ఎయిమ్స్‌లో అంతర్జాతీయ సదస్సు

మంగళగిరి టౌన్‌ : నగర పరిధిలోని ఎయిమ్స్‌ వైద్యశాలలో రేడియో డయాగ్నసిస్‌ విభాగం, అనాటమీ విభాగానికి సంబంధించి ఇమేజ్‌ గైడెడ్‌ మస్కిలో స్కెలిటల్‌ ఇంటర్‌వెన్షన్‌లపై కోడరిక్‌ రెండవ అంతర్జాతీయ సమావేశాన్ని శనివారం ప్రారంభించారు. రేడియాలజీ, అనాటమీ విభాగాలు, మస్క్యులో స్కెలెటల్‌ సొసైటీ ఆఫ్‌ ఇండియా, ఆసియన్‌ పసిఫిక్‌ ఇంటర్నేషనల్‌ రేడియాలజీ, ఇంటర్వెన్షన్‌ అసోసియేషన్‌ సంయుక్త ఆధ్వర్యంలో జరుగుతోందని ప్రతినిధులు తెలిపారు. ఈ సమావేశాన్ని ఎగ్జిక్యూటివ్‌ డైరెక్టర్‌ ప్రొఫెసర్‌ డాక్టర్‌ అహంతెం శాంతా సింగ్‌, ప్రొఫెసర్‌ డాక్టర్‌ దేశు రామమోహన్‌లు ప్రారంభించారు. సదస్సుకు ప్రపంచ వ్యాప్తంగా ఏడు దేశాల నుంచి ప్రతినిధులు హాజరు కానున్నట్లు వారు పేర్కొన్నారు. రెండురోజులు జరిగే కార్యక్రమంలో లైవ్‌ ఇమేజ్‌ గైడెడ్‌ ప్రదర్శనలు, కాడవెరికి హ్యాండ్స్‌ ఆన్‌ శిక్షణ కార్యక్రమాలు జరుగుతాయని తెలిపారు. ప్రపంచవ్యాప్తంగా 100 మందికి పైగా ప్రతినిధులు పాల్గొననున్నారని పేర్కొన్నారు.