వైభవంగా స్వరలయ ‘తెనాలి ఉత్సవ్‌’ | - | Sakshi
Sakshi News home page

వైభవంగా స్వరలయ ‘తెనాలి ఉత్సవ్‌’

Nov 30 2025 7:32 AM | Updated on Nov 30 2025 7:32 AM

వైభవం

వైభవంగా స్వరలయ ‘తెనాలి ఉత్సవ్‌’

వైభవంగా స్వరలయ ‘తెనాలి ఉత్సవ్‌’

అలరించిన జానపద ప్రదర్శనలు తెనాలి వైభవంపై నృత్యరూపకం ప్రముఖులకు పురస్కారాల ప్రదానం

తెనాలి: పట్టణానికి చెందిన సంగీత సాంస్కృతిక సంస్థ స్వరలయ వేదిక ఆధ్వర్యంలో రెండురోజుల ‘స్వరలయ తెనాలి ఉత్సవ్‌’ శనివారం తెనాలి రామకృష్ణకవి కళాక్షేత్రంలో జానపద కళల ప్రదర్శనతో ఘనంగా ఆరంభమైంది. తొలుత తోలుబొమ్మలాటతో ఆరంభించి, ఆరాధ్యుల వెంకటసుబ్బమ్మ చెక్కభజన, గిరిజన గురుకుల విద్యార్థినులచే కోలాట ప్రదర్శన జరిగాయి. ప్రముఖ నృత్యగురువు నిర్మలా రమేష్‌ శిష్య బృందం ప్రదర్శించిన తెనాలి ఉత్సవ గీతం, తెనాలి వైభవంపై నృత్యరూపకం అభినందనలు అందుకున్నాయి. స్వరలయ తెనాలి ఉత్సవ్‌ లోగోను అవనిగడ్డ ఎమ్మెల్యే మండలి బుద్ధప్రసాద్‌ ఆవిష్కరించారు. కళలను, సంస్కృతిని పరిపోషించేవారే చరిత్రలో నిలిచిపోతారని అన్నారు. తెలుగును రాజభాషగా చేసిన శ్రీకృష్ణదేవరాయలు, భోజరాజు, రాజరాజనరేంద్రుడు ఇందుకు నిదర్శనమన్నారు. సంక్షేమం, అభివృద్ధితోపాటు తెలుగును, మన సంస్కృతిని కొనసాగించాలన్న విషయాన్ని నేటి పాలకులు గుర్తుంచుకోవాలని చెప్పారు. ఏపీ జేఏసీ అమరావతి చైర్మన్‌ బొప్పరాజు వెంకటేశ్వర్లు మాట్లాడుతూ అంతరించి పోతున్న కళలను ఆదరించాల్సిన ఆవశ్యకతను కార్యక్రమాలతో చాటుతున్న స్వరలయ సంస్థను అభినందించారు. దైవాల సుబ్రహ్మణ్యం అధ్యక్షత వహించిన సభలో వరల్డ్‌ తెలుగు ఫెడరేషన్‌ (చైన్నె) సెక్రటరీ జనరల్‌ కె.శ్రీలక్ష్మీమోహనరావు, స్టేట్‌బ్యాంక్‌ ఏజీఎం వీవీ జగదీష్‌కుమార్‌, మండల తహశీల్దార్‌ కేవీ గోపాలకృష్ణ, శ్రీకనకదుర్గ దేవస్థానం పాలకమండలి సభ్యుడు తోటకూర వెంకట రమణారావు మాట్లాడారు. సభలో వివిధ రంగాల్లోని ప్రముఖులు నిర్మలా రమేష్‌, కాటూరి వెంకటేశ్వరరావు, అక్కల రామకృష్ణ, యు.ధర్మారావు, దీపాల సత్యనారాయణ, కనపర్తి బాబూరావు, టీవీఎస్‌ శాస్త్రి, కొల్లి రామాంజనేయ ప్రసాద్‌, టీఎస్‌ఆర్‌ బ్రహాచార్యులు, పద్మజా ప్రభాకర్‌, బెజ్జంకి నాగమణి, మేకతోటి ప్రభాకర్‌, జి.రాజశేఖర్‌, అబ్దుల్‌ రజాక్‌కు తెనాలి ఉత్సవ్‌ పురస్కారాలను ప్రదానం చేశారు. స్వరలయ వేదిక వ్యవస్థాపకుడు సాయి లక్కరాజు పర్యవేక్షించారు.

వైభవంగా స్వరలయ ‘తెనాలి ఉత్సవ్‌’ 1
1/1

వైభవంగా స్వరలయ ‘తెనాలి ఉత్సవ్‌’

Advertisement

Related News By Category

Related News By Tags

Advertisement
 
Advertisement
Advertisement