జాతీయ స్థాయి పోటీలకు ఎంపిక

గుర్రంకొండ: జాతీయ స్థాయి ఫెన్సింగ్‌(కత్తిసాము) పోటీలకు గుర్రంకొండ విద్యార్థినులు ఎంపికై నట్లు ఎపీ గురుకుల బాలికల పాఠశాల ప్రిన్సిపల్‌ సుమిత్ర తెలిపారు. స్థానిక గురుకుల పాఠశాలకు చెందిన నిఖిత,సెబర్‌, చందు, గాయత్రి, మానసలు ఇటీవల కాకినాడలో నిర్వహించిన రాష్ట్రస్థాయి పోటీల్లో ప్రతిభ కనబరిచి వెండి పతకాలను సాధించారు. వీరు త్వరలో మహరాష్ట్రలోని శంభాజి జిల్లాలో నిర్వహించనున్న జాతీయ స్థాయి పోటీల్లో పాల్గొంటారని ఆమె తెలిపారు. పతకాలు సాధించిన విద్యార్థినులను శనివారం సన్మానించారు.కార్యక్రమంలో ఖేలో ఇండియా ఫెన్సింగ్‌కోచ్‌ రవీంద్రనాథ్‌, సిబ్బంది పాల్గొన్నారు.

రాయచోటి జగదాంబసెంటర్‌: లింగ నిర్ధారణ చట్ట వ్యతిరేకం అని జిల్లా వైద్య ఆరోగ్య శాఖ అధికారి డాక్టర్‌ కె.లక్ష్మీనరసయ్య పేర్కొన్నారు. శనివారం పీసీ పీఎన్‌డీటీ చట్టంపై జిల్లా స్థాయి సలహా సంఘ సమావేశం నిర్వహించారు. ఈ సందర్భంగా ఆయన మాట్లాడుతూ జిల్లా, మండల స్థాయి, గ్రామీణ ప్రాంతాల్లో కూడా ఆడపిల్లల సంరక్షణ గురించి విస్తృతంగా అవగాహవ కార్యక్రమాలు చేపట్టాలన్నారు. సమావేశంలో ప్రోగ్రాం ఆఫీసర్‌/ జిల్లా అడ్వైజరీ కమిటీ కన్వీనర్‌ పి.దేవ శిరోమణి, చిన్నపిల్లల వైద్యులు డాక్టర్‌ నిస్సార్‌, అడిషనల్‌ డీఎంహెచ్‌ఓ డాక్టర్‌ రాధిక, గైనకాలజిస్ట్‌ డాక్టర్‌ నీలోఫర్‌, స్వచ్ఛంధ సంస్థ సభ్యులు చెన్నారెడ్డి, నాగేశ్వరయ్య, ఐసీడీఎస్‌ సీడీపీఓ సుగుణ, డిప్యూటీ హెల్త్‌ ఎడ్యుకేషన్‌ ఆఫీసర్‌ రాజగోపాల్‌, వైద్య సిబ్బంది పాల్గొన్నారు.

రాయచోటి టౌన్‌: నిబంధనలు పాటించకుండా తిప్పుతున్న విద్యాసంస్థల బస్సులపై కఠిన చర్యలు తప్పవని జిల్లా రవాణాశాఖ అధికారి ప్రసాద్‌ పేర్కొన్నారు. శనివారం రాష్ట్ర రవాణా కమిషనర్‌ ఆదేశాల మేరకు జిల్లాలో విద్యాసంస్థలకు చెందిన బస్సులను తనిఖీ చేసినట్లు తెలిపారు. మోటారు వాహన చట్టం 1988 నిబంధనలు పాటించాలని చెప్పారు. మొత్తం 75 బస్సులను తనిఖీ చేశారు. నిబంధనలు పాటించని వారికి నోటీసులు ఇచ్చారు. అనంతరం కార్యాలయాలనికి వచ్చిన డ్రైవర్లకు సూచనలు – సలహాలు ఇచ్చారు. ఈ కార్యక్రమంలో ఎంవీఐలు అనిల్‌ కుమార్‌ పాల్గొన్నారు.

మదనపల్లె సిటీ: పదో తరగతి పరీక్షల్లో ఉత్తమ ఫలితాలు సాధించాలని జిల్లా సాంఘిక సంక్షేమ అధికారి సి.దామోదర్‌రెడ్డి అన్నారు. శనివారం నక్కలదిన్నెలోని ఎస్‌సీ బాలుర వసతి గృహాన్ని ఆకస్మికంగా తనిఖీ చేశారు. పదో తరగతి విద్యార్థులతో ప్రత్యేకంగా సమావేశం నిర్వహించారు. వంద రోజుల ప్రణాళికను తప్పకుండా అమలు చేయాలన్నారు. పదివ విద్యార్థులపై ప్రత్యేక శ్రద్ధ చూపాలన్నారు. విద్యార్థులతో మాట్లాడి మెనూ ప్రకారం భోజనం అందుతోందా, బెడ్‌షీట్స్‌ అందాయా లేదా అని అడిగి తెలుసుకున్నారు. అనంతరం హాస్టల్‌లో రికార్డులు పరిశీలించారు. పట్టణంలోని జ్ఞానాంబిక డిగ్రీ కాలేజీ, వికాస్‌ డిగ్రీ కాలేజీలో ఫీజురీయింబర్స్‌మెంట్‌ దరఖాస్తులను పరిశీలించారు. ఆయన వెంట సాంఘిక సంక్షేమ సహాయ అధికారి గంగిరెడ్డి, హెచ్‌డబ్యూఓ కె.రామప్రసాద్‌ ఉన్నారు.

జాతీయ స్థాయి పోటీలకు ఎంపిక

జాతీయ స్థాయి పోటీలకు ఎంపిక

జాతీయ స్థాయి పోటీలకు ఎంపిక