ముగిసిన సివిల్‌ సర్వీసెస్‌ అధికారుల పర్యటన

కై లాస్‌నగర్‌: శిక్షణలో భాగంగా జిల్లాకు విచ్చేసిన ఆల్‌ ఇండియా సివిల్‌ సర్వీసెస్‌ అధికారు ల పర్యటన శనివారంతో ముగిసింది. కలెక్టరేట్‌ సమావేశ మందిరంలో వీడ్కోలు కార్యక్రమం నిర్వహించారు. క్షేత్రస్థాయి పర్యటనలో భాగంగా సంక్షేమ, అభివృద్ధి పథకాల అమలు, ప్రజల జీవన స్థితిగతులపై అధ్యయనం చేసిన అంశాలను కలెక్టర్‌ రాజర్షి షా, ఎస్పీ అఖిల్‌ మహాజన్‌తో వారు పంచుకున్నారు. ఈ సందర్భంగా కలెక్టర్‌ మాట్లాడుతూ, వృత్తిపరమైన శిక్షణ నిమిత్తం జిల్లాకు వచ్చే అధికారులకు ఇక్కడ ఎంతో నేర్చుకునే అవకాశం ఉంటుందన్నారు. ఇవి ఉద్యోగ జీవితంలో ఎంతో తోడ్పడతాయని తెలిపారు. వారికి ఆల్‌ది బెస్ట్‌ తెలిపారు. ఇందులో స్థానిక సంస్థల అదనపు కలెక్టర్‌ రాజేశ్వర్‌, ట్రెయినీ కలెక్టర్‌ సలోని చాబ్రా, మున్సిపల్‌ కమిషనర్‌ రాజు, డీఏవో శ్రీధర్‌ స్వామి పాల్గొన్నారు.