తెలంగాణ ప్రదాత కేసీఆర్‌

కరీంనగర్‌టౌన్‌: తెలంగాణ తెచ్చింది, అభివృద్ధి చేసింది కేసీఆరేనని, బీఆర్‌ఎస్‌తోనే రాష్ట్ర సమగ్ర అభివృద్ధి సాధ్యమని కరీంనగర్‌ ఎమ్మెల్యే గంగుల కమలాకర్‌ అన్నారు. శనివారం దీక్షా దివస్‌ సందర్భంగా బీఆర్‌ఎస్‌ జిల్లా పార్టీ కార్యాలయం, శాతవాహన యూనివర్సిటీలో జరిగిన కార్యక్రమంలో పాల్గొని మాట్లాడారు. పదేళ్ల పాటు రాష్ట్రాన్ని అన్ని రంగాల్లో అభివృద్ధి చేస్తే కాంగ్రెస్‌ రెండేళ్లలోనే విధ్వంసం చేసిందన్నారు. స్థానిక సంస్థల ఎన్నికల్లో కాంగ్రెస్‌ను ఓడించి, బీఆర్‌ఎస్‌ బలపరిచిన అభ్యర్థులను గెలిపించాలని కోరారు. తెలంగాణ ఉద్యమంలో భాగంగా కేసీఆర్‌ నవంబర్‌ 29, 2009లో ఆమరణ దీక్షకు దిగారన్నారు. చరిత్రలో మరుపురాని మధుర ఘట్టం దీక్షా దివాస్‌ అన్నారు. అనంతరం కేసీఆర్‌ చిత్రపటానికి క్షీరాభిషేకం చేశారు. పార్టీ జిల్లా అధ్యక్షుడు జీవీ.రామకృష్ణారావు, హుజూరాబాద్‌ ఎమ్మెల్యే పాడి కౌశిక్‌రెడ్డి, మాజీ ఎమ్మెల్సీ నారదాసు లక్ష్మణ్‌రావు, మాజీ ఎమ్మెల్యే రవిశంకర్‌, జెడ్పీ మాజీ చైర్‌పర్సన్‌ కనుమల్ల విజయ, నాయకులు చల్లహరిశంకర్‌, అనిల్‌కుమార్‌, బండ శ్రీనివాస్‌ తదితరులు పాల్గొన్నారు.