ఎన్నికల విధులు నిబద్ధతతో నిర్వహి ంచాలి

గద్వాలన్యూటౌన్‌: పంచాయతీ ఎన్నికల్లో రెండోదశలో స్టేజ్‌–2 అధికారుల పాత్ర కీలకమైనదని, వారు నిబద్ధతతో పనిచేయాలని జిల్లా పంచాయతీ అధికారి శ్రీకాంత్‌ అన్నారు. శనివారం కలెక్టరేట్‌లోని ఐడీఓసీ హాల్‌లో నిర్వహించిన రిటర్నింగ్‌ అధికారుల (స్టేజ్‌–2) శిక్షణ శిబిరంలో నోడల్‌ అధికారి రమేష్‌బాబుతో కలిసి పాల్గొన్నారు. ఈసందర్భంగా ఆయన మాట్లాడుతూ.. మోడల్‌ కోడ్‌ ఆఫ్‌ కండక్ట్‌ కఠినంగా అమలు చేయాలని చెప్పారు. ప్రతి పోలింగ్‌ స్టేషన్‌లో భద్రతాచర్యలు, ఇతర ఏర్పాట్లు అన్నీ సిద్ధంగా ఉండాలన్నారు. పోలింగ్‌ ఉదయం 7 గంటలకు ప్రారంభించి.. మధ్యాహ్నం ఒంటి గంటకు ముగించాలని, ఆ తర్వాత క్యూలో నిల్చున్న ఓటర్లను మాత్రమే అనుమతించాలన్నారు. పీఓలు ఫాం –25, బ్యాలెట్‌ పేపర్‌ అకౌంట్‌, డైరీ తదితర చట్టపరమైన పత్రాలను ఖచ్చితంగా పూర్తి చేయాలన్నారు. పోలింగ్‌ స్టేషన్‌ వద్ద ప్రచారం లాంటి సంఘటనలు జరిగిన పోలీసులకు తెలియజేయాలన్నారు.

అదేరోజు కౌంటింగ్‌..

మధ్యాహ్నం 2గంటలకు పోస్టల్‌ బ్యాలెట్స్‌, తర్వాత వార్డు మెంబర్‌ బ్యాలెట్‌ పేపర్లను వేరు చేసి లెక్కించాలన్నారు. వార్డు మెంబర్ల కౌటింగ్‌ పూర్తి అయ్యాక సర్పంచ్‌ బ్యాలెట్‌ పత్రాలను డ్రమ్‌లో కలిపి అభ్యర్థులు వారీగా లెక్కించాలని సూచించారు. సర్పంచ్‌, వార్డు మెంబర్ల ఫలితాలు ప్రకటించిన వెంటనే ఉపసర్పంచ్‌ ఎన్నిక నిర్వహించాలన్నారు. ఎన్నికల ఖర్చులు 45రోజుల్లో సమర్పించాలన్నారు.