నామినేషన్లు!
మొదటి విడత నామినేషన్లు..
తొలి విడత ముగిసిన
● కొన్ని చోట్ల రాత్రి వరకూ వరుసలో..
● నేటి నుంచి రెండో విడత షురూ
సాక్షి ప్రతినిధి, కామారెడ్డి : పంచాయతీ ఎన్నికల్లో భాగంగా తొలి విడత నామినేషన్ల స్వీకరణ ప్రక్రియ శనివారంతో ముగిసింది. తొలి విడతలో 167 పంచాయతీలకు ఈ నెల 11న ఎన్నికలు జరుగనున్నాయి. ఈ నెల 27న నామినేషన్ల స్వీకరణ ప్రారంభం కాగా.. చివరి రోజైన శనివారం చాలా గ్రామాల్లో వరుస కట్టారు. దీంతో వరుసలో ఉన్న వారికి టోకెన్లు ఇచ్చి నామినేషన్లు స్వీకరించారు. కొన్ని చోట్ల రాత్రి వరకూ నామినేషన్ల దాఖలు ప్రక్రియ కొనసాగింది. భిక్కనూరు, బీబీపేట, దోమకొండ, మాచారెడ్డి, పాల్వంచ, రామారెడ్డి, రాజంపేట, కామారెడ్డి, సదాశివనగర్, తాడ్వాయి మండలాల్లోని 167 సర్పంచ్, 1520 వార్డు స్థానాలకు సంబంధించి 62 క్లస్టర్లలో నామినేషన్లు స్వీకరించారు. కాగా జిల్లాలోని కొన్ని గ్రామాల్లో సర్పంచ్తోపాటు వార్డు స్థానాలకు సింగిల్ నామినేషన్లు దాఖలయ్యాయి.
రెండో విడతలో 197 సర్పంచ్.. 1654 వార్డులు..
రెండో విడత పంచాయతీ ఎన్నికల్లో భాగంగా ఆదివారం నుంచి జూన్ 2వ తేదీ వరకు నామినేషన్లు స్వీకరించనున్నారు. గాంధారి, లింగంపేట, నాగిరెడ్డిపేట, ఎల్లారెడ్డి, మహ్మద్నగర నిజాంసాగర్, పిట్లం మండలాల పరిధిలోని 197 గ్రామ పంచాయతీలకు వచ్చే నెల 14న ఎన్నికలు జరగనున్నాయి. 197 గ్రామాల సర్పంచ్ పదవులతోపాటు 1,654 వార్డులకు ఎన్నికలు నిర్వహించేందుకు 57 క్లస్టర్లలో నామినేషన్ల స్వీకరించనున్నారు. ఉదయం 10.30 గంటల నుంచి సాయంత్రం 5 గంటల వరకు నామినేషన్లు స్వీకరిస్తారు. ఈ నేపథ్యంలో కలెక్టర్ సంగ్వాన్ శనివారం టెలీకాన్ఫరెన్స్ నిర్వహించి సంబంధిత అధికారులకు పలు సూచనలు చేశారు. ఎలాంటి తప్పిదాలకు తావులేకుండా నామినేషన్ల స్వీకరణ ప్రక్రియను పకడ్బందీగా నిర్వహించేందుకు చర్యలు తీసుకోవాలని అధికారులను ఆదేశించారు.
మండలం సర్పంచ్ నామినేషన్లు వార్డులు నామినేషన్లు
స్థానాలు
భిక్కనూరు 18 156 182 636
బీబీపేట 11 70 110 275
దోమకొండ 09 74 96 286
కామారెడ్డి 14 121 120 363
మాచారెడ్డి 25 211 196 435
పాల్వంచ 12 87 110 264
రాజంపేట 18 132 158 367
రామారెడ్డి 18 -- 166 --
సదాశివనగర్ 24 -- 214 --
తాడ్వాయి 18 111 168 348
నామినేషన్లు!


