TV
యువతులు, బాలికలకు అండగా ‘పోలీస్‌ అక్క’
ఆదిలాబాద్‌టౌన్‌: మహిళలు, యువతులు, బా లికలకు తోబుట్టువుగా మారి వారి సమస్యలకు పరిష్కారం చూపాలని ఎస్పీ అఖిల్‌ మహాజన్‌ అన్నారు. శనివారం స్థానిక పోలీస్‌ హెడ్‌ క్వార్టర్స్‌లోని సమావేశ మందిరంలో ‘పోలీస్‌ అక్క’ విధులు నిర్వహిస్తున్న 19 మంది సిబ్బంది, షీ టీం బృందంతో సమీక్ష నిర్వహించారు ఈ సందర్భంగా ఎస్పీ మాట్లాడుతూ, జిల్లాలోని ప్రతీ ప్రభుత్వ, ప్రైవేట్‌ పాఠశాల, కళాశాలను సందర్శించి పోలీస్‌ అక్క కార్యక్రమాన్ని నిర్వహించాలన్నారు. ఇప్పటి వరకు 27 కౌన్సెలింగ్‌ కార్యక్రమాలు, 18 ఈ పెట్టి కేసులు నమోదు చేసి ఆకతాయిల ఆగడాలు అడ్డుకున్నట్లు తెలి పారు. ఇందులో ఉట్నూర్‌ అదనపు ఎస్పీ కాజ ల్‌ సింగ్‌, ఆదిలాబాద్‌ ఉమెన్‌ పోలీస్‌ స్టేషన్‌ సీఐ ప్రేమ్‌ కుమార్‌, సిబ్బంది పాల్గొన్నారు.
అప్రమత్తంగా ఉండాలి
ఇచ్చోడ: పంచాయతీ ఎన్నికల నేపథ్యంలో విధుల్లో అప్రమత్తంగా ఉండాలని ఎస్పీ అఖిల్‌ మహాజన్‌ అన్నారు. పంచాయతీ కార్యాలయంలో ఏర్పాటు చేసిన నామినేషన్‌ స్వీకరణ కేంద్రాన్ని శనివారం పరిశీలించారు. ఎన్నికల సందర్భంగా జిల్లాలో జైనథ్‌, పిప్పర్‌వాడ, ఘన్‌పూర్‌, లక్ష్మిపూర్‌ అంతర్రాష్ట్ర చెక్‌పోస్టులతో పాటు నేరడిగొండ మండలం రోల్‌మామాడ వద్ద మరో చెక్‌పోస్టు ఏర్పాటు చేసినట్లు తెలి పారు. ఆయన వెంట ఉట్నూర్‌ ఏఎస్పీ కాజల్‌సింగ్‌, ఎస్‌హెచ్‌వో బండారి రాజు ఉన్నారు.
