TV
కేసీఆర్‌ దీక్షతోనే తెలంగాణ రాష్ట్రం
● బీఆర్‌ఎస్‌ జిల్లా అధ్యక్షుడు రామన్న, ఎమ్మెల్యే అనిల్‌ జాదవ్‌
ఆదిలాబాద్‌టౌన్‌: సమైక్య రాష్ట్రంలో అన్యాయాలను సహించక కేసీఆర్‌ 2009 నవంబర్‌ 29న చేపట్టిన ఆమరణ దీక్షతోనే ప్రత్యేక తెలంగాణ రాష్ట్రం కల సాకారమైందని బీఆర్‌ఎస్‌ జిల్లా అధ్యక్షుడు జోగు రామన్న, ఎమ్మెల్యే అనిల్‌జా దవ్‌ అన్నారు. జిల్లా కేంద్రంలోని పార్టీ కార్యాలయంలో శనివారం దీక్ష దివస్‌ నిర్వహించారు. ఈ సందర్భంగా వారు తెలంగాణ తల్లి విగ్రహాం, అమరవీరుల స్తూపం చిత్రపటానికి పూ ల మాలలు వేసి నివాళులర్పించారు. అనంత రం మాట్లాడారు. కేసీఆర్‌ దీక్ష ఫలితంగానే తెలంగాణ సిద్ధించిందన్నారు. ప్రత్యేక రాష్ట్రం ఏర్పడ్డాక తొలి పదేళ్ల పాలనలో కేసీఆర్‌ ముఖ్యమంత్రిగా 56 సంక్షేమ పథకాలను అమలు చేశారని గుర్తు చేశారు. పార్టీకి కార్యకర్తలే బలమని, స్థానిక సంస్థల ఎన్నికల్లో పార్టీ బలపరిచే అభ్యర్థుల విజయానికి కృషి చేయాలని పిలుపు నిచ్చారు. అంతకు ముందు జైనథ్‌ మండలం లక్ష్మిపూర్‌, రామాయి గ్రామస్తులు, దొబీ కాలనీ వాసులు బీఆర్‌ఎస్‌లో చేరగా వారికి కండువా కప్పి పార్టీలోకి స్వాగతించారు. ఇందులో పార్టీ నాయకులు మనోహర్‌, యూనీస్‌ అక్బా నీ, తుల శ్రీనివాస్‌, సాజిదొద్దీన్‌, కిరణ్‌, పవన్‌ నాయక్‌, తిరుపతి తదితరులు పాల్గొన్నారు.
