ప్రసవాల సంఖ్య పెంచాలి

కరీంనగర్‌: ప్రాథమిక ఆరోగ్య కేంద్రాల్లో డెలివరీలు పెంచాలని, మొదటి కాన్పులు నార్మల్‌ అయ్యేలా చూడాలని జిల్లా వైద్యాధికారి వెంకటరమణ పీహెచ్‌సీల డాక్టర్లను ఆదేశించారు. వెద్య ఆరోగ్యశాఖ కార్యాలయ మీటింగ్‌ హాల్లో శనివారం ప్రాథమిక, పట్టణ ఆరోగ్య, బస్తీ దవాఖానాల వైద్యాధికారులు, ఎంఎల్‌హెచ్‌పీలతో సమీక్ష నిర్వహించారు. 12వారాల్లోపు గర్భిణులను 100శాతం రిజిస్ట్రేషన్‌ చేయాలన్నారు. పిల్లలకు వ్యాధి నిరోధక టీకాల కార్యక్రమ 100శాతం టార్గెట్‌ పూర్తి చేయాలన్నారు. అందరికీ వ్యాధిని నిరోధక టీకాలు అందేలా చూడాలన్నారు. పీవో ఎన్సీడీ డాక్టర్‌ ఉమాశ్రీ, డిప్యూటీ డీఎంహెచ్‌వో చందు పాల్గొన్నారు.

జీవో 46పై భగ్గుమన్న బీజేపీ

కరీంనగర్‌: బీసీ రిజర్వేషన్లు తగ్గిస్తూ రాష్ట్ర ప్రభుత్వం జారీ చేసిన జీవో 46పై కరీంనగర్‌ బీజేపీ శ్రేణులు భగ్గుమన్నారు. ఓబీసీ మోర్చా రాష్ట్ర నాయకుడు అడిచర్ల రాజు ఆధ్వర్యంలో శనివారం సాయంత్రం కరీంనగర్‌లోని తెలంగాణచౌక్‌లో ఆందోళన చేపట్టారు. రేవంత్‌రెడ్డి ప్రభుత్వానికి వ్యతిరేకంగా జీవో46 ప్రతులు దహనం చేశారు. బీసీలకు 42శాతం రిజర్వేషన్‌ పేరిట కాంగ్రెస్‌ ఇన్నాళ్లు రాజకీయ డ్రామాలు చేసిందని, నేడు జీవో 46జారీ చేసి బీసీలకు రిజర్వేషన్లను తగ్గించిందన్నారు. స్థానిక సంస్థల్లో బీసీలకు కేవలం 22శాతం రిజర్వేషన్లు ఇవ్వ డం దారుణం అన్నారు. నాయకులు గుగ్గిల్లపు రమేశ్‌, గుజ్జ శ్రీనివాస్‌, బండ రమణారెడ్డి, ఎన్నం ప్రకాశ్‌, నరహరి లక్ష్మారెడ్డి, గుంజేటి శివకుమార్‌, శానగొండ వాసు, నాంపల్లి శ్రీనివాస్‌, మాసం గణేశ్‌ పాల్గొన్నారు.

బీజేపీ ఇన్‌చార్జీల నియామకం

కరీంనగర్‌: బీజేపీ రాష్ట్రవ్యాప్తంగా అన్ని జిల్లాలకు ఇన్‌చార్జీల నియామకం చేపట్టింది. శనివారం పార్టీ రాష్ట్ర అధ్యక్షుడు ఎన్‌.రాంచందర్‌రావు నియామకపు ఉత్తర్వులు విడుదల చేశారు. బీజేపీ సీనియర్‌ నాయకులను ఆయా జిల్లాల ఇన్‌చార్జీలుగా నియమించారు. కరీంనగర్‌ జిల్లాకు మహబూబ్‌నగర్‌కు చెందిన న్యాయవాది బండారి శాంతికుమార్‌, జగిత్యాలకు మెదక్‌ జిల్లాకు చెందిన గడ్డం శ్రీనివాస్‌, పెద్దపల్లికి హన్మకొండకు చెందిన రాజమౌళిగౌడ్‌, రాజన్న సిరిసిల్లకు సిద్దిపేటకు చెందిన గంగాడి మోహన్‌రెడ్డిలను నియమిస్తూ ఉత్తర్వులు జారీ చేశారు. కరీంనగర్‌ జిల్లాకు చెందిన కె.ఓదెలును మంచిర్యాల జిల్లాకు, కోమల అంజనేయులును కొమరంభీమ్‌ ఆసిఫాబాద్‌ జిల్లాకు ఇన్‌చార్జీలుగా నియమించారు.

విద్యార్థుల శాతం పెంచాలి

జమ్మికుంట: ప్రభుత్వ డిగ్రీ, పీజీ కళాశాలల్లో విద్యార్థుల నమోదుశాతం పెంచాలని కరీంనగర్‌ ఎస్సారార్‌ కళాశాల ప్రిన్సిపాల్‌, అకడమిక్‌ అడ్వైజర్‌ రామకృష్ణ, అసోసియేట్‌ ప్రొఫెసర్‌ శంకరయ్య పేర్కొన్నారు. పట్టణంలోని ప్రభు త్వ డిగ్రీ,పీజీ కళాశాలను శనివారం సందర్శించారు. అకడమిక్‌ ఆడిట్‌, రికార్డులు పరిశీ లించారు. అధ్యాపకులు మరింత పరిశోధనలు చేయాలన్నారు. ప్రిన్సిపాల్‌ రమేశ్‌, వై స్‌ ప్రిన్సిపాల్‌ ఓదెలు కుమార్‌, అకడమిక్‌ కో– ఆర్డినేటర్‌ రాజేంద్రం, అధ్యాపకులు గణేశ్‌, శ్యామల, మాధవి, ఉమాకిరణ్‌ పాల్గొన్నారు.

ముగిసిన చెకుముకి పోటీలు

సప్తగిరికాలనీ(కరీంనగర్‌): జన విజ్ఞాన వేదిక రాష్ట్రవ్యాప్తంగా నిర్వహిస్తున్న చెకుముకి పోటీలు ముగిశాయి. స్థానిక ఓల్డ్‌ హైస్కూల్‌లో నిర్వహించిన జిల్లాస్థాయి చెకుముకి సైన్స్‌ టాలెంట్‌ టెస్ట్‌లో విజేతలకు బహుమతులు ప్రదానం చేశారు. ఎస్‌.అర్చన, ఎం.సుష్మిత, సానియా, జి.హర్షిత్‌, ఎం.అజయ్‌, ఆర్‌.సామ్రాట్‌, కార్తికేయ, శివరాత్రి రిశాల్‌, శివ స్మరన్‌రెడ్డి, అంజలి, సంజన, వైష్ణవి, రాష్ట్రస్థాయి పోటీలకు ఎంపికయ్యారు. ఈ కార్యక్రమంలో శ్రీనివాస్‌, జైపాల్‌రెడ్డి, వెంకటేశ్వర్‌ రావు, దేవేందర్‌, రామరాజు, మల్లేశం, మల్లయ్య పాల్గొన్నారు.

ప్రసవాల సంఖ్య పెంచాలి

ప్రసవాల సంఖ్య పెంచాలి

ప్రసవాల సంఖ్య పెంచాలి