చికిత్స పొందుతూ వివాహిత మృతి | - | Sakshi
Sakshi News home page

చికిత్స పొందుతూ వివాహిత మృతి

Nov 30 2025 2:27 PM | Updated on Nov 30 2025 2:27 PM

చికిత

చికిత్స పొందుతూ వివాహిత మృతి

జమ్మికుంట: ఓ వివాహిత ఆత్మహత్యాయత్నానికి పాల్పడగా.. చికిత్స పొందుతూ శనివారం మృతిచెందింది. టౌన్‌ సీఐ రామకృష్ణ వివరాల ప్రకారం.. మున్సిపల్‌ పరిధిలోని కేశవపూర్‌ చెందిన పాతకాల విజయరాణి(35) కుటుంబంలో ఆర్థిక ఇబ్బందులతో మనస్తాపానికి గురై గురువారం పురుగుల మందు తాగింది. పట్టణంలోని ఓ ప్రైవేటు ఆసుపత్రిలో చికిత్స పొందుతూ మృతిచెందింది. ఆమెకు భర్త కిరణ్‌, ముగ్గురు కొడుకులున్నారు. గంగారపు చంద్రయ్య ఫిర్యాదు మేరకు కేసు నమోదు చేసినట్లు సీఐ తెలిపారు.

దేశరాజ్‌పల్లి వాసి..

రామడుగు: దేశరాజ్‌పల్లి గ్రామానికి చెందిన కొత్త రేణుక(38) అనే వివాహిత ఆత్మహత్యకు పాల్పడినట్లు పోలీసులు తెలిపారు. రేణుక కొద్ది రోజుల నుంచి అనారోగ్యంతో బాధపడుతూ శుక్రవారం సాయంత్రం ఇంటి వద్ద క్రిమిసంహారక మందు తాగింది. గమనించిన కుటుంబ సభ్యులు వెంటనే కరీంనగర్‌ తరలించారు. చికిత్స పొందుతూ శనివారం మృతిచెందింది. భర్త రాజేందర్‌ ఫిర్యాదు మేరకు కేసు నమోదు చేసి దర్యాప్తు చేస్తున్నారు. మృతురాలికి ఇద్దరు కుమారులున్నట్లు గ్రామస్తులు తెలిపారు.

తాళం వేసిన ఇళ్లలో చోరీ

కోరుట్ల: కోరుట్ల పట్టణంలో తాళం వేసి ఉన్న రెండు ఇళ్లలో శుక్రవారం రాత్రి దొంగలు చోరీకి పాల్పడ్డారు. ఎస్సై చిరంజీవి తెలిపిన వివరాలు.. పట్టణంలోని రవీంద్రారోడ్‌లో ఇల్లుటపు భూమయ్య ఇంటి తాళం పగులగొట్టి బీరువాలోని బంగారు గొలుసు, ఉంగరం, వెండి పట్టీలు ఎత్తుకెళ్లారు. జూనియర్‌ కళాశాల గ్రౌండ్‌ వద్ద కటుకం రాజారాం ఇంటి తాళాలు పగులగొట్టి కబ్బోర్డ్‌లోని ఐదు బంగారు ఉంగరాలు, ఒక జత చెవి కమ్మలు, కాళ్ల కడియాలు చోరీ చేశారు. బాధితుల ఫిర్యాదు మేరకు కేసు దర్యాప్తు చేస్తున్నట్టు ఎస్సై తెలిపారు.

అట్టహాసంగా వాలీబాల్‌ పోటీలు ప్రారంభం

సిరిసిల్లఅర్బన్‌: సిరిసిల్ల పట్టణ పరిదిలోని రాజీవ్‌నగర్‌ మినీస్టేడియంలో 8వ రాష్ట్ర స్థాయి జూనియర్‌ వాలీబాల్‌ పోటీలు శనివారం అట్టహాసంగా ప్రారంభమయ్యాయి. ఈ పోటీల్లో రాష్ట్రంలోని అన్ని జిల్లాల నుంచి క్రీడాకారులు పాల్గొంటున్నారని జిల్లా వాలీబాల్‌ అసోసియేషన్‌ అధ్యక్షుడు శ్రీకుమార్‌ తెలిపారు. మినీస్టేడియంలో నాలుగు కోర్టులు సిద్ధం చేసినట్లు తెలిపారు. ప్రభాకర్‌, పీఈటీలు తదితరులు పాల్గొన్నారు.

చికిత్స పొందుతూ వివాహిత మృతి1
1/1

చికిత్స పొందుతూ వివాహిత మృతి

Advertisement

Related News By Category

Related News By Tags

Advertisement
 
Advertisement
Advertisement