గుంటూరు

ఆదివారం శ్రీ 30 శ్రీ నవంబర్‌ శ్రీ 2025

అచ్చంపేట: పులిచింతల ప్రాజెక్టుకు ఎగువ నుంచి 2100 క్యూసెక్కులు వచ్చి చేరుతోంది. దిగువకు 2000 క్యూసెక్కులు వదులుతున్నారు. ప్రాజెక్టులో ప్రస్తుత నీటి నిల్వ 42.1600 టీఎంసీలు ఉంది.

విజయపురిసౌత్‌: నాగార్జున సాగర్‌ జలాశయ నీటిమట్టం శనివారం 581.20 అడుగులకు చేరింది. శ్రీశైలం నుంచి 15,334 క్యూసెక్కులు వచ్చి చేరుతోంది.

ప్రత్తిపాడు: మహిళలు ఇంటి దగ్గరే స్వయం ఉపాధి పొందాలి.. ఆర్థికంగా వృద్ధి చెందాలి అంటూ చంద్రబాబు సర్కారు మాటలు నీటి మీద రాతలేనని తేలిపోతోంది. మాటల పసే గానీ చేతల పస లేదని స్పష్టమవుతోంది. అందుకు సాక్ష్యమే మహిళలకు ఇచ్చిన ఉచిత కుట్టు శిక్షణ. జిల్లాలో బీసీ కార్పొరేషన్‌ ఆధ్వర్యంలో 16 కుట్టు శిక్షణ కేంద్రాలను కొద్ది నెలల కిందట ప్రారంభించారు. ఆయా కేంద్రాల్లో వివిధ వర్గాలకు చెందిన మొత్తం 1972 మంది మహిళలు మూడు నెలల పాటు ఉచితంగా కుట్టు శిక్షణ పొందేలా అధికారులు ప్రణాళికలు రూపొందించారు. ఇప్పటి వరకు తొమ్మిది కేంద్రాల్లో శిక్షణ కూడా పూర్తయింది. ఇంకా మంగళగిరిలో రెండు, గుంటూరులో ఐదు కేంద్రాల్లో ప్రస్తుతం కొనసాగుతోంది. తొమ్మిది కేంద్రాల్లో శిక్షణ పూర్తయి ఇప్పటికి దాదాపుగా రెండు, మూడు నెలలు గడుస్తోంది. వీరికి మిషన్‌ కుట్టడం, డిజైన్‌ ఆధారిత కటింగ్‌పై తర్ఫీదునిచ్చారు. శిక్షణ పూర్తి చేసుకున్న వందల మంది మహిళలకు కనీసం ధ్రువీకరణ పత్రాలు కూడా ఇచ్చిన దాఖలాలు లేవు.

జాడే లేని మిషన్లు

శిక్షణకు హాజరైన మహిళల్లో 75 శాతం హాజరు ఉన్నవారికి పూర్తయిన తరువాత ప్రభుత్వమే కుట్టు మిషన్లు ఇస్తుందని ప్రకటించారు. డిజిటల్‌ విధానంలో ప్రతిరోజూ హాజరు కూడా నమోదు చేశారు. వీరంతా ఇప్పుడు ధ్రువపత్రాలు, కుట్టు మిషన్లు కోసం ఎదురు చూస్తున్నారు. తద్వారా ఇంటి వద్దనే ఉంటూ మహిళలు టైలరింగ్‌ ద్వారా ఆదాయం సమకూర్చుకోవచ్చు. ఇవే మాటలను శిక్షణ కేంద్రాల ఆరంభం రోజున అధికారులు, ప్రజాప్రతినిధులు చెప్పడంతో మహిళల్లో ఆశలు రేకెత్తాయి. కానీ ఇప్పుడు ఆ ఊసే లేకపోవడంతో నిరాశకు గురవుతున్నారు. అంతేకాకుండా అర్హత ఉన్నవారికి బ్యాంకుల ద్వారా కూడా రుణాలు ఇప్పిస్తామని అధికారులు చెప్పడం, అదీ కూడా ఆచరణకు దూరంగా ఉండటం విమర్శలకు దారి తీస్తోంది.

ఫ్యాషన్‌ టెక్నాలజీ ట్రైనింగ్‌ ఎక్కడ ?

ప్రత్తిపాడులో ఏర్పాటు చేసిన కేంద్రంలో 127 మంది మహిళలకు శిక్షణ ఇచ్చారు. ఇందులో పరీక్షలు పెట్టి ఎంపికై న వారికి నేషనల్‌ ఇనిస్టిట్యూట్‌ ఆఫ్‌ ఫ్యాషన్‌ టెక్నాలజీలోని శిక్షకులను ఇక్కడకు పిలిపించి శిక్షణ ఇప్పిస్తామని ప్రత్తిపాడు ఎమ్మెల్యే బూర్ల రామాంజనేయులు చెప్పారు. ఇంట్లోనే కూర్చుని నెలకు రూ. 30–40 వేలు సంపాదించుకునే మార్గం చూపిస్తానంటూ ఆయన హామీ ఇచ్చారు. నేడు అవన్నీ మాటలకే పరిమితమవ్వడంతో మహిళలు పెదవి విరుస్తున్నారు.

ప్రత్తిపాడులో మిర్చి పంటను పరిశీలిస్తున్న రమణ తదితరులు

మాట్లాడుతున్న జిల్లా ఎస్పీ వకుల్‌ జిందాల్‌, చిత్రంలో ఏఎస్పీ, డీఎస్పీ

7

జిల్లాలో ఇంకా కొన్ని కేంద్రాల్లో శిక్షణ నడుస్తోంది. ఇప్పటికే కొన్నిచోట్ల పూర్తి అయింది. శిక్షణ పొందిన వారిలో 75 శాతం హాజరు ఉన్నవారికి త్వరలోనే ప్రభుత్వం కుట్టు మిషన్లు అందిస్తుంది. సర్టిఫికెట్లు కూడా అందిస్తాం.

– మయూరి

(బీసీ సంక్షేమ శాఖ అధికారి, గుంటూరు జిల్లా)

గుంటూరు

గుంటూరు

గుంటూరు

గుంటూరు

గుంటూరు

గుంటూరు

గుంటూరు

గుంటూరు

గుంటూరు

గుంటూరు