం రేవంత్‌రెడ్డికి పీసీసీ అధ్యక్షుడు మహేశ్‌కుమార్‌ గౌడ్‌ కు మాజీ సీఎం కేసీఆర్‌ను విమర్శించే నైతిక హక్కు లేదన్నారు. మాజీ సీఎం కేసీఆర్‌ దీక్ష దేశ రాజకీయాలను మలుపు తిప్పిందన్నారు. మాజీ ఎంపీ, పార్టీ జిల్లా అధ్యక్షురాలు మాలోతు కవిత మాట్లాడుతూ.. ఉద్యమకారులకిచ్చిన హామీలు అమలు చేయాల న్నారు. మాజీ ఎమ్మెల్యే డీఎస్‌ రెడ్యానాయక్‌ మాట్లాడుతూ.. బీసీలకు రిజర్వేషన్ల పరంగా సీఎం రేవంత్‌రెడ్డి అన్యాయం చేశారన్నారు. మాజీ ఎమ్మెల్యే బానోత్‌ శంకర్‌నాయక్‌ మాట్లాడుతూ.. తండాలను గ్రామపంచాయతీగా చేసిన ఘనత కేసీఆర్‌దే అన్నా రు. కార్యక్రమంలో జెడ్పీ మాజీ చైర్‌పర్సన్‌ ఆంగోత్‌ బిందు, మున్సిపల్‌ మాజీ చైర్మన్‌ పాల్వాయి రామ్మోహన్‌రెడ్డి, నాయకులు మార్నెని వెంకన్న, ఫరీద్‌, మహేందర్‌రెడ్డి, రవికుమార్‌, యాకుబ్‌రెడ్డి, కన్నా, రఘు, సైదులు, నీలేష్‌రామ్‌, ఖాజా పాల్గొన్నారు.
దీక్షా దివస్‌లో ఎమ్మెల్సీ తక్కెళ్లపల్లి రవీందర్‌రావు
