ఘనంగా జ్యోతిబా పూలే దినోత్సవం

Nov 30 2025 8:06 AM | Updated on Nov 30 2025 8:06 AM

హొసపేటె: ప్రభుత్వ బాలికల పీయూ కళాశాలలో ఏఐడీఎస్‌ఓ ఆధ్వర్యంలో జ్యోతిబా పూలే దినోత్సవం నిర్వహించారు. కార్యక్రమంలో ఏఐడీఎస్‌ఓ విద్యార్థి సంఘం సభ్యురాలు ఉమా మాట్లాడుతూ జ్యోతిబాపూలే తండ్రి గోవిందరావుపై అనైతికత, అవినీతిని సమర్థించే వారి వేధింపులు, ఒత్తిళ్లు రోజురోజుకు పెరగడంతో ఆ ఒత్తిడికి లొంగి గోవిందరావు పాఠశాలను మూసివేయకపోతే మీకు ఇంట్లో స్థలం ఉండదని కఠినంగా వ్యవహరించారు. అప్పుడు జ్యోతిబా పూలే తన తల్లి సావిత్రిబాయితో కలిసి తన తండ్రి ఇంటిని విడిచిపెట్టి వెనుకబడిన తరగతులు, మహిళల విద్య కోసం ఒక ఇల్లు ఏర్పాటు చేసి ఉచితంగా పేద విద్యార్థులకు విద్యను అందించారన్నారు. ఈ సందర్భంగా ఉపాధ్యాయులు, విద్యార్థులు పాల్గొన్నారు.

విధి నిర్వహణలో

క్రమశిక్షణ అవసరం

రాయచూరు రూరల్‌ : నగర పాలికెలో విధి నిర్వహణలో అధికారులు, ఉద్యోగులకు క్రమశిక్షణ అవసరమని నగరసభ కమిషనర్‌ జుబిన్‌ మహాపాత్రో పేర్కొన్నారు. శనివారం నగరసభ కార్యాలయంలో రెవిన్యూ అధికారులు, బిల్‌ కలెక్టర్లు, ఇతర అధికారులు, ఉద్యోగుల హాజరును పరిశీలించారు. ఆలస్యంగా విధులకు హాజరైన కొంత మందిని మందలించారు. మరి కొంత మంది గైర్హాజరుపై మండిపడ్డారు.

బీసీఎం అధికారిపై వేటుకు వినతి

రాయచూరు రూరల్‌: వెనుక బడిన వర్గాల సంక్షేమాధికారి(బీసీఎం) కార్యాలయంలో విధులు నిర్వహిస్తున్న అధికారి ఏకాంతయ్యను సస్పెండ్‌ చేయాలని దళిత సంఘర్ష సమితి డిమాండ్‌ చేసింది. శనివారం జిల్లాధికారి కార్యాలయం వద్ద చేపట్టిన ఆందోళనలో అధ్యక్షుడు మారుతి మాట్లాడారు. గత 22 ఏళ్ల నుంచి విధులు నిర్వహిస్తూ అధిక మొత్తంలో ఆస్తులు సంపాదించారని, గూగల్‌ పే, ఫోన్‌పేల ద్వారా పని చేయడానికి లంచం తీసుకున్నట్లు ఆరోపణలు వినిపించాయి. ఈనేపథ్యంలో ఆ అధికారిని విధుల నుంచి సస్పెండ్‌ చేయాలని కోరుతూ అదనపు జిల్లాధికారి శివానందకు వినతిపత్రం సమర్పించారు.

కార్యాలయం తరలింపు తగదు

రాయచూరు రూరల్‌: రాయచూరు జిల్లా లింగసూగూరు తాలూకా వ్యవసాయ శాఖ కార్యాలయాన్ని సింధనూరుకు తరలించడం తగదని లింగసూగూరు తాలూకా అభివృద్ధి పోరాట సమితి పేర్కొంది. శనివారం తాలూకా వ్యవసాయ శాఖ కార్యాలయం వద్ద చేపట్టిన ఆందోళనలో పదాధికారి అమరేష్‌ మాట్లాడారు. తాలూకా వ్యవసాయ శాఖ అసిస్టెంట్‌ అధికారి కార్యాలయాన్ని ఎలాంటి అనుమతి లేకుండా లింగసూగూరు నుంచి సింధనూరుకు తరలించడాన్ని వ్యతిరేకించారు. కార్యాలయాన్ని ఇక్కడే కొనసాగించాలని ఒత్తిడి చేశారు. అనంతరం మాజీ మంత్రి అమరేగౌడ బయ్యాపూర్‌, మాజీ శాసన సభ్యులు హులిగేరి, విధాన పరిషత్‌ సభ్యుడు శరణగౌడ బయ్యాపూర్‌లకు వినతిపత్రాలను సమర్పించారు.

బాధితులకు పరిహారం ఇప్పించండి

రాయచూరు రూరల్‌ : జిల్లాలో కోట్లాది రూపాయల మేర మోసం చేసి ప్రజలను వంచనకు గురి చేసిన దర్వేసి కంపెనీ బాధితులకు పరిహారం అందించేలా చర్యలు తీసుకోవాలని స్వాభిమాని కర్ణాటక రక్షణ వేదిక డిమాండ్‌ చేసింది. శనివారం ఎస్పీ కార్యాలయం వద్ద చేపట్టిన ఆందోళనలో అధ్యక్షుడు రాము మాట్లాడారు. నగరంలో దర్వేసి కంపెనీ మాదిరిగా బ్లేడ్‌ కంపెనీలు పుట్టగొడుగుల్లా పుట్టుకొస్తున్నాయన్నారు. అలాంటి వాటి బెడద నుంచి ప్రజలు మోసపోకుండా ఉండేలా పోలీస్‌ యంత్రాగం చర్యలు చేపట్టాలని కోరుతూ ఎస్పీ పుట్టమాదయ్యకు వినతిపత్రం సమర్పించారు.