ఆటల్లో ’విభిన్న’ ప్రతిభ

పీలేరు రూరల్‌: జిల్లా పారా ఒలింపిక్‌ అసోసియేషన్‌ ఆధ్వర్యంలో శనివారం రాయచోటిలో జిల్లా స్థాయి ఆటల పోటీలు నిర్వహించారు. పీలేరు జెడ్పీ ప్రధాన హైస్కూల్‌కు చెందిన విభిన్న ప్రతిభావంతులు ఆటల్లో పాల్గొని, బహుమతులను కై వసం చేసుకున్నట్లు హెచ్‌ఎం డాక్టర్‌ నీలం జయపాల్‌ రెడ్డి తెలిపారు. ఆయిషా వంద మీటర్ల రన్నింగ్‌ రేస్‌, జ్ఞాన శేఖర్‌ షాట్‌పుట్‌, లాంగ్‌ జంప్‌లో రాణించారన్నారు. డీఈవో సుబ్రమణ్యం చేతుల మీదుగా బహుమతులను అందుకున్నట్లు తెలిపారు. అనంతరం వారిని ఉపాధ్యాయ బృందం అభినందించింది. ఉపాధ్యాయులు లలిత కుమారి, ప్యారూఖాన్‌, శ్రీరాములు, జయరాంనాయక్‌, భాస్కర్‌, హేమలత పాల్గొన్నారు.