కాలభైరవా కరుణించు..

● గ్రామ పంచాయతీ ఎన్నికల నేపథ్యంలో..

● ప్రత్యేక పూజలు చేసి నామినేషన్‌ల దాఖలు

రామారెడ్డి (ఎల్లారెడ్డి): గ్రామ పంచాయతీ ఎన్నికల బరిలో నిలుస్తున్న అభ్యర్థులు తమ నామినేషన్‌ పత్రాలను కాలభైరవుడి పాదాల చెంత ఉంచి ప్రత్యేక పూజలు చేస్తున్నారు. అనంతరం అధికారులకు అందజేస్తున్నారు. గ్రామ మొదటి విడత ఎన్నికలకు శనివారంతో నామినేషన్‌ల ప్రక్రియ ముగిసింది. రామారెడ్డి మండలానికి చెందినవారితోపాటు ఆయా మండలాల్లో సర్పంచ్‌, వార్డు స్థానాలకు పోటీ చేస్తున్న అభ్యర్థులు కాలభైరవస్వామి ఆలయానికి వచ్చిన ప్రత్యేక పూజ లు చేసి తమ నామినేషన్‌లు దాఖలు చేశా రు. ఆయా మండలా ల్లో సర్పంచ్‌ స్థానాలకు పోటీ చేస్తున్న సుమారు 70 మంది, వార్డు స్థానాలకు పోటీ చేస్తున్న 300 మందికిపైగా ఆలయంలో ప్రత్యేక పూజలు చేసి నామినేషన్‌లు దాఖలు చేశారని అర్చకులు శ్రీనివాస శర్మ తెలిపారు.

గతంలో ఎమ్మెల్యే అభ్యర్థులు సైతం కాలభైరవుడిని దర్శించుకుని పూజలు చేసిన తర్వాతే ఈశాన్యంలో ఉన్న ఇంటి నుంచి ప్రచారం మొదలు పె ట్టడం ఆనవాయితీగా వస్తోంది. ఈ ఆనవాయితీని గతంలో ఏనుగు రవీందర్‌రెడ్డి, సురేందర్‌ కొనసాగించారు. 2023లో కాంగ్రెస్‌ నుంచి పోటీ చేసిన మదన్‌మోహన్‌ రావు కూడా కాలభైరవుడికి పూజలు చేసి ఈశాన్యం నుంచే ప్రచారం మొదలుపెట్టారు.