రైల్వేస్టేషన్‌ సమీపంలో బెల్టుషాపులు తొలగించండి

రైల్వేకోడూరు : రైల్వేస్టేషన్‌ సమీపంలో ఉన్న రైల్వే అండర్‌ బ్రిడ్జి వద్ద బెల్టుషాపులను తొలగించాలని డీఆర్‌సీసీయూ సభ్యుడు తల్లెం భరత్‌కుమార్‌రెడ్డి పేర్కొన్నారు. శనివారం ఉదయం రైల్వేకోడూరు రైల్వేస్టేషన్‌ను రేణిగుంట డివిజన్‌ అసిస్టెంట్‌ సెక్యూరిటీ కమిషనర్‌ రాజగోపాల్‌రెడ్డితో కలిసి ఆకస్మికంగా తనిఖీ చేశారు. ఈ సందర్భంగా ఆయన మాట్లాడుతూ రైల్వే అండర్‌ బ్రిడ్జి వద్ద ఉన్న బెల్టుషాపు వల్ల విద్యార్థులు, మహిళలు, సామాన్య ప్రజానీకం అసౌకర్యానికి, భయభ్రాంతులకు గురవుతున్నారని తెలిపారు. కావున వెంటనే తొలగించేందుకు ఎకై ్సజ్‌, పోలీసు శాఖల అధికారులు చర్యలు తీసుకోవాలని అన్నారు. రైల్వేస్టేషన్‌ పరిధిలో మౌలిక సదుపాయాలు కల్పించాలని సంబంధిత అధికారులకు వినతిపత్రం అందజేశారు. ఈ కార్యక్రమంలో రేణిగుంట ఆర్‌పీఎఫ్‌ సబ్‌ ఇన్‌స్పెక్టర్‌ శ్రీనివాస్‌, నందలూరు సబ్‌ ఇన్‌స్పెక్టర్‌ ఆర్‌పీ త్రివేణి, నందలూరు ఏఎస్‌ఐ రాధాకృష్ణయ్య, వైఎస్సార్‌సీపీ అధ్యక్షుడు రమేష్‌, గునిశెట్టి రమేష్‌, వైఎస్సార్‌సీపీ మహిళా నియోజకవర్గ అధ్యక్షురాలు నారాయణమ్మ తదితరులు పాల్గొన్నారు.