స్టూడియో నిర్మాణానికి స్థలం కేటాయించరూ | - | Sakshi
Sakshi News home page

స్టూడియో నిర్మాణానికి స్థలం కేటాయించరూ

Nov 30 2025 8:06 AM | Updated on Nov 30 2025 8:06 AM

స్టూడియో నిర్మాణానికి స్థలం కేటాయించరూ

స్టూడియో నిర్మాణానికి స్థలం కేటాయించరూ

బళ్లారి రూరల్‌: ఓటీటీ ప్లాట్‌ఫాం సినీ కళాకారులు, కళాప్రతిభావంతులు రాణించడానికి సరైన వేదిక అని, దావణగెరెలో కంఠీరవ స్టూడియో నిర్మాణానికి ప్రభుత్వం భూమిని కేటాయించాలని కంఠీరవ స్టూడియో అధ్యక్షుడు మహబూబ్‌ పాషా విజ్ఞప్తి చేశారు. శనివారం దావణగెరెలో జిల్లాధికారి కార్యాలయ సభాంగణంలో కంఠీరవ స్టూడియో నిర్మాణానికి 25 ఎకరాల స్థలాన్ని కేటాయించాలని ఏడీసీకి వినతిపత్రాన్ని ఇచ్చి మాట్లాడారు. ఓటీటీ ద్వారా కన్నడ సినిమాలు, జానపద కళలను దేశ, విదేశాల్లో వీక్షణకు అవకాశం కల్పిస్తారని తెలిపారు. కంఠీరవ స్టూడియో వజ్రమహోత్సవ ఆచరణ సందర్భంగా బెంగళూరు సమీపాన, మధ్య కర్ణాటకలోని దావణగెరెలో కంఠీరవ స్టూడియో నిర్మాణ చేపట్టడం వల్ల ఉత్తర కర్ణాటక, కళ్యాణ కర్ణాటక, కరావళి కర్ణాటక ప్రాంత ప్రజల రాకపోకలకు అనుకూలంగా ఉంటుందన్నారు. ఈ ప్రాంత కళాకారుల ప్రతిభను వెలుగులోకి తేవచ్చన్నారు. కంఠీరవ స్టూడియోలో చిన్నచిత్రాల నిర్మాణానికి ప్రోత్సహించినట్లు అవుతుందన్నారు. ఈ సందర్భంగా ఏడీసీ శీలవంత శివకుమార్‌ మాట్లాడుతూ కంఠీరవ స్టూడియో అధ్యక్షుడు మెహబూబ్‌ పాషా ఇచ్చిన వినతిపత్రాన్ని పరిశీలించి తగిన చర్యలు తీసుకొంటామన్నారు. పట్టు పరిశ్రమ మండలి మాజీ అధ్యక్షుడు డీ.బసవరాజు, నగరాభివృద్ధి ప్రాధికార మాజీ అధ్యక్షుడు అయూబ్‌ ఫైల్వాన్‌ తదితరులు పాల్గొన్నారు.

Advertisement

Related News By Category

Related News By Tags

Advertisement
 
Advertisement
Advertisement